រដ្ឋមន្រ្តីការបរទេសកម្ពុជាបានហៅគោលជំហររបស់នាយករដ្ឋមន្រ្តីថៃក្នុងការ
ចរចាទ្វេភាគី ថាជាសញ្ញាវិជ្ជមានមួយដើម្បីឈានទៅដល់ការដោះស្រាយជម្លោះ
ព្រំដែនរវាងប្រទេសទាំងពីរកម្ពុជា-ថៃ។
លោកហោ
ណាំហុង
ឧបនាយករដ្ឋមន្រ្តីនិងជារដ្ឋមន្រ្តីការបរទេសកម្ពុជាបាន
ស្វាគមន៍ចំពោះការថ្លែងរបស់នាយករដ្ឋមន្រ្តីថៃទៅកាន់ពលរដ្ឋរបស់ខ្លួនដែល
ថា ដំណោះស្រាយជម្លោះព្រំដែនជាមួយកម្ពុជានឹងមិនធ្វើឱ្យប្រទេសថៃបាត់បង់
ចំណែកដីណាមួយនោះឡើយ។
ថ្លែងក្នុងទីក្រុងភ្នំពេញក្រោយពេលចុះហត្ថលេខាទទួលជំនួយថវិកាពីសហរដ្ឋ
អាមេរិកចំនួនជាង៤លានដុល្លារសម្រាប់គម្រោងផ្នែកសុខភាពនិងអប់រំនៅក្នុង
ប្រទេសកម្ពុជានៅថ្ងៃអង្គារនេះលោកហោ
ណាំហុងបានមានប្រសាសន៍ថា
ការ
ប្រកាសរបស់នាយករដ្ឋមន្រ្តីថៃលោក
អាបីស៊ិត វីចាជីវានោះ គឺជាសញ្ញាវិជ្ជមាន
មួយ
ដែលអាចឈានទៅដល់ការដោះស្រាយជម្លោះព្រំដែនរវាងប្រទេសទាំង
ពីរកម្ពុជា-ថៃ។
“ការនិយាយនោះមានលក្ខណៈវិជ្ជមាន
ព្រោះកន្លងមកមានមតិខ្លះ
មានក្រុម
ប្រឆាំងខ្លះតែងតែនិយាយថា
ថៃចរចាជាមួយកម្ពុជាហ្នឹងបានធ្វើឱ្យបាត់ទឹក
ដីថៃ
ប៉ុន្តែការពិតអត់មានបាត់ទឹកដីទេ។
អ្វីដែលកម្ពុជាកំពុងតែធ្វើថ្នល់
កំពុង
ស្ថិតនៅគឺនៅក្នុងទឹកដីកម្ពុជាទាំងស្រុង”។
លោក
អាបីស៊ីត
វីចាជីវាបានថ្លែងអះអាងប្រាប់ពលរដ្ឋថៃនៅក្នុងកាសែតថៃ
Bangkok
Post កាលពីថ្ងៃច័ន្ទថា ប្រទេសថៃពុំបានបាត់បង់បំណែកដែនដី
ណាមួយនៅក្នុងតំបន់ព្រំដែន ដែលមានជម្លោះនៅក្បែរប្រាសាទព្រះវិហារនោះ
ទេ។
ការថ្លែងរបស់លោកនាយករដ្ឋមន្រ្តីថៃនោះបានធ្វើឡើងបន្ទាប់ពីពលរដ្ឋទីក្រុង
បាងកកបានសម្តែងការព្រួយបារម្ភថា ការចរចាទ្វេភាគីជាមួយក្រុងភ្នំពេញនឹង
ធ្វើឱ្យប្រទេសថៃខាតបង់។ ការភ័យខ្លាចនោះបានកើតឡើងក្រោយពីសភាថៃ
កាលពីសប្តាហ៍មុនបានអនុម័តលើក្របខ័ណ្ឌសម្រាប់ការចរចាជាមួយកម្ពុជា។
ប៉ុន្តែលោករដ្ឋមន្រ្តីការបរទេសខ្មែរហោ ណាំហុងបានបញ្ជាក់ថា
ក្របខ័ណ្ឌចរចា
ទ្វេភាគីនោះនឹងមិនធ្វើឱ្យបាត់បង់ទឹកដីថៃ សូម្បីតែបន្តិចណាឡើយ។
“ជាការពិត
ការចរចាជាមួយយើងអត់មានបាត់ទឹកដីថៃទេ
គឺថា ជាក់ស្តែងកន្លែង
យើងនៅសព្វថ្ងៃជាទឹកដីរបស់យើង
អត់មានបាត់ទឹកដីថៃទេ”។
ប្រទេសកម្ពុជានិងប្រទេសថៃបានឈ្លោះទាស់ទែងគ្នាអំពីបញ្ហាព្រំដែន
បន្ទាប់ពី
ប្រទេសថៃមិនសុខចិត្តចំពោះការសម្រេចរបស់អង្គការយូនេស្កូក្នុងការដាក់ប្រា-
សាទព្រះវិហារចំណាស់ជាង៩រយឆ្នាំរបស់កម្ពុជាចូលទៅក្នុងបញ្ជីបេតិកភណ្ឌ
ពិភពលោកកាល
ពីខែកក្កដាឆ្នាំ២០០៨។
ជម្លោះព្រំដែនកម្ពុជា-ថៃនេះបានបង្កឱ្យមានការប៉ះទង្គិចគ្នាដោយអាវុធជាច្រើន
លើកនៅតាមចំណុចផ្សេងៗតាមបណ្តោយព្រំដែនរួមជាង៨រយគីឡូម៉ែត្រហើយ
បានបណ្តាលឱ្យកងទ័ពមួយចំនួននៃភាគីទាំងពីរស្លាប់និងរងរបួស។
ការចរចាកន្លងមកពុំបានផ្តល់លទ្ធផលជាដុំកំភួនដែលអាចឈានទៅដល់ការ
ដោះស្រាយបញ្ហាព្រំដែនដែលអូសបន្លាយពេលអស់ជាង១ឆ្នាំមកនេះ ឱ្យបានដាច់
ស្រឡះនៅឡើយទេ៕