ដើម្បីស្តាប់ព័ត៌មាននេះ
តុលាការកំពូលនៃសាលាក្ដីខ្មែរក្រហមបានច្រានចោលបណ្ដឹងរបស់ដើមបណ្ដឹង
រដ្ឋប្បវេណីអំពីការជំទាស់ទៅនឹងការហាមសិទ្ធិពួកគេ ។
មេធាវីចាត់ទុកថា
ការ
សម្រេចនេះប៉ះពាល់ដល់យុត្តិធម៌
សម្រាប់ជនរងគ្រោះ។
លោក គង់ សុឋានរិទ្ធ រាយការណ៍ជូនពីទីក្រុងភ្នំពេញដូចតទៅ៖
អង្គជំនុំជម្រះសាលាកំពូលរបស់សាលាក្ដីខ្មែរក្រហម ទើបតែបានច្រានចោល
ដោយមិនចាត់ការលើបណ្ដឹងឧទ្ធរណ៍របស់ក្រុមមេធាវីតំណាងឲ្យដើមបណ្ដឹងរដ្ឋ
ប្បវេណី។ ក្រុមមេធាវីដែលប្រឆាំងទៅនឹងការសម្រេចរបស់អង្គជំនុំជម្រះសាលា
ដំបូង
ដែលមិនអនុញ្ញាតឲ្យពួកខ្លួនធ្វើសេចក្ដីសន្និដ្ឋានទៅលើការសម្រេចដាក់
ទោសឌុច និង ធ្វើការចោទសួរទៅលើអត្ដចរិតរបស់អតីតប្រធានគុកទួលស្លែង
រូបនេះ។
កាលពីខែសីហា
លោកចៅក្រមនិល ណុន
ប្រធានអង្គជំនុំជម្រះសាលាដំបូង
បានប្រកាសនៅក្នុងសវនាការរបស់កាំងហ្គិចអ៊ាវ ហៅឌុច ថា
មេធាវីតំណាង
ឲ្យដើមបណ្ដឹងរដ្ឋប្បវេណីនឹងមិនត្រូវអនុញ្ញាតឲ្យធ្វើការសាកសួរដេញដោល
ដោយផ្ទាល់ទៅលើសាក្សី
ទៅលើអ្នកជំនាញ ទាក់ទងទៅនឹងអត្ដចរិតរបស់ឌុច
រួមទាំងមិនអនុញ្ញាតឲ្យពួកគេដាក់សេចក្ដីសន្និដ្ឋានទោសជូនអង្គជំនុំជម្រះផង
ដែរ។
ក្រុមមេធាវីនៃដើមបណ្ដឹងរដ្ឋប្បវេណីក្រុម២
និងក្រុម៣ បានប្ដឹងឧទ្ធរណ៍ជំទាស់
ទៅនឹងការសម្រេចនេះ
ទៅអង្គជំនុំជម្រះសាលាកំពូល កាលពីខែកញ្ញា
ដោយ
ចាត់ទុកថា
ការហាមប្រាមនោះបានធ្វើឲ្យមានការបែងចែករវាងភាគីនានា
នៅ
ក្នុងការកាត់ទោស
ហើយបម្រាមនេះគឺជាកំហុសមួយផ្លូវច្បាប់។
មេធាវីតំណាង
ឲ្យដើមបណ្ដឹងទាំងពីរក្រុមបានស្នើឲ្យតុលាការកំពូលរបស់សាលាក្ដីខ្មែរក្រហម
ធ្វើសេចក្ដីសម្រេចទៅលើករណីនេះ។
នៅក្នុងការសម្រេចរបស់ខ្លួនកាលពីថ្ងៃព្រហស្បតិ៍សប្ដាហ៍មុន
ប៉ុន្ដែទើបតែត្រូវ
បានផ្សព្វផ្សាយជាសាធារណៈកាលពីថ្ងៃច័ន្ទ
លោកចៅក្រមគង់ ស្រ៊ីម
ប្រធាន
អង្គជំនុំជម្រះតុលាការកំពូលនៃសាលាក្តីខ្មែរក្រហមបានលើកឡើងថា
"បណ្ដឹង
ឧទ្ធរណ៍នោះមិនអាចទទួលយកបានទេ"។
លោកគឹម ម៉េងឃី
មេធាវីមួយរូបនៃមេធាវីតំណាងឲ្យដើមបណ្ដឹងរដ្ឋប្បវេណីមាន
ប្រសាសន៍ថា
ការសម្រេចខាងលើគឺជាឆន្ទានុសិទ្ធិរបស់ចៅក្រម ប៉ុន្ដែការសម្រេច
នេះនឹងបង្កឲ្យមានការបាត់បង់ជំនឿរបស់ជនរងគ្រោះដោយរបបខ្មែរក្រហមទៅ
លើសាលាក្ដីខ្មែរក្រហម ព្រោះថា ការចោទសួរអំពីអត្តចរិតរបស់
ឌុចនឹងមិន
បង្កការប៉ះពាល់ដល់ការសម្រេចទោសលើជនជាប់ចោទរូបនេះទេ។
“ហេតុដូច្នេះ
ការបដិសេធនូវការចូលរួមនេះ
គឺវាប្រៀបដូចជាកាត់បន្ថយការចូល
រួមស្វែងរកការពិត
ហើយនិងទទួលបានយុត្តិធម៌ពីជនរងគ្រោះទាំងអស់"។
សូមបញ្ជាក់ថា
ដើមបណ្ដឹងរដ្ឋប្បវេណី
ដែលសុទ្ធសឹងជាជនរងគ្រោះដោយរបប
ខ្មែរក្រហម
ក៏ធ្លាប់បានសម្ដែងការមិនពេញចិត្តទៅនឹងសេចក្ដីសម្រេចរបស់អង្គ
ជំនុំជម្រះសាលាដំបូងរបស់សាលាក្ដីខ្មែរក្រហម
ដែលបានរារាំងមេធាវីការពារក្ដី
មិនឲ្យពួកគេចោទសួរអំពីអត្តចរិតរបស់ឌុច
និងមិនឲ្យក្រុមមេធាវីទាំងនោះចូល
រួមធ្វើសេចក្ដីសន្និដ្ឋានទៅលើការដាក់ទោសឌុច។
ជនរងគ្រោះទាំងនោះចាត់ទុក
ថា
សេចក្ដីសម្រេចរបស់អង្គជំនុំជម្រះសាលាដំបូងនោះគឺជាការមិនឲ្យតម្លៃទៅ
លើពួកខ្លួន។
ពីរាជធានីភ្នំពេញ ខ្ញុំ គង់ សុឋានរិទ្ធ VOA សម្លេងស.រ.អា.៕