ភ្ជាប់​ទៅ​គេហទំព័រ​ទាក់ទង

ព័ត៌មាន​​ថ្មី

ដំណើរតាំងលក់និងសូត្រកំណាព្យ “ឱ! មហាភ្នំដងរែក


ដំណើរតាំងលក់និងសូត្រកំណាព្យ “ឱ! មហាភ្នំដងរែក
ដំណើរតាំងលក់និងសូត្រកំណាព្យ “ឱ! មហាភ្នំដងរែក

<!-- IMAGE -->

ដើម្បីព័ត៌មាននេះ

ទុក្ខវេទនារបស់ជនភៀសខ្លួនកម្ពុជានៅឯជាយដែនកម្ពុជាថៃ ជាពិសេសនៅជួរ
ភ្នំដងរែក ដែលជាលទ្ធផលនៃការប្រព្រឹត្តដោយក្រុមយោធាថៃនោះ ត្រូវបានកត់
ត្រានៅក្នុងកម្រងកំណាព្យដែលបាននិពន្ធដោយសពព្រះតេជគុណអគ្គទីបោលី
វ៉ាន់ អតីតចៅអធិការវត្តពន្លឺពុទ្ធិចក្រ ក្រុងឡូវែល(Lowell) រដ្ឋម៉ាស្សាជូស្ស៊ែតស៍
(Massachusetts)ដែលជាទីក្រុងមានប្រពលពលរដ្ឋកម្ពុជារស់នៅច្រើនជាង
គេទីពីរបន្ទាប់ពីទីក្រុងឡងប៊ិច រដ្ឋកាលីហ្វ័រញ៉ា សហរដ្ឋអាមេរិក។

សៀវភៅកំណាព្យដែលមានចំណងជើងថា “ឱ! មហាភ្នំដងរែក” នេះត្រូវបានរក
ឃើញបន្ទាប់ពីព្រះតេជគុណអគ្គទីបោលីវ៉ាន់ទទួលអនិច្ចធម្ម ហើយត្រូវបានរៀប
ចំឡើងវិញ ដើម្បីបោះពុម្ពផ្សាយជាពីរភាសា គឺភាសាខ្មែរ និងអង់គ្លេស និងមាន
១៧៦ទំព័រ ដោយលោកខឿន សំខាន់ សហប្រធានពិព័រណ៍សិល្បៈខ្មែរ។ លោក
ខឿន សំខាន់ថ្លែងថា ការធ្វើដំណើរពិព័រណ៍សិល្បៈខ្មែរនេះ មានគោលបំណងពីរ
គឺផ្សព្វផ្សាយសៀវភៅកំណាព្យនិងប្រមូលថវិកាដើម្បីបន្តកិច្ចការផ្សព្វផ្សាយ។

លោកសំខាន់បន្តថា៖

«គោលបំណងធំដើមគេគឺដើម្បីផ្សព្វផ្សាយកម្រងកំណាព្យអំពីទុក្ខសោកនាដកម្ម
របស់ជនភៀសខ្លួនខ្មែរយើង ។ យើងក៏សុំឲ្យបងប្អូនខ្មែរយើងជួយជាវសៀវភៅ
និងស៊ីឌី និងជួយធ្វើវិភាគទានផ្សេងៗ គឺធ្វើយ៉ាងម៉េចឲ្យយើងមានលទ្ធភាពបាន
ផ្សព្វផ្សាយអំពីកម្រងកំណាព្យក្នុងសៀវភៅហ្នឹង ហើយនឹងមានលទ្ធភាពបន្តកិច្ច
ការទៅមុខទៀតគឺដូចខ្ញុំបាទលើកមកហើយគឺថា ទៅថ្ងៃក្រោយយើងមានគោល
បំណងចង់ណែនាំយកសៀវភៅកំណាព្យនេះទៅប្រទេសកម្ពុជាយើង» ។

ជនភៀសខ្លួនខ្មែរជាច្រើនពាន់នាក់បាននាំគ្នាធ្វើដំណើរទៅកាន់ជំរុំជនភៀសខ្លួន
នៅតាមព្រំប្រទល់ប្រទេសកម្ពុជា ថៃ និង នៅក្នុងប្រទេសថៃក្នុងឆ្នាំ១៩៧៩ និង
ដើមទសវត្សរ៍ ឆ្នាំ១៩៨០ ក្រោយពីរបបកម្ពុជាប្រជាធិបតេយ្យត្រូវបានផ្តួលរំលំ។ ពួកគេត្រូវរងទុក្ខវេទនាពីសំណាក់ចោរព្រៃ និង កងទ័ពការពារព្រំដែនថៃ។ ជន
ភៀសខ្លួនខ្មែរជាច្រើនពាន់គ្រួសារ ត្រូវបានដឹកយកទៅចោលនៅតាមជួរភ្នំដង
រែក ដោយរងការបាញ់ប្រហារពីសំណាក់កងយោធាថៃនិងជាន់មីន រងរបួសនិង
ស្លាប់ជាច្រើននាក់។ខ្លឹមសារទាំងនេះត្រូវកត់ត្រាក្នុងសៀវភៅកំណាព្យនេះ។

នៅក្នុងដំណើរតាំងពិព័រណ៍នៅក្នុង១៤សហគមន៍ខ្មែរនេះ លោកឃឿន សំខាន់
ក៏បានឲ្យដឹងផងដែរថា ក្រៅពីមានការតាំងនិងដាក់លក់សៀវភៅកំណាព្យ និង
ស៊ីឌី ក៏មានការស្មូតកំណាព្យ អមដោយការប្រគុំដន្ត្រីបូរាណផងដែរ ដោយនឹង
មានការចូលរួមពីសិល្បៈករ និងសិល្បៈការិនីនៃអង្គការខ្មែរអមតៈ មកពីប្រទេស
កម្ពុជាគឺយុវជនញ៉ុក ស៊ីណាតដែលមានជំនាញខាងលេងឧបករណ៍ដន្ត្រីបូរាណ
និងកញ្ញាភឿន ស្រីពៅ មានជំនាញខាងស្មូត ។

ថវិកាដែលបានមកពីដំណើរតាំងពិព័រណ៍សិល្បៈខ្មែរនេះ ក៏នឹងត្រូវបានយកទៅ
ធ្វើជាមូលនិធិឧទ្ទិសដល់សព ព្រះតេជគុណ អគ្គទីបោលី វ៉ាន់ផងដែរ ដើម្បីជា
ប្រយោជន៍សម្រាប់អាហារូបករណ៍ដល់សិស្សានុសិស្សកម្ពុជា ។ លោក ឃឿន
សំខាន់បន្តថា៖

«សូមបញ្ជាក់ផងដែរថា ថវិកាដែលយើងរកបានមកគឺយើងនឹងជួយឧបត្ថម្ភដល់
អង្គការរស្មីកូនខ្មែរនេះ ដែលបានធ្វើកិច្ចការអប់រំដល់យុវជន យុវតីខ្មែរយើងនៅ
ទីក្រុងឡូវែលនេះ អំពីសកម្មភាពផ្សេងៗ ដើម្បីធ្វើយ៉ាងណាឲ្យយុវជនយុវតីទាំង
អស់នោះក្លាយជាពលរដ្ឋដ៏ល្អ មានតម្រិះវិជ្ជាសិក្សាល្អ ។ យើងក៏យកថវិកានេះ ទៅដាក់ធ្វើជាអាហារូបករណ៍នៅក្រោមឈ្មោះរបស់ព្រះតេជគុណលីវ៉ាន់ហ្នឹងតែ
ម្តងដើម្បីជូយកូនខ្មែរដ៏ទៃទៀត»។

ដំណើរតាំងពិព័រណ៍នឹងចាប់ផ្តើមនៅថ្ងៃទី១ខែមេសាដោយចេញពីទីក្រុងឡូវែល
ទៅទីក្រុងនានា ដែលមានប្រជាពលរដ្ឋកម្ពុជារស់នៅ ដូចជាក្រុងលីនន៍ (Lynn)
រដ្ឋម៉ាស្សាជូស្ស៊ែតស៍ ក្រុងប្រូវីឌិនស៍ (Providence) រដ្ឋ រ៉្ហូតអៃលែនដ៍ (Rhode
​Island) ទីក្រុងហ្វ៊ីឡាឌែលហ្វ៊ីយ៉ា (Philadelphia) រដ្ឋភែនន៍ស៊ីលវ៉ានា (Penn-
sylvania) និងក្រុងឡងប៊ិច (Long Beach) រដ្ឋកាលីហ្វ័រញ៉ា (California)ជា
ដើមនិងត្រឡប់ទៅបញ្ចប់នៅក្រុងឡូវែលវិញនៅថ្ងៃទី១ខែឧសភាឆ្នាំ២០១០។
សៀវភៅនិងស៊ីឌីកំណាព្យ“ឱ! មហាភ្នំដងរែក”ដែលជាស្នាព្រះហស្តរបស់សព
ព្រះតេជគុណអគ្គទីបោ លីវ៉ាន់ នឹងអាចជាវបាន ដោយទាក់ទងអង្គការរស្មីកូន
ខ្មែរ ឬតាមគេហទំព័រ reaksmey.org៕

អត្ថបទ​ទាក់ទង

XS
SM
MD
LG