ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

កម្មករ​កាត់ដេរ​រត់​ចេញ​ពី​រោងចក្រ​ពេល​ឃើញ​សហការី​សន្លប់​ជា​ច្រើន​


កម្មករ​រោងចក្រ​ប្រហែល​១០០​នាក់​បាន​សន្លប់​នៅ​រោងចក្រ​ហុងវ៉ា​កម្ពុជា​ហ្កាមិន (Hung Wah Garment) នៅ​ក្នុង​ក្រុង​ភ្នំពេញ​កាល​ពី​ថ្ងៃ​ទី​២៥​ខែ​កក្កដា​ឆ្នាំ​២០១១។
កម្មករ​រោងចក្រ​ប្រហែល​១០០​នាក់​បាន​សន្លប់​នៅ​រោងចក្រ​ហុងវ៉ា​កម្ពុជា​ហ្កាមិន (Hung Wah Garment) នៅ​ក្នុង​ក្រុង​ភ្នំពេញ​កាល​ពី​ថ្ងៃ​ទី​២៥​ខែ​កក្កដា​ឆ្នាំ​២០១១។

កម្មករ​កាត់ដេរ​ជិត​១០០​នាក់​បាន​សន្លប់​នៅ​រោងចក្រ ​Hung Wah ​នៅ​ភ្នំពេញ ​កាលពី​ថ្ងៃ​ច័ន្ទ។ ​រថយន្ត​ពេទ្យ​ប្រហែល​១០​គ្រឿង​បាន​ព្យាបាល​និង​ដឹក​កម្មករ​ទៅ​មន្ទីរពេទ្យ។​កម្មករ​ដែល​រត់​ចេញ​ពី​រោងចក្រ​និយាយ​ថា​ គេ​មិន​ដឹង​ថា​ តើ​កម្មករ​ឈឺ​ និង​ដួល​សន្លប់​មក​ពី​ហេតុអ្វី​ទេ​ តែ​ពួក​គេ​រហិត​រហៃ​ភ្លាមៗ​ ពេល​ឃើញ​សហការី​ដួល​សន្លប់។

កម្មការិនី​ ឡាយ ណាគ្រី​ និយាយ​ថា៖

«ឃើញ​គេ​អញ្ចឹង​មាន​អារម្មណ៍​ថា​ ភ័យ។​ ដល់​ពេល​ភ័យ​អញ្ចឹង​ទៅ​ ខ្ញុំ​ស្រាល​ដៃ​ ស្រាល​ជើង​ខ្លួន​ឯង»។

រី​ឯ​កម្មការិនី​ស៊ុន ដាវណ្ណ​ បន្ថែម​ថា៖

«អត់អី​ទេ​ គ្រាន់តែ​ទន់ដៃ​ ទន់ជើង។ ​ពេល​គេ​ជ្រួល​ច្របល់​អញ្ចឹង​ទៅ ​ខ្ញុំ​ភ័យ»។

បញ្ហា​កម្មករ​សន្លប់​នៅ​រោងចក្រ​ Hung Wah​ ដែល​ផលិត​ខោអាវ​ម៉ាក​ H&M ​មិន​មែន​ជា​រឿង​ថ្មី​ទេ​ តែ​វា​បង្ហាញ​ពី​ករណី​ធ្វើការ​ហួស​កម្លាំង​ ដែល​ផ្តល់​ប្រាក់​ចំណូល​ដល់​ប្រទេស​មួយ​ក្នុង​ចំណោម​ប្រទេស​ក្រីក្រ​បំផុត​នៅ​អាស៊ី​នេះ។​ ក្រុមហ៊ុន​ធំៗ​ខ្លះ​បាន​ស៊ើប​អង្កេត​ការ​អះអាង​របស់​អង្គការ​ក្រៅ​រដ្ឋាភិបាល​ដែល​ថា ​មាន​កម្មករ​សន្លប់​ជាង​១.០០០​នាក់​នៅ​ឆ្នាំ​នេះ ​ដោយសារ​ធ្វើការ​យ៉ាង​លំបាក​ និង​ច្រើន​ម៉ោង​ដើម្បី​បាន​ប្រាក់ខែ​ដ៏​ស្តួចស្តើង​ ចិញ្ចឹម​ពលរដ្ឋ​ខ្មែរ​ក្រីក្រ​ច្រើន​ម៉ឺន​គ្រួសារ​នៅ​ជនបទ។

កំណើន​កម្មករ​សន្លប់​នៅ​ឆ្នាំ​នេះ​បង្ហាញ​ការ​ធ្លាក់​ចុះ​នូវ​លក្ខខណ្ឌ​ការងារ​ក្នុង​វិស័យ​កាត់ដេរ​ដែល​មាន​កំណើន​២៨%​ និង​មាន​ចំណូល​៣​ពាន់​លាន​ដុល្លារ​លើស​ឆ្នាំ​មុន​ ហើយ​ដែល​ជា​កម្លាំង​ញើស​របស់​កម្មករ​ក្នុង​រោងចក្រ​របស់​ក្រុមហ៊ុន​ចិន​ដីគោក​ និង​តៃវ៉ាន់។

វិស័យ​កាត់ដេរ​ផ្តល់​ចំណូល​ឲ្យ​កម្ពុជា​ច្រើន​បំផុត​ទីបី​ បន្ទាប់​ពី​កសិកម្ម ​និង​ទេសចរណ៍​ តែ​ឧស្សាហកម្ម​នេះ​ប្រឈម​នឹង​កូដកម្ម​ បាតុកម្ម​ទាក់ទង​នឹង​លក្ខខណ្ឌ​ការងារ​ និង​ប្រាក់ខែ​ទាប​ ដែល​បណ្តាល​ឲ្យ​មាន​ការ​ប៉ះទង្គិច​រវាង​កម្មករិនី​ និង​ប៉ូលិស​ប្រដាប់​ដោយ​កាំភ្លើង​និង​ដំបង​ឆក់។

ក្នុង​ខែ​កញ្ញា​កាលពី​ឆ្នាំ​ទៅ មាន​កម្មករ​ជាង​២១០.០០០​នាក់​ក្នុង​រោងចក្រ​ចំនួន​៩៥​បាន​ធ្វើ​កូដកម្ម​ទាមទារ​ដំឡើង​ប្រាក់ខែ​ និង​លក្ខខណ្ឌ​ការងារ​ប្រសើរ​ឡើង៕

ប្រែ​សម្រួល​ដោយ​ ពិន ស៊ីសុវណ្ណ

XS
SM
MD
LG