ភ្ជាប់​ទៅ​គេហទំព័រ​ទាក់ទង

Comfrel:ប្រជាធិបតេយ្យ នៅកម្ពុជាធ្លាក់ចុះ

  • ហេង រស្មី

ដើម្បីស្តាប់ព័ត៌មាននេះ

អង្គការឃ្លាំមើលដំណើរការបោះឆ្នោតដោយឯករាជ្យមានឈ្មោះថា Comfrelនៅ
ថ្ងៃពុធនេះ បានចេញរបាយការណ៍ដោយបានធ្វើការរិះគន់ចំៗទៅលើប្រព័ន្ធប្រ-
ជាធិបតេយ្យនៅកម្ពុជាថា មានការធ្លាក់ចុះនៅក្នុងឆ្នាំ២០០៩នេះ។ ក៏ប៉ុន្តែមន្រ្តី
ជាន់ខ្ពស់របស់រដ្ឋាភិបាលកម្ពុជា បានច្រានចោលការលើកឡើងនេះ។

នៅក្នុងរបាយការណ៍របស់ខ្លួនចំនួន២២ទំព័រ ជាភាសាអង់គ្លេសដែលត្រូវបានបក
ប្រែក្រៅផ្លូវការ អង្គការComfrel បាននិយាយថា ការធ្លាក់ចុះនូវប្រព័ន្ធប្រជាធិប-
តេយ្យនេះបានរារាំងប្រទេសកម្ពុជាពីការអនុវត្តឲ្យបានពេញលេញ ដើម្បីតំណាង
នូវផល់ប្រយោជន៍របស់ប្រជាពលរដ្ឋខ្មែរ។

អង្គការComfrel បានលើកឡើងថា សកម្មភាពផ្សេងៗ ដែលអនុវត្តដោយរដ្ឋាភិ
បាល ឬ ក៏គណបក្សកាន់អំណាច បានបង្កឲ្យអ្នកបោះឆ្នោតមួយចំនួនបាត់សិទ្ធិ
បោះឆ្នោតនិងធ្វើឲ្យមានការលំបាកសម្រាប់គណបក្សដទៃទៀតក្នុងការប្រកួតប្រ-
ជែងដោយយុត្តិធម៌និងការកាត់បន្ថយនូវការទទួលព័ត៌មានរបស់ប្រជាពលរដ្ឋខ្មែរ
ព្រមទាំងការទទួលបាននូវទស្សនៈផ្សេងៗ។

លោក ផៃ ស៊ីផាន អ្នកនាំពាក្យនិងជារដ្ឋលេខាធិការទីស្តីការគណៈរដ្ឋមន្រ្តី បាន
ច្រានចោលការលើកឡើងនៅក្នុងរបាយការណ៍នេះ ។

លោកផៃ ស៊ីផាន មានប្រសាសន៍ថា អ្វីដែលជាការលើកឡើងរបស់Comfrel
នោះគឺពុំបានយល់ច្បាស់អំពីប្រព័ន្ធប្រជាធិបតេយ្យនៅកម្ពុជាទេ ។

លោកបានមានប្រសាសន៍ថា រដ្ឋាភិបាលកម្ពុជាបាន និង កំពុងអនុវត្តនូវប្រព័ន្ធ
ប្រជាធិបតេយ្យសកលភាវូបនីយ៍កម្ម ។

«ប្រព័ន្ធប្រជាធិបតេយ្យ ដែលរាជរដ្ឋាភិបាលបានធ្វើ ហើយកំពុងធ្វើបន្តទៅទៀត
នោះ គួរតែ Comfrel ដែលមានឈាមជ័រជាខ្មែរដូចគ្នាហ្នឹង ចូលរួមនូវអ្វីដែលជា
មោទនភាពជាមួយប្រជាពលរដ្ឋកម្ពុជា ក៏ដូចជាការងាររបស់រាជរដ្ឋាភិបាល»។

ផ្ទុយនឹងការលើកឡើងរបស់មន្រ្តីរដ្ឋាភិបាល លោកស្រីមូរ សុខហ៊ួរ អ្នកតំណាង
រាស្រ្តគណបក្សប្រឆាំងបានសម្តែងការគាំទ្រចំពោះរបាយការណ៍របស់Comfrel
នេះ។

លោកស្រីបានមានប្រសាសន៍ថា របាយការណ៍នេះ បានបង្ហាញពីភាពពិតជាក់
ស្តែងសម្រាប់ឲ្យយើងទាំងអស់គ្នាយកទៅពិចារណា។លោកស្រីបានមានប្រសា-
សន៍ថា កម្ពុជាបច្ចុប្បន្ននេះពុំទាន់មានលទ្ធិប្រជាធិបតេយ្យឲ្យបានពេញលេញ
ទេ ។

«ទីនេះ នៅប្រទេសកម្ពុជាគឺមានការចាប់ចងប្រជាពលរដ្ឋ។ យើងមានឃើញថា
ដកអភ័យឯកសិទ្ធិអ្នកតំណាងរាស្រ្ត។ យើងមានឃើញនូវអំពើពុករលួយនូវស្ថា-
បន ជាពិសេសនៅស្ថាបនតុលាការនេះ ជាការបង្ហាញឲ្យឃើញច្បាស់ថា មាន
ការថយក្រោយនៅក្នុងប្រទេសកម្ពុជា លើលទ្ធិប្រជាធិបតេយ្យហ្នឹងហើយ»។

កាលពីចុងខែមុន អ្នករាយការណ៍ពិសេសរបស់អង្គការសហប្រជាជាតិអំពីបញ្ហា
សិទ្ធិមនុស្ស នៅកម្ពុជា គឺលោកSurya Prasad Subedi បានលើកឡើងថា នៅ
កម្ពុជានៅតែទទួលរងនូវការរំលោភសិទ្ធិមនុស្សទាក់ទិននឹងសេរីភាពបញ្ចេញមតិ
ការបណ្តេញចេញដោយង្ខំ និងការបំភិតបំភ័យសកម្មជនការពារសិទ្ធិមនុស្សជា
ដើម ។

របាយការណ៍ស្តីអំពីស្ថានភាពសិទ្ធិមនុស្សរបស់សមាគមសិទ្ធិមនុស្ស ADHOC
វិញបានលើកឡើងថា នៅក្នុងឆ្នាំ២០០៩នេះ យ៉ាងហោចណាស់ក៏មានអ្នកការ
ពារសិទ្ធិមនុស្សចំនួន២៣៥នាក់បានទទួលរងនូវការប្តឹងផ្តល់នៅក្នុងតុលាការនៅ
ក្នុងនោះមាន ១៤៧នាក់ត្រូវបានចាប់ខ្លួន ៥៨នាក់កំពុងជាប់ឃុំឃាំងនៅឡើយ
និង៨៨នាក់ផ្សេងទៀតកំពុងគេចខ្លួនពីការតាមចាប់របស់តុលាការ។

ពីទីក្រុងភ្នំពេញ ខ្ញុំ ហេង រស្មី VOA សម្លេងស.រ.អា.៕

អត្ថបទ​ទាក់ទង

XS
SM
MD
LG