សិស្សពូកែពីរនាក់ដែលដណ្តើមជ័យលាភីជាយុវជនឆ្នើមក្នុងកម្មវិធីប្រកួតប្រជែង
ភាពជាអ្នកដឹកនាំរបស់យុវជនតាមរយៈបណ្តាញទូរទស្សន៍កម្ពុជា
CTN
ប្រចាំឆ្នាំ
២០០៨
និង ២០០៩កំពុងបំពេញទស្សនកិច្ចក្នុងសហរដ្ឋអាមេរិកជួបជាមួយក្រុម
មន្រ្តីរដ្ឋាភិបាលនិងតំណាងរាស្រ្តរបស់អាមេរិក និងការដើរកំសាន្តផ្សេងៗមួយ
ចំនួន។
សិស្សពូកែចំនួនពីរនាក់ ដែលឈ្នះដាច់គេក្នុងការដណ្តើមជ័យលាភីជាយុវជន
ឆ្នើមក្នុងកម្មវិធីប្រកួតប្រជែងភាពជាអ្នកដឹកនាំរបស់យុវជន តាមរយៈបណ្តាញ
ទូរទស្សន៍កម្ពុជា CTN
ប្រចាំឆ្នាំ២០០៨
និង២០០៩ កំពុងបំពេញទស្សនកិច្ចក្នុង
សហរដ្ឋអាមេរិក ។
ទស្សនកិច្ចនេះគឺជារង្វាន់ធំបង្អស់សម្រាប់អ្នកឈ្នះដាច់គេ
ហើយជាទស្សនកិច្ចលើកទីបីរបស់ជ័យលាភី
ចាប់តាំងពីកម្មវិធីនេះបានចាប់
ផ្តើមឡើងនៅឆ្នាំ២០០៦។
កម្មវិធីប្រកួតជ្រើសរើសយុវជនឆ្នើមប្រចាំឆ្នាំរបស់វិទ្យាស្ថានសាធារណរដ្ឋអន្តរ
ជាតិ
IRI តាមរយៈក្រុមប្រឹក្សាយុវជនកម្ពុជា YCC នេះ
បានទទួលការឧបត្ថម្ភ
ពីសំណាក់ទីភ្នាក់ងារអភិវឌ្ឍន៍អន្តរៈជាតិសហរដ្ឋអាមេរិក USAID និងទូរទស្សន៍
CTN ។
កម្មវិធីយុវជនឆ្នើមជាកម្មវិធីថ្មីមួយដែលឱ្យយុវជនបង្ហាញសមត្ថភាពជា
អ្នកដឹកនាំតាមការប្រកួតពិតៗ តាមកញ្ចក់ទូរទស្សន៍
លាយឡំនឹងការកំសាន្ត
ផ្សេងៗ
និងជាឱកាសនៃការរៀនសូត្រដ៏មានតម្លៃសម្រាប់យុវជនខ្មែរ។
បេក្ខជនដែលត្រូវបានចម្រាញ់សម្រាប់ការប្រកួតមានចំនួន ១៦នាក់ ក្នុងនោះ
មាននារី៨នាក់បុរស៨នាក់។ អ្នកមានអាយុចាប់ពី១៨ឆ្នាំរហូតដល់៣០ឆ្នាំអាច
ដាក់ពាក្យជាបេក្ខជនដែលអាចមានសិទ្ធិដាក់ពាក្យចូលរួមក្នុងការប្រកួតនោះ។
កញ្ញា យន់
សុផល
អាយុ ២១ ឆ្នាំជានិស្សិតឆ្នាំទី ៣ នៅសកលវិទ្យាល័យនីតិ-
សាស្រ្តនិងវិទ្យាសាស្រ្តសេដ្ឋកិច្ចក្នុងក្រុងភ្នំពេញ បានឈ្នះក្នុងការប្រកួតជ្រើស
រើសយុវជនឆ្នើមរបស់វិទ្យាស្ថាន IRI
ក្នុងឆ្នាំ២០០៨ ។
កញ្ញាបាននិយាយនៅឯកិច្ចសម្ភាសន៍
ពិសេសមួយក្នុងទីស្នាក់ការរបស់ VOA
ក្នុងរដ្ឋធានី Washington
កាលពីសបា្តហ៍មុនថា
កញ្ញាបានទទួលព័ត៌មាន
អំពីការប្រកួតនេះតាមរយៈការចេញផ្សាយខិតប័ណ្ណរបស់អង្គការ IRI និងក្រុម
ប្រឹក្សាយុវជន YCC ។
កញ្ញានិយាយថា
វិញ្ញាសារដែលលំបាកជាងគេក្នុងការប្រកួតនោះ គឺ
វិញ្ញាសារ
អភិវឌ្ឍន៍សហគមន៍
ពីព្រោះវិញ្ញាសារនេះខុសពីអ្វីដែលកញ្ញាបានរៀននៅក្នុង
សាលា។ កញ្ញានិយាយថា
ឈុតដែលលំបាកជាងគេក្នុងការប្រកួតនោះគឺការ
រៀបចំផែនការក្នុងការបញ្ចុះបញ្ចូលអ្នកភូមិដើម្បីជួសជុលផ្លូវលំមួយក្នុងខេត្ត
កណ្តាល។
“ព្រោះថា ប្រជាពលរដ្ឋធម្មតា នៅពេលចូលរួមសកម្មភាពជាមួយយើងហ្នឹង
គាត់តែងតែសួរហើយថា
តើកម្មវិធីហ្នឹងមានប្រយោជន៍អ្វីសម្រាប់គាត់ ដែល
គាត់ត្រូវចូលរួម។
អញ្ចឹងមានន័យថា
លុះត្រាតែមានផលប្រយោជន៍ណាមួយ
ដែលពន្យល់គាត់ថា នេះគឺជាផលប្រយោជន៍ដែលគាត់អាចទទួលបានដែល
គាត់ពេញចិត្តនឹងចូលរួម ទើបគាត់ចូលរួម។ នេះហើយជាចំណុចលំបាក”។
នៅក្នុងការប្រកួតយកជ័យលាភីយុវជនឆ្នើមនេះ បេក្ខជននីមួយៗតម្រូវឱ្យចូល
រួមក្នុងសកម្មភាពនៃភាពជាអ្នកដឹកនាំដូចជាការប្រមូលហត្ថលេខា ការនិយាយ
ជាសារធារណៈ
ការបង្ហាញពីភាពខុសគ្នានៃសង្គមមនុស្ស ការធ្វើជាសកម្មជន
សហគមន៍
ការបញ្ចុះបញ្ចូល និង ការសម្តែងជាមេធាវីក្នុងការការពារក្តីទៅលើ
ករណីពិសេសណាមួយ
។
គោលបំណងក្នុងការប្រកួតប្រជែងយុវជនឆ្នើមតាមកញ្ចក់ទូរទស្សន៍ CTN គឺ
បណ្តុះបណ្តាលអំពីភាពជាអ្នកដឹកនាំ
និងការទទួលខុសត្រូវរបស់យុវជនក្នុង
សង្គមប្រជាធិបតេយ្យ។
កញ្ញា យន់
សុផលនិយាយថា តាមការសង្កេតរបស់កញ្ញាទៅលើការអនុវត្តន៍
លទ្ធិប្រជាធិបតេយ្យក្នុងប្រទេសកម្ពុជាកំពុងដើរទៅមុខយឺតៗ ហើយនៅមិន
ទាន់មានរូបរាងពិតប្រាកដនៅឡើយនោះទេ។
“យើងឃើញថា ការជ្រើសរើសអ្នកដឹកនាំគឺធ្វើឡើងតាមរយៈអ្នកបោះឆ្នោត
ដែលបើកសិទ្ធិឱ្យប្រជាពលរដ្ឋទៅបោះឆ្នោត។ ប៉ុន្តែសំណួរដែលចោទសួរត្រង់
ថា
តើការបោះឆ្នោតគឺជាការបោះឆ្នោត ដែលពិតជាកើតចេញពីឆន្ទៈដ៏ពិត
ប្រាកដរបស់ប្រជាពលរដ្ឋហើយឬនៅ?
មួយទៀតគឺទាក់ទងទៅនឹងការបញ្ចេញមតិរបស់ប្រជាពលរដ្ឋ ។ យើងឃើញ
ថា នៅមិនទាន់មានការបើកទូលំទូលាយនៅឡើយទេចំពោះការបញេ្ចញមតិ
របស់ប្រជាពលរដ្ឋហ្នឹង។
ហើយចំពោះការចូលរួមរបស់យុវជននិងប្រជាពល
រដ្ឋក្នុងវិស័យនយោបាយនៅមានកម្រិតនៅឡើយ។
ដូច្នេះទាមទារឱ្យមានការ
អភិវឌ្ឍន៍
ការជំរុញនិងការលើកទឹកចិត្តរបស់រដ្ឋាភិបាលនិងអង្គការដែលពាក់
ព័ន្ធនានាឱ្យកាន់តែរីកចម្រើនថែមទៀត”។
ចំណែកយុវជន ឆែម
ពេ
អាយុ២០ឆ្នាំ ជាសិស្សទើបបញ្ចប់ការសិក្សានៅវិទ្យា-
ល័យក្នុងខេត្តសៀមរាប បានឈ្នះក្នុងការប្រកួតយកជ័យលាភីយុវជនឆ្នើមក្នុង
ឆ្នាំ២០០៩។ លោកថ្លែងថា
លោកបានដឹងអំពីការប្រកួតប្រជែងនេះតាមរយៈ
ការផ្សព្វផ្សាយតាមទូរទស្សន៍CTN ។
លោកនិយាយថា
វិញ្ញាសារដែលលំបាក
ជាងគេក្នុងការប្រជែងនោះ គឺ វិញ្ញាសាររៃអង្គាសឈាមក្នុងរាជធានីភ្នំពេញ។
“ ចំណុចលំបាក ដែលខ្ញុំបានប្រកួតប្រជែងនោះ គឺ ទាក់ទងទៅនឹងការបញ្ចុះ
បញ្ចូលយុវជននិងប្រជាពលរដ្ឋក្នុងរាជធានីភ្នំពេញដើម្បីឱ្យគាត់ធ្វើការបរិច្ចាគ
ឈាម ដើម្បីផ្តល់ទៅមជ្ឈមណ្ឌលជាតិផ្តល់ឈាម។នេះជាការពិបាកមួយដែល
យើងធ្វើការទៅមានការមិនពេញចិត្តពីប្រជាពលរដ្ឋ ។ គាត់ថា ការរៃអង្គាស
ឈាមនេះ គឺ យកឈាមទៅលក់
ប៉ុន្តែយើងព្យាយាមធ្វើវា រហូតដល់បាន
សម្រេចបាទ”។
ចំណែកឯវិញ្ញាសារនៃការចុះអភិវឌ្ឍន៍សហគមន៍វិញ
លោកឆែម ពេ ក៏បាន
អំពាវនាវដល់សប្បុរសជន និងចុះបញ្ចុះបញ្ចូលពលរដ្ឋក្នុងស្រុកសា្វយអន្ទរ
ខេត្តព្រៃវែងដើម្បីរៃអង្គាសប្រាក់ក្នុងការជួសជុលផ្លូវលំមួយខ្សែដែលអ្នកភូមិ
នៅទីនោះតែងជួបប្រទះផលលំបាកពេលទឹកលិច
។ លោកក៏បានសង្កេត
ឃើញអំពីការលំបាកដែលពលរដ្ឋនៅទីនោះកំពុងជួបប្រទះផងដែរ
ដូចជា
គ្រោះរាំងស្ងួតនិងភាពខ្វះខាតខាងប្រព័ន្ធសុខាភិបាល។
“គាត់នៅស្រុកស្រែអញ្ចឹង
គាត់មានបញ្ហាទាក់ទងទៅនឹងសេវ៉ាកម្មសុខភាព។
អញ្ចឹងគាត់មានផលលំបាកច្រើន។ធម្មតាទេ សេវ៉ាកម្មនៅតាមជនបទ វាអត់
ដូចជានៅទីក្រុង។ វានៅមានកម្រិតនៅឡើយ។
ការប្រើប្រាស់ និងផ្តល់សេវ៉ា
នៅទីនោះ វាអត់សមស្របដែលធ្វើឱ្យគាត់មានបញ្ហាខ្លាំង”។
នៅក្នុងទស្សនកិច្ចចំនួន
២សប្តាហ៍ក្នុងស.រ.អា.នេះ
កញ្ញាយន់ សុផល និង
យុវជន ឆែម
ពេ មានកម្មវិធីជួបជាមួយមន្ត្រីរដ្ឋាភិបាល
និងតំណាងរាស្រ្តសហ
រដ្ឋអាមេរិកមួយចំនួននៅរដ្ឋធានីWashington។
ក្រៅពីកិច្ចប្រជុំទាំងនោះ
អ្នក
ទាំងពីរក៏និងមានឱកាសដើរទស្សនាអគារវិមានរដ្ឋសភាCapitol Hill
សារមន្ទីរ
និងទៅមើលការប្រកួតកីឡា
Baseball ។
ហើយនៅចុងសបា្តហ៍ពួកគេទៅ
កំសាន្តក្នុងទីក្រុង New
York ព្រមទាំងទៅការិយាល័យធំរបស់អង្គការសហ
ប្រជាជាតិ និងការធ្វើទស្សនកិច្ចនៅអង្គការ Asia Society ផងដែរ។
គោលបំណងរបស់អង្គការ IRI ក្នុងការប្រកួតរង្វាន់យុវជនឆ្នើមនេះគឺដើម្បីផ្តល់
ការហ្វឹកហ្វឺនអំពីភាពជាអ្នកដឹកនាំ
និង ភាពជោគជ័យនៃការងាររបស់សង្គម
ប្រជាធិបតេយ្យដល់ក្រុមយុវជនខ្មែរ
ដែលនឹងជាអ្នកសម្រេចនូវជោគវាសនា
របស់ប្រទេសកម្ពុជាទៅអនាគត។
លោក John Willis ប្រធានវិទ្យាស្ថានសាធារណរដ្ឋអន្តរជាតិ IRI
ប្រចាំតំបន់
អាស៊ី មានប្រសាសន៍ថា
បន្ទាប់ពីយុវជនឆ្នើមទាំងនោះត្រឡប់ពីសហរដ្ឋអា-
មេរិកវិញ ពួកគេអាចយកមេរៀននិងបទពិសោធន៍ទៅជួយកសាងប្រទេសជាតិ
របស់ពួកគេ។
“នៅពេលអ្នកដែលទទួលជ័យលាភីទាំងនោះត្រឡប់មកកម្ពុជាវិញ
ពួកគេបាន
សែ្វងយល់ដឹងច្រើននូវអ្វីដែលជាសមិទ្ធិផលនៃកិច្ចការរបស់សង្គមកាន់លទ្ធិប្រ-
ជាធិបតេយ្យ។ ហើយយល់ដឹងនូវអី្វដែលជាកត្តារួមផ្សំទាំងអស់
អាចស៊ីគ្នាទៅ
បាន។ ពួកគេបានបង្ហាញអំពីទស្សនៈវិស័យសម្រាប់ប្រទេសរបស់គេ។ពួកគេក៏
បានជួបនូវគំរូដ៏ពិតប្រាកដមួយ
ហើយស្វែងយល់ដើម្បីអភិវឌ្ឍន៍ដល់ប្រទេស
របស់គេនៅពេលអនាគតដោយខ្លួនគេផ្ទាល់”។
ទាំងកញ្ញាយន់ សុផល និងឆែម ពេសន្យាថា
គេនឹងខិតខំបញ្ចេញឱ្យអស់ពី
សមត្ថភាពដើម្បីចូលរួមស្តារនិងលើកស្ទួយប្រទេសជាតិនិងចែករំលែកចំណេះ
ដឹងឬបទពិសោធន៍នានាដល់ក្មេងជំនាន់ក្រោយ
ដើម្បីកសាងសង្គមឱ្យកាន់តែ
សម្បូរធនធានមនុស្សនិងការរីកចម្រើនថែមទៀត៕