ភ្ជាប់​ទៅ​គេហទំព័រ​ទាក់ទង

កម្ពុជាឱ្យចូលជាសមាជិកគណៈ កម្មាធិការបេតិកភណ្ឌពិភពលោក

  • Michael Lapin
  • VOA

ប្រទេសចំនួន៨៣លើ១៤០បានបោះឆ្នោតគាំទ្រប្រទេសកម្ពុជាឱ្យចូលជាសមា
ជិកនៃគណៈកម្មាធិការបេតិកភណ្ឌពិភពលោក ដែលធ្វើឱ្យប្រទេសថៃមានការ
ខកចិត្តយ៉ាងខ្លាំង។

លោក ជន សក្តា សូមជូនសេចក្តីពិស្តារអំពីព័ត៌មាននេះ៖

ប្រទេសកម្ពុជាបានក្លាយជាសមាជិកពេញសិទ្ធិនៃគណៈកម្មាធិការបេតិកភណ្ឌ
ពិភពលោករបស់អង្គការUnesco ហើយនៅថ្ងៃច័ន្ទនេះ បន្ទាប់ពីបានខិតខំប្រឹង
ប្រែងបញ្ចុះបញ្ចូលប្រទេសចំនួន១៨៦នៃសមាជិកអង្គការ Unesco យ៉ាងខ្លាំង
ក្លាយក្នុងរយៈពេលជាង៣ខែ កន្លងមកនេះ។

ប្រទេសថៃបានសរសេរលិខិតទៅអង្គការUnescoដើម្បីប្រឆាំងជំទាស់នឹងសមា
ជិកភាពរបស់ប្រទេសកម្ពុជានៅក្នុងគណៈកម្មាធិការបេតិកភណ្ឌពិភពលោក
យ៉ាងខ្លាំង ហើយសមាជិកសភាថៃជាង៤០នាក់បានធ្វើសិក្ខាសាលាកាលពីថ្ងៃ
អង្គារដើម្បីទាមទារឱ្យអង្គការ Unesco ទប់ស្កាត់ប្រទេសកម្ពុជា មិនឱ្យចូលជា
សមាជិកនៃគណៈកម្មាធិការបេតិកភណ្ឌពិភពលោករបស់អង្គការUnesco។

លោកផៃ ស៊ីផាន រដ្ឋលេខាធិការនិងជាអ្នកនាំពាក្យប្រចាំទីស្តីការគណៈរដ្ឋមន្ត្រី
បានថ្លែងថា ប្រទេសចំនួន៨៣នៃប្រទេសវត្តមានសរុប១៤០បានបោះឆ្នោតគាំ
ទ្រប្រទេសកម្ពុជាឱ្យចូលជាសមាជិកគណៈកម្មាធិការបេតិកភណ្ឌពិភពលោក។

“ការជាប់ឆ្នោតជាប្រវត្តិសាស្ត្រនេះមិនត្រឹមតែបង្ហាញពីជោគជ័យលើវិស័យវប្ប
ធម៌ប៉ុណ្ណោះទេ។ប៉ុន្តែថែមទាំងបង្ហាញពីភាពប៉ិនប្រសប់ផ្នែកវិស័យការទូតរបស់
កម្ពុជា ក្នុងយុទ្ធនាគារពន្យល់ និងបញ្ចុះបញ្ចូលរដ្ឋភាគី ដើម្បីស្វែងរកការគាំទ្រ
កម្ពុជាផងដែរ។ លើសពីនេះទៀត ជោគជ័យដ៏ត្រចះត្រចង់នេះ បានធ្វើឱ្យកេរ្តិ៍
ឈ្មោះ និង កិត្យានុភាពរបស់ប្រទេសកម្ពុជាកាន់តែលេចធ្លោនៅលើឆាកអន្តរ
ជាតិ”។

លោកផៃ ស៊ីផាន បានបញ្ជាក់ថា ប្រទេសកម្ពុជាបានជាប់ចំណាត់ថ្នាក់លេខ២
តាមពីក្រោយប្រទេសស្វីសជាប់លេខថ្នាក់លេខ១ ដោយមានសម្លេងគាំទ្រ១០៤
លើ១៤០។ប្រទេសថៃបានជាប់ចំណាក់ថ្នាក់លេខ៣តាមក្រោយប្រទេសកម្ពុជា
ដោយមានសម្លេងគាំទ្រ៨២ ប្រទេសអាហ្វ្រិកខាងត្បូងជាប់ចំណាត់ថ្នាក់លេខ៤
ដោយមានសម្លេងគាំទ្រ៧៨ និង ប្រទេសបារាំងបានជាប់ចំណាត់ថ្នាក់លេខ៥
ដោយមានសម្លេងគាំទ្រ ៧៣។

ប្រទេសនិមួយៗតម្រូវឱ្យមានសម្លេងឆ្នោតគាំទ្រចំនួន៧១ សម្រាប់ការជាប់ជា
សមាជិកនៃគណៈកម្មាធិការបេតិក ភណ្ឌពិភពលោក។

ការបោះឆ្នោតនេះបានធ្វើឡើងនៅក្នុងទីក្រុងប៉ារីស ប្រទេសបារាំងដើម្បីជ្រើស
រើសសមាជិកភាពរបស់ប្រទេសថ្មីចំនួន១២ រួមមានប្រទេសកម្ពុជា សម្រាប់ចូល
ជាសមាជិកនៃគណៈកម្មាធិការបេតិកភណ្ឌពិភពលោកនេះ។

លោកនាយករដ្ឋមន្ត្រីហ៊ុន សែនបានថ្លែងនៅក្នុងសាររបស់លោក បន្ទាប់ពីប្រ-
ទេសកម្ពុជាបានជាប់ឆ្នោតជាសមាជិកនៃគណៈកម្មាធិការបេតិកភណ្ឌពិភព
លោកថា រដ្ឋាភិបាលកម្ពុជាសូមថ្លែងអំណរគុណយ៉ាងជ្រាលជ្រៅចំពោះបណ្តា
ប្រទេសភាគី ដែលបានបោះឆ្នោតគាំទ្រ និងផ្តល់សេចក្តីទុកចិត្តលើបេក្ខភាព
កម្ពុជាឱ្យចូលជាសមាជិកនៃគណៈកម្មាធិការបេតិកភណ្ឌពិភពលោក នាពេល
នេះ ដើម្បីការពារអភិរក្សនិងអភិវឌ្ឍប្រកបដោយចីរភាពនូវសម្បត្តិបេតិកភណ្ឌ
មនុស្សលោកនិងអនុសញ្ញាអន្តរជាតិឆ្នាំ១៩៧២ស្តីពីការការពារបេតិកភណ្ឌវប្ប
ធម៌ និងធម្មជាតិពិភពលោក។

នៅពេលចូលជាសមាជិកនៃគណៈកម្មាធិការបេតិកភណ្ឌពិភពលោកនេះ ប្រ-
ទេសកម្ពុជាទទួលបានផលប្រយោជន៍វប្បធម៌យ៉ាងច្រើន ពីការរៀនសូត្របទ
ពិសោធន៍របស់គណៈកម្មាធិការបេតិកភណ្ឌពិភពលោកបង្កើនកិច្ចសហប្រតិបត្តិ
ការអន្តរជាតិ បន្តជួយអភិរក្ស និងអភិវឌ្ឍដោយចីរភាពនូវសម្បត្តិបេតិកភណ្ឌ
ពិភពលោក និង ចែករំលែកបទពិសោធន៍ដែលកម្ពុជាធ្លាប់បានអនុវត្តជាមួយ
គណៈកម្មាធិការសម្របសម្រួលអន្តរជាតិនៅតំបន់អង្គរ។

អង្គការ Unesco មានប្រទេសជាសមាជិកសរុបចំនួន១៨៦ នៅក្នុងអង្គការបេតិ
ភណ្ឌពិភពលោកនេះ។

សមាជិករបស់ប្រទេសកម្ពុជានៅក្នុងគណៈកម្មាធិការបេតិភណ្ឌពិភពលោកនេះ
គឺជាទង្វើនៃការទះកំផ្លៀងប្រទេសថៃដែលប្រឆាំងជំទាស់នឹងបេក្ខភាពរបស់ប្រ-
ទេសកម្ពុជានេះ។

ប្រទេសកម្ពុជាបានចូលជាសមាជិកអង្គការ Unesco តាំងពីឆ្នាំ១៩៥១ ប៉ុន្តែ
កម្ពុជាមិនដែលបានចូលជាសមាជិកនៃគណៈកម្មាធិការ ឬគណៈកម្មការណា
មួយរបស់អង្គការ Unesco នោះឡើយ។

នៅក្នុងការរង់ចាំចូលជាសមាជិកភាពនេះ លោកនាយករដ្ឋមន្ត្រីហ៊ុន សែនបាន
សរសេរលិខិតជូនមេដឹកនាំនៃប្រទេសដែលត្រូវបោះឆ្នោត ដើម្បីលើកសរសើរពី
វប្បធម៌ដ៏សម្បូណ៌បែបថា ប្រទេសកម្ពុជា មានប្រាសាទប្រវត្តិសាស្ត្រចំនួនជាង
៧០០ ទួលបុរាណចំនួនជាង៨០០ ស្ពានបុរាណដែលធ្វើពីថ្ម និងឥដ្ឋប្រមាណ
៨០ ព្រមទាំងសិល្បៈ និងវិចិត្រសិល្បៈគ្រប់បែបយ៉ាង។

រាយការណ៍ពីរាជធានីភ្នំពេញ ខ្ញុំ ជន សក្តា VOA សម្លេងសហរដ្ឋអាមេរិក៕

XS
SM
MD
LG