សភាអឺរ៉ុបចង់ឱ្យលោកសមរង្សី បានមកកម្ពុជាវិញ

ដើម្បីស្តាប់ព័ត៌មាននេះ

សមាជិកសភាសហភាពអឺរ៉ុប នៅថ្ងៃសុក្រនេះ បានទទូចសុំដល់រដ្ឋាភិបាល និង
រដ្ឋសភាកម្ពុជា ឱ្យអនុញ្ញាតឱ្យលោក សម រង្ស៊ី មេដឹកនាំគណបក្សប្រឆាំងវិល
ត្រឡប់មកកាន់កម្ពុជាវិញ ដើម្បីឱ្យប្រទេសនេះទទួលបានការគាំទ្រពីសហគមន៍
អន្តរជាតិ។

លោកសម រង្ស៊ីត្រូវបានកាត់ទោសឱ្យជាប់ពន្ធនាគារចំនួន២ឆ្នាំអំពីការដកតម្រុយ
បង្គោលព្រំដែនលេខ១៨៥និងការញុះញ៉ង់ឱ្យមានការរើសអើងជាតិសាសន៍កាល
ពីចុងខែមករា។

ឥឡូវនេះលោកសម រង្សី កំពុងរស់នៅនិរទេសខ្លួនក្នុងប្រទេសបារាំង ដើម្បីគេច
ចេញពីការជាប់ពន្ធនាគារ។

លោក Ivo Belet សមាជិកសភាអឺរ៉ុប១រូប ក្នុងចំណោមសមាជិកសភាអឺរ៉ុប៩រូប
បានថ្លែងនៅក្នុងជំនួបរួមជាមួយសមាជិករដ្ឋសភាមកពីគណបក្សប្រជាជនកម្ពុជា
គណបក្សសម រង្ស៊ី គណបក្ស សិទ្ធិមនុស្ស គណបក្សហ៊្វុនស៊ិនប៉ិចនិងគណបក្ស
ជាតិនិយមថា យើងដឹងថា ស្ថានភាពនៅកម្ពុជាគឺមានប្រជាធិបតេយ្យច្រើនជាង
នៅក្នុងប្រទេសភូមាយ៉ាងពិតប្រាកដ ក៏ប៉ុន្តែត្រូវធានានូវតួនាទីរបស់មេដឹកនាំ
គណបក្សប្រឆាំងដែលចង់វិលត្រឡប់មកកម្ពុជាវិញ។

លោកIvo Belet បានបញ្ជាក់ថា ការប្រៀបធៀបជាអន្តរជាតិធ្វើឡើងរវាងអ្វីដែល
កំពុងកើតមាននៅកម្ពុជា និងអ្វីដែលកំពុងកើតមាននៅភូមា។

«រដ្ឋាភិបាលនឹងទទួលបាននូវការជឿទុកចិត្តពីសហគមន៍អន្តរជាតិ ដោយគ្រាន់
តែអនុញ្ញាតឱ្យលោកសម រង្ស៊ី វិលត្រឡប់មកកាន់ប្រទេសកម្ពុជាវិញ។ ឯកឧត្តម
គឺជាសមាជិករដ្ឋសភា ស្វះស្វែងរកវិធីចំពោះបេសកកម្មនេះ ឱ្យវិលត្រឡប់មក
វិញ»។

លោក ស៊ិក ប៊ុនហុក អនុប្រធានគណៈកម្មការនីតិកម្ម និង យុត្តិធម៌នៃរដ្ឋសភា
ខាងគណបក្សប្រជាជនកម្ពុជា បានឆ្លើយតបនៅក្នុងកិច្ចប្រជុំថា លោកសម រង្ស៊ី
បានប្រព្រឹត្តខុសច្បាប់ និងប្រព្រឹត្តបទល្មើសព្រហ្មទណ្ឌដោយផ្ទាល់ខ្លួន ហើយ
អភ័យឯកសិទ្ធិរដ្ឋសភាមិនការពារបទល្មើសព្រហ្មទណ្ឌរបស់លោកសម រង្ស៊ីបាន
ទេ។

លោកស៊ិក ប៊ុនហុក បានបញ្ជាក់ថា ករណីរបស់លោកសម រង្ស៊ីជារឿងច្បាប់។
វាមិនមែនជារឿងនយោបាយទេ។ យើងមិនអាចធ្វើអ្វីដែលរំលោភលើបទបញ្ជា
ផ្ទៃក្នុងរបស់រដ្ឋសភាបានទេ។

«ចំពោះបុគ្គលសម រង្ស៊ី ដែលឯកឧត្តម (Ivo Belet ) បានលើកថា តើបញ្ហានេះ
លោកសម រង្ស៊ីមានលទ្ធភាពចូលមកក្នុងប្រទេសកម្ពុជាបានឬមិនបាន។ នេះគឺ
ជារឿទិដ្ឋភាពច្បាប់សុទ្ធសាធ។ គាត់ (លោកសម រង្ស៊ី)គឺជាអ្នកប្រព្រឹត្តខុសច្បាប់
និងមិនមែនជាការសម្តែងមតិនៅក្នុងរដ្ឋសភា ដែលបានការពារដោយអភ័យឯក
សិទ្ធិសភាទេ»។

លោកផៃ ស៊ីផាន រដ្ឋលេខាធិការ និងជាអ្នកនាំពាក្យប្រចាំទីស្តីការគណៈរដ្ឋមន្ត្រី
បានថ្លែងថា លោកសម រង្ស៊ីមានសិទ្ធិសេរីភាពវិលត្រឡប់មកកម្ពុជា។រដ្ឋាភិបាល
មិនបានហាមឃាត់លោកមិនឱ្យចូលមកក្នុងប្រទេសកម្ពុជានោះទេ ប៉ុន្តែលោក
ត្រូវតែទទួលខុសត្រូវចំពោះមុខច្បាប់។

លោកគឹម សួរភីរិទ្ធ តំណាងរាស្ត្រគណបក្សប្រឆាំង បានបញ្ជាក់នៅក្នុងកិច្ចប្រជុំ
ថា លោកសម រង្ស៊ីបានទៅការពារផលប្រយោជន៍របស់ប្រជាពលរដ្ឋនិងការពារ
ផលប្រយោជន៍របស់ជាតិ។

លោកគឹម សួរភីរិទ្ធបានបញ្ជាក់ថា វាមិនមែនជារឿងព្រហ្មទណ្ឌទេ ប៉ុន្តែវាជារឿង
នយោបាយ។

«ខ្ញុំជឿជាក់ថា តាមរយៈការលើកឡើងរបស់សមាជិកសភាសហភាពអឺរ៉ុប១រូប
ដែលស្នើឱ្យមានដំណោះស្រាយនយោបាយឱ្យលោក សម រង្ស៊ី មេដឹកនាំគណ
បក្សប្រឆាំងអាចវិលត្រឡប់មកប្រទេសកម្ពុជាវិញរបស់គឺជារឿងសំខាន់ណាស់
ដែលធ្វើឱ្យយើងគិតថា ដំណើរការប្រជាធិបតេយ្យកាន់តែមានការរីកចម្រើនថែម
ទៀតនៅពេលអនាគត បើដំណោះស្រាយបែបនេះត្រូវបានធ្វើឡើង»។

សមាជិកគណបក្សប្រឆាំង រួមមានលោកសម រង្ស៊ី និងលោកស្រី មួរ សុខហួរ
ត្រូវបានព្យួរអភ័យឯកសិទ្ធិ និងត្រូវបានកាត់ក្តីឱ្យមានទោសព្រហ្មទណ្ឌ លោក
ហង្ស ចក្រា និពន្ធនាយកកាសែតខ្មែរម្ចាស់ស្រុក ដែលគាំទ្រគណបក្សប្រឆាំង
ត្រូវបានកាត់ទោសឱ្យជាប់ពន្ធនាគាររយៈពេល ១ឆ្នាំ ចំពោះការរិះគន់អំពើពុក
រលួយ
របស់ក្រុមមន្ត្រីក្រោមការគ្រប់គ្រងរបស់លោកឧបនាយករដ្ឋមន្ត្រីសុខ អាន៕