កិច្ចប្រជុំអំពីអាជីវកម្មធនធានរ៉ែ

ដើម្បីស្តាប់ព័ត៌មាននេះ

ក្រុមមន្ដ្រីមកពីប្រទេសចំនួន១៥បានជួបប្រជុំគ្នា នៅថ្ងៃអង្គារនេះ នៅក្នុងទីក្រុង
ភ្នំពេញសម្រាប់កិច្ចពិភាក្សារយៈពេលបីថ្ងៃអំពីការធ្វើអាជីវកម្មធនធានរ៉ែ ស្រប
ពេលដែលប្រទេសកម្ពុជារំពឹងថា នឹងចាប់ផ្ដើមទាញយលផលពីធនធានរ៉ែរឹង
នៅក្នុងអំឡុងឆ្នាំ២០១៥។

លោក Douglas Broderick អ្នកសម្របសម្រួលអង្គការសហប្រជាជាតិប្រចាំ
កម្ពុជាមានប្រសាសន៍នៅក្នុងកិច្ចបើកសិក្ខាសិលានេះថា ចំណេះដឹងអំពីប្រេង
ឧស្ម័ននិងអំពីធនធានរ៉ែនៅក្នុងប្រទេសកម្ពុជានៅមានកម្រិតនៅឡើយ ហើយ
កម្ពុជាត្រូវការរៀនសូត្រពីបណ្ដាប្រទេសដែលចូលរួមនេះជាបន្ថែមទៀត។

«ការរៀនពីអ្នកដទៃនឹងជួយប្រទេសកម្ពុជាក្នុងការទាញយកផលពីឧស្សាហកម្ម
រ៉ែ ដើម្បីផ្ដល់ផលចំណេញសម្រាប់ទាំងអស់គ្នា»។

មានអ្នកជំនាញការ និងក្រុមមន្ដ្រីរដ្ឋាភិបាលមកពីសហរដ្ឋអាមេរិក ប្រទេសអង់
គ្លេស វៀតណាម កម្ពុជា ឡាវ ឥណ្ឌូនេស៊ី ហ្វីលីពីន ឥណ្ឌា ប៉ាពូនូវ៉ែលហ្គីណេ
ម៉ុងហ្គោលី ប្រទេសទីម័រខាងកើតជាដើម បានចូលរួមនៅក្នុងសិក្ខាសាលារយៈ
ពេលបីថ្ងៃនេះ។

មានធនធានរ៉ែរឹងយ៉ាងតិចចំនួន ២៥ប្រភេទ ដែលកំពុងស្ថិតនៅក្រោមដីចំនួន
១៤៥កន្លែង និងមានរ៉ែរាវផ្សេងទៀត ដូចជាឧស្ម័ន និងប្រេងជាដើមនៅក្នុងប្រ-
ទេសកម្ពុជា។ មានក្រុមហ៊ុនចំនួនជាង៣០ទទួលបានអាជ្ញាបណ្ណ រុករករ៉ែទាំងពីរ
ប្រភេទនេះ។

លោក Brian Lund នាយកប្រចាំតំបន់អាស៊ីខាងកើតរបស់អង្គការ Oxfam
អាមេរិកមានប្រសាសន៍ថា ការផ្លាស់ប្តូរព័ត៌មានគ្នានេះ មានសារៈសំខាន់ខ្លាំង
ណាស់សម្រាប់ប្រទេសប្រទេសនិមួយៗ សម្រាប់សង្គមស៊ីវិលនិងសម្រាប់ក្រុម
ហ៊ុនឯកជន។ ហើយការជួបប្រជុំគ្នានៃក្រុមមន្ដ្រីទាំងអស់នៅថ្ងៃនេះគឺជាចំណុច
ចាប់ផ្ដើមចំពេលវេលា។

«នៅទីនេះយើងមានរដ្ឋាភិបាល វិស័យឯកជន សង្គមស៊ីវិលនិងសហគមន៍មក
ពីក្នុងតំបន់ដែលយល់ថា សកម្មភាពនេះមានសារៈសំខាន់សម្រាប់កិច្ចអភិវឌ្ឈន៍
នៅក្នុងតំបន់អាស៊ីអគ្នេយ៍ ហើយប្រទេសកម្ពុជាជាផ្នែកមួយនៃតំបន់នេះ។ដូច្នេះ
យើងត្រូវការការសម្របសម្រួលគ្នា និងឈ្លាសវៃ ថាតើយើងត្រូវចាត់ចែងយ៉ាង
ដូចម៉េ្តច?»

នៅពេលដែលកំពុងរង់ចាំការចាប់ផ្ដើមធ្វើអាជីវកម្មធនធានរ៉ែរឹង ដែលគ្រោងទុក
នៅឆ្នាំ២០១៥ ការធ្វើអាជីវកម្មលើឧស្ម័ន និង ប្រេងកាតនៅក្នុងប្រទេសកម្ពុជា
ត្រូវគេជឿថា អាចនឹងដំណើរការនៅក្នុងអំឡុងឆ្នាំ២០១៣។ អាជីវកម្មប្រេង និង
ឧស្ម័ននេះទំនងជាអាចផ្ដល់ចំណូលដល់ប្រទេសកម្ពុជាចំនួន ១.៧០០លាន
ដុល្លារនៅត្រឹមឆ្នាំ២០២១។ក្រុមអ្នកជំនាញមកពីបណ្ដាប្រទេសនានាបានលើក
ពីបទពិសោធន៍នៃការគ្រប់គ្រងចំណូលពីអាជីវកម្មលើធនធានរ៉ែរៀងៗខ្លួន។

លោក Richard Thompson អ្នកជំនាញផ្នែកវិនិយោគអន្ដរជាតិមកពីប្រទេស
អង់គ្លេស បានលើកឡើងថា សិក្ខាសិលានៅថ្ងៃនេះ គឺជាជំហានវិជ្ជមានសម្រាប់
ប្រទេសកម្ពុជាដើម្បីធានាថា ប្រទេសនេះបង្កើតឲ្យមានកិច្ចអភិបាលកិច្ចល្អ ក្នុង
ការអភិវឌ្ឈធនធានរ៉ែរយៈពេលវែងឆ្ងាយ។

ជាមួយគ្នានេះដែរ លោកហង់ ជួនណារ៉ុន អគ្គលេខាធិការក្រសួងសេដ្ឋកិច្ច និង
ហិរញ្ញវត្ថុមានប្រសាសន៍ថា កម្ពុជាត្រូវធ្វើការគ្រប់គ្រងការប្រមូលពន្ធពីអាជីវកម្ម
ធនធានរ៉ែប្រកបដោយតុល្យភាព និងត្រូវការបង្កើនសមត្ថភាពមន្រ្ដីរបស់រដ្ឋាភិ-
បាលបន្ថែមសម្រាប់ការគ្រប់គ្រងចំណូលធនធានទាំងនេះ៕