លោកហ៊ុន សែនៈ លើកបញ្ហាជម្លោះ ប្រាសាទព្រះវិហារនៅកិច្ចប្រជុំអាស៊ាន

លោកនាយករដ្ឋមន្ត្រីហ៊ុន សែន នៅថ្ងៃច័ន្ទនេះ បានព្រមានដល់ក្រុមមេដឹកនាំថៃ
អំពីការលើកយកបញ្ហា ជម្លោះប្រាសាទព្រះវិហារនៅក្នុងកិច្ចប្រជុំកំពូលអាស៊ាន
នៅខែតុលា បើក្រុមមេដឹកនាំថៃមិនបញ្ឈប់ការទាមទារដីទំហំ ៤,៦ គីឡូម៉ែត្រ
ការ៉េនៅជុំវិញតំបន់ប្រាសាទព្រះវិហារចំណាស់ជាង៩០០ឆ្នាំរបស់ប្រទេសកម្ពុជា
នោះ។

ការកត់សម្គាល់នេះបានធ្វើឡើងបន្ទាប់ពីលោក Suthep Thaugsuban ឧបនា
យករដ្ឋមន្ត្រីថៃ បាននិយាយកាលពីថ្ងៃព្រហស្បតិ៍ថា ផ្លូវទាំងឡាយត្រូវបាន
កសាងនៅក្នុងរដ្ឋាភិបាលមុន ហើយបើមានផ្លូវជាច្រើននៅក្នុងតំបន់ព្រំដែន វា
មិនមានន័យថា ដីនោះជាកម្មសិទ្ធិរបស់ប្រទេសកម្ពុជា ហើយកាលពីសប្តាហ៍
មុនក្រុមបាតុករអាវលឿងថៃបានចោទប្រកាន់់ថា រដ្ឋាភិបាលកម្ពុជាគ្រប់គ្រងទឹក
ដីរបស់ប្រទេសថៃនៅតំបន់ជុំវិញប្រាសាទព្រះវិហារនោះ។

លោកនាយករដ្ឋមន្ត្រី ហ៊ុន សែន បានថ្លែងនៅក្នុងពិធីសម្ពោធន៍ទីស្តីការក្រសួង
ទេសចរណ៍ថា លោកសុំស្នើឱ្យមេដឹកនាំថៃបញ្ឈប់ការប្រើប្រាស់ប្រាសាទព្រះ
វិហារនៅក្នុងនយោបាយផ្ទៃក្នុងរបស់ខ្លួន ហើយលោកមិនចង់ប៉ះទង្គិចជាមួយ
មេដឹកនាំថៃទេ។

"ការអះអាងរបស់លោកនាយករដ្ឋមន្ត្រី ឧបនាយករដ្ឋមន្ត្រីនិងរដ្ឋមន្ត្រីដ៏ទៃទៀត
របស់ប្រទេសថៃ លើបញ្ហាដីទំហំ ៤,៦ គីឡូម៉ែត្រការ៉េ គឺ ជាការមិនអាចទទួល
យកបាន។ នេះគឺជាការអះអាងជាឯកតោភាគី ក្នុងមហិច្ឆិតាឈ្លានពាន កាន់
កាប់ទឹកដីកម្ពុជា។ របស់ដែលហៅថា ៤,៦ គីឡូម៉ែត្រការ៉េគឺជាការប្រកាសជា
ឯកតោភាគី តាមផែនទី ដែលគូរជាឯកតោភាគីដោយភាគីរបស់ប្រទេសថៃតែ
ប៉ុណ្ណោះ។កម្ពុជាអត់ទទួលស្គាល់អ្វីដែលជាតំបន់ត្រួតគ្នា ឬតំបន់ទំនាស់ទេ"។

ប្រទេសកម្ពុជាទទួលស្គាល់តែផែនទី ដែលបន្សល់ទុកដោយសន្ធិសញ្ញាបារាំង-
សៀម១៩០៤ និង១៩០៧ ហើយនិងសេចក្តីសម្រេចរបស់តុលាការអន្តរជាតិ
ក្រុងឡាអេឆ្នាំ១៩៦២ និង អនុស្សារណៈយោគយល់គ្នារវាងប្រទេសកម្ពុជា ថៃ
ឆ្នាំ ២០០០។

លោកនាយករដ្ឋមន្ត្រីហ៊ុន សែនបានបញ្ជាក់ថា បើលោកនាយករដ្ឋមន្ត្រីថៃយក
ផែនទីឯកតោភាគីរបស់ថៃមកចរចាជាមួយលោក លោកនឹងហែកផែនទីនោះ
ចោលនៅចំពោះមុខនាយករដ្ឋមន្ត្រីថៃ ហើយបើប្រទេសថៃវាយលុកឈ្លានពាន
ប្រទេសកម្ពុជា យើងនឹងប្តឹងទៅក្រុមប្រឹក្សាសន្តិសុខអង្គការសហប្រជាជាតិ។

តុលាការអន្តរជាតិបានប្រគល់ប្រាសាទព្រះវិហារមកឱ្យប្រទេសកម្ពុជាគ្រប់គ្រង
នៅក្នុងឆ្នាំ១៩៦២ ប៉ុនែ្តមនុស្សយ៉ាងតិច៧នាក់បានស្លាប់នៅក្នុងការវាយប្រយុទ្ធ
គ្នាជាច្រើនលើក បន្ទាប់ពីអង្គការ UNESCO បានចុះបញ្ជីប្រាសាទបុរាណនេះ
ជាបេតិកភណ្ឌពិភពលោកនៅក្នុងខែ កក្កដា ឆ្នាំ ២០០៨។

លោកនាយករដ្ឋមន្ត្រីហ៊ុន សែនបានថ្លែងថា អ្នកនយោបាយនៅទីក្រុងបាងកក
ប្រកាសយកទឹកដីកម្ពុជា និ ងកំណត់អធិបតេយ្យរបស់ខ្លួន មកជាន់លើទឹកដី
កម្ពុជាដើម្បីបំពេញបំណងប្រជាពលរដ្ឋរបស់ខ្លួន។

"ការបំពានផ្នែកងទ័ពមិនបាន។ការបំពានដោយប្រើស៊ីវិលចូលមិនបាន។បំពាន
ដោយប្រើទ្រឹស្តីសាធារណមតិ។កងទ័ពនិងប៉ូលិសប្រដាប់អាវុធកម្ពុជាទាំងអស់
ក្តាប់ឱ្យបាននូវបទបញ្ជានេះ អត់យកខែលទប់ទល់ទេ តែចំពោះពួកឈ្លានពាន
ហើយ មិនត្រូវប្រើខែលទប់ទល់ទេ។ គេប្រើគ្រាប់កាំភ្លើង ដើម្បីទប់ទល់នឹងពួក
ឈ្លានពាន"។

មន្ត្រីស្ថានទូតថៃនៅក្នុងទីក្រុងភ្នំពេញ មិនអាចទំនាក់ទំនង ដើម្បីសេចក្តីអត្ថាធិ
ប្បាយបានទេនៅល្ងាចនេះ៕