ភ្ជាប់​ទៅ​គេហទំព័រ​ទាក់ទង

សាលាក្តីខ្មែរក្រហមសើរើតំណែង ក្រោយពីព្រះរាជអាជ្ញាលាលែង

  • ហេង រស្មី
  • VOA

ដើម្បីស្តាប់ព័ត៌មាននេះ

សហព្រះរាជអាជ្ញារងខាងភាគីកម្ពុជានៅសាលាក្តីខ្មែរក្រហមបានលាលែងចេញ
ពីតំណែង ស្របពេលដែលសហចៅក្រមភាគីអន្តរជាតិ បានស្នើសុំផ្លាស់ប្តូរតួ
នាទីមកជាចៅក្រមបម្រុងវិញ។មន្រ្តីសាលាក្តីខ្មែរនិយាយថា ការផ្លាស់ប្តូរនេះមិន
ជិះឥទ្ធិពលដល់ដំណើរការរបស់សាលាក្តីទេ ។

លោក ហេង រស្មី រាយការណ៏ពីទីក្រុងភ្នំពេញដូចតទៅ៖

លោក ឌឹម សុវណ្ណរម្យ អ្នកនាំពាក្យរបស់សាលាក្តីខ្មែរក្រហម បានបញ្ជាក់នៅ
ថ្ងៃពុធនេះថា លោកតាន់ សេណារ៉ុង សហព្រះរាជអាជ្ញាខាងភាគីកម្ពុជានៅក្នុង
សាលាក្តីខ្មែរក្រហម បានប្រកាស លាចេញពីមុខតំណែងកាលពីខែធ្នូ កន្លងទៅ
នេះ ចំណែកឯអ្នកស្រីKatinka Lahuisសហចៅក្រមខាងភាគីអន្តរជាតិជនជាតិ
ហូឡង់ បានផ្លាស់ប្តូរតួនាទីមកជាចៅក្រមបម្រុងវិញ ។

លោកឌឹម សុវណ្ណរម្យបានបញ្ជាក់ថា លោកតាន់ សេណារ៉ុងត្រូវទៅកាន់តួនាទី
របស់លោកជាចៅក្រមនៅក្នុងតុលាការខេត្តកណ្តាលវិញ ចំណែកឯលោកច័ន្ទ
តារារស្មី អតីតព្រះរាជអាជ្ញានៅតុលាការកំពូល នឹងត្រូវមកកាន់តួនាទីជាសហ
ព្រះរាជអាជ្ញារងជំនួសលោកតាន់ សេណារ៉ុង។

លោកបានបញ្ជាក់ថា មូលហេតុនៃការផ្លាស់ប្តូរនេះ គឺដោយសារតែលោកតាន់
សេណារ៉ុងជាប់រវល់បំពេញភារកិច្ចរបស់លោកជាចៅក្រមនៅក្នុងតុលាការខេត្ត
កណ្តាល។ ចំណែកឯអ្នកដែលត្រូវជំនួសតំណែងលោកស្រី Katinka Lahuis
ពុំទាន់បានត្រូវប្រកាសជាផ្លូវការនៅឡើយទេ។

"បន្ទាប់ពីគាត់ធ្វើការតាំងពីឆ្នាំ២០០៦មក គាត់ក៏បានសុំលាលែងដោយសារតែ
គាត់រវល់ការងារគាត់ច្រើននៅឯតួនាទីគាត់នៅតុលាការជាតិវិញណា៎ ហើយគាត់
ត្រូវជំនួសដោយលោកច័ន្ទ តារា រស្មីវិញ"។

លោក តាន់ សេណារ៉ុង អតីតសហព្រះរាជអាជ្ញារងរបស់សាលាក្តីខ្មែរក្រហម
បានបញ្ជាក់ថា ការលាលែងរបស់លោកនេះ គឺ ដោយសារតែលោកជាប់រវល់
ការងារជាចៅក្រមក្នុងតុលាការខេត្ត កណ្តាលដែលធ្វើឲ្យលោកមិនអាចបំពេញ
ការងារជាសហព្រះរាជអាជ្ញារងនៅសាលាក្តីខ្មែរក្រហមបានទេ។

"មូលហេតុដោយសារខ្ញុំនោះ វាមានការងារពីរកន្លែង ហើយការងារពីរកន្លែង
ទៀតសោតវាច្រើនសម្រាប់ខ្ញុំ ។ នៅពេលដែលខ្ញុំទៅធ្វើការនៅសាលាក្តីខ្មែរក្រ-
ហមហ្នឹង ការងារដែលជាការងាររបស់ចៅក្រមជាតិនៅក្នុងស្រុកហ្នឹង គឺ សំណុំ
រឿងខ្ញុំវាគរធ្វើការចាត់ការអត់ទាន់។អញ្ចឹងអ្វីៗវាគរនៅហ្នឹង ធ្វើឲ្យខ្ញុំមិនអាចទ្រាំ
ទ្រនិងការងារពីរកន្លែងបាន។ខ្ញុំសុខចិត្តថា លាឈប់ពីសាលាក្តីខ្មែរក្រហមចុះ"។

លោកឡុង បញ្ញាវុធ មន្រ្តីសម្របសម្រួលកម្មវិធីគម្រោងយុត្តិធម៌នៅកម្ពុជា បាន
បញ្ជាក់ថា ការផ្លាស់ប្តូរនេះពុំជះឥទ្ធិពលដល់ដំណើរការរបស់សាលាក្តីខ្មែរក្រហម
ទេ។ លោកបានបញ្ជាក់ទៀតថា ការផ្លាស់ប្តូរនេះ គឺ ជាដំណើរការវិជ្ជមានមួយ
របស់សាលាក្តីខ្មែរក្រហម។

"ដូចជារឿងធម្មតា ដែលមានការផ្លាស់ប្តូរពីមួយទៅមួយ ហើយបុគ្គលិកចេញនិង
ចូលជារឿងធម្មតាទេ។ហើយវាក៏មិនអាចធ្វើឲ្យដល់ពន្យារដល់ដំណើរការសាលា
ក្តីខ្មែរក្រហមដែរ"។

សាលាក្តីប្រល័យពូជសាសន៍សម្រាប់កាត់ទោសពួកអតីតមេដឹកនាំខ្មែរក្រហម
ទើបតែបិទបញ្ជាប់សុំណុំរឿង០០២ កាលពីសប្តាហ៍មុន ។

សំណុំរឿង០០២មានជនជាប់ចោទចំនួន៥រូបដែលរួមមានលោកកាំង ហ្គេចអ៊ាវ
ហៅឌុច អតីតមេគុកទួលស្លែង លោកខៀវសំផន អតីតប្រមុខរដ្ឋនៃរបបកម្ពុជា
ប្រជាធិបតេយ្យ លោកអៀង សារី អតីតរដ្ឋមន្រ្តីក្រសួងការបរទេស ព្រមទាំង
ភរិយារបស់លោក គឺ លោកស្រីអៀង ធីរិទ្ធ អតីតរដ្ឋមន្រ្តីក្រសួងសង្គមកិច្ច និង
លោកនួន ជា អតីតប្រធានរដ្ឋសភា។

សវនាការជំនុំជម្រះសំណុំរឿង០០២រំពឹងថា នឹងផ្តើមនៅចុងឆ្នាំ២០១០នេះ ឬក៏
ដើមឆ្នាំ២០០១។
ពីទីក្រុងភ្នំពេញ ខ្ញុំ ហេង រស្មី VOA សម្លេងស.រ.អា.។

អត្ថបទ​ទាក់ទង

XS
SM
MD
LG