ភាគទី១៖ សកម្មជន
បន្ទាប់ពីនាង Alyssa Alhadeff បានស្លាប់នៅក្នុងការបាញ់ប្រហារក្នុងវិទ្យាល័យ Marjory Stoneman Douglas ក្នុងទីក្រុង Parkland រដ្ឋ Florida សហរដ្ឋអាមេរិក កាលពីថ្ងៃទី ១៤ ខែកុម្ភៈ ឆ្នាំ ២០១៨ មក អ្នកស្រី Lori ដែលជាម្ដាយរបស់នាង ដំបូងបានងាកទៅរកជំនឿសាសនា ហើយបន្ទាប់មកបានងាកទៅរកនយោបាយ។ ដើម្បីឧទ្ទិសដល់នាង Alyssa អ្នកស្រី Lori បានប្រឹងប្រែងដើម្បីឲ្យមានឥទ្ធិពលនៅក្នុងការផ្លាស់ប្ដូរ និងត្រូវបានគេបោះឆ្នោតឲ្យធ្វើជាសមាជិកមួយរូបនៃក្រុមប្រឹក្សាសាលារៀនប្រចាំស្រុកដែលអ្នកស្រីរស់នៅ។ នៅក្នុងភាគទី១ យើងតាមដានការប្រឹងប្រែងរបស់អ្នកស្រី Lori ក្នុងការឧទ្ទិសដល់កូនស្រី Alyssa និងការណ៍ដែលអ្នកស្រីបានឈរនៅជួរមុខនៃការផ្លាស់ប្ដូរក្នុងនាមជាសកម្មជនថ្មីមួយរូប។ អ្នកស្រី Beth Mendelson នៃ VOA រាយការណ៍ពីទីក្រុង Parkland។ ហើយលោក ចាប ចិត្រា ជូនសេចក្តីប្រែសម្រួល៕