ភ្ជាប់​ទៅ​គេហទំព័រ​ទាក់ទង

រដ្ឋាភិបាលបញ្ចប់កម្មវិធីធនាគារ ពិភពលោកចេញប័ណ្ណកម្មសិទ្ធិដីធ្លី

  • សាយ មុន្នី
  • VOA

រដ្ឋាភិបាលកម្ពុជាបញ្ចប់កម្មវិធីចេញប័ណ្ណកាន់កាប់កម្មសិទ្ធិដីធ្លីនៅកម្ពុជា ដែល
មានទឹកប្រាក់ចំនួនជាង២៤លានដុល្លាររបស់ធនាគារពិភពលោក។

មេដឹកនាំរដ្ឋាភិបាលកម្ពុជា លោកហ៊ុន សែន នៅថ្ងៃច័ន្ទនេះបានប្រកាសឱ្យដឹង
អំពីការបញ្ចប់ភាពជាដៃគូរបស់រដ្ឋាភិបាលជាមួយធនាគារពិភពលោកលើបញ្ហា
ចុះបញ្ជីដីធ្លី ដោយបង្ហាញឱ្យដឹងអំពីហេតុផលថា មកពីមានលក្ខខណ្ឌស្មុគ្រ
ស្មាញពេក។

"នៅស្រកេកស្រកាកនៅហ្នឹង។ បន្តិចលក្ខខ័ណ្ឌ បន្តិចព្យួរ។ មិនបាច់ព្យួរទេឱ្យ
ចប់បណ្តោយ។ ចរចាមិនត្រូវគ្នា។ ហើយមិនមែនមិនត្រូវគ្នាទេ អាហ្នឹងវាលក្ខ
ខ័ណ្ឌច្រើនពេក។ ទោះបីត្រូវគ្នា ក៏ឈប់ដែរ"។

នេះជាប្រសាសន៍របស់លោកនាយករដ្ឋមន្ត្រី ហ៊ុន សែន ក្នុងពិធីផ្សព្វផ្សាយ
ផលិតផលចុងក្រោយនៃការធ្វើជំរឿនកម្ពុជាឆ្នាំ២០០៨ ។

លោកនាយករដ្ឋមន្រី ហ៊ុន សែន ក៏បានមានប្រសាសន៍ផងដែរថា៖

"បានសេចក្តីថា សល់លុយប៉ុន្មានខែទៀត សូមធនាគារពិភពលោកយកលុយ
ហ្នឹងទៅវិញចុះ"។

លោក ផៃ ស៊ីផាន អ្នកនាំពាក្យទីស្តីការគណៈរដ្ឋមន្ត្រី ពុំបានផ្តល់អត្ថាធិប្បាយ
ណាមួយទេនៅថ្ងៃច័ន្ទនេះ ដោយបង្វែរសំណួរឱ្យសួរទៅមន្ត្រីក្រសួងរៀបចំដែន
ដី និងនគរូបនីយកម្មវិញ។

"ខាងនោះបានគេដឹង ខាងគ្រប់គ្រងដីធ្លី"។

ចំណែកមន្ត្រីក្រសួងរៀបចំដែនដី និងនគរូបនីយកម្ម ពុំអាចទំនាក់ទំនងសុំ
អត្ថាធិប្បាយបានទេ។

លោកប៊ូ សារឿន អ្នកនាំពាក្យធនាគារពិភពលោកបដិសេធពុំធ្វើអត្ថាធិប្បាយ
ណាមួយទៅលើអត្ថាធិប្បាយរបស់លោកនាយករដ្ឋមន្ត្រីហ៊ុន សែនឡើយ។

"ខ្ញ៉ុំសូមឱ្យលោកពិនិត្យមើលទៅលើសេចក្តីប្រកាសព័ត៌មានរបស់ខាងធនាគារ
ពិភពលោក។ យើងចេញកាលពីថ្ងៃអាទិត្យ បន្ទាប់ពីខាងរដ្ឋាភិបាលលោក
បានប្រកាសបញ្ចប់គម្រោងហ្នឹងនៅថ្ងៃសុក្រអាទិត្យមុន "។

កាលពីថ្ងៃទី ៦ ចុងសប្តាហ៍មុន ធនាគារពិភពលោក បានចេញសេចក្តីថ្លែង
ការណ៍មួយចំពោះការប្រកាសរបស់រាជរដ្ឋាភិបាលកម្ពុជាក្នុងការបញ្ចប់គម្រោង
គ្រប់គ្រងដីធ្លី និងរដ្ឋបាល ក៏ប៉ុន្តែគេពុំឃើញថា ធនាគារនេះ បានបញ្ចេញប្រតិ-
កម្មណាមួយចំពោះការសម្រេចរបស់រដ្ឋាភិបាល ជុំវិញបញ្ហាគម្រោងនេះទេ។

ធនាគារពិភពលោកដែលជាម្ចាស់ជំនួយដ៏សំខាន់មួយរបស់កម្ពុជាបាននិយាយ
នៅក្នុងសេចក្តីថ្លែងការណ៍នោះថា យើងនៅតែប្តេជ្ញាចិត្តដើម្បីធ្វើការជាមួយរដ្ឋា
ភិបាល និងដៃគូអភិវឌ្ឍន៍នានាតាមរយៈក្រុមការ ងារបច្ចេកទេសស្តីពីដីធ្លីក្នុង
ការគាំទ្រកិច្ចខិតខំប្រឹងប្រែងរបស់កម្ពុជាដើម្បីសុវត្ថិភាពកម្មសិទ្ធិដីធ្លីកាត់បន្ថយ
ភាពក្រីក្រនិង ការលើកកម្ពស់ឱកាសសេដ្ឋកិច្ចដល់ប្រជាជនកម្ពុជាទាំងមូល។

បើយោងតាមធនាគារពិភពលោកបានឱ្យដឹងថា គម្រោងគ្រប់គ្រងដីធ្លី និងរដ្ឋ
បាលនេះ បានចេញប័ណ្ឌកម្មសិទ្ធិដីធ្លីជាង ១,១ លានសន្លឹក ភាគច្រើនបាន
ផ្តល់ជូនដល់ប្រជាជនក្រីក្រនៅជនបទ។

ធនាគារពិភពលោកបានលើកឡើងថា ទោះជាយ៉ាងណាក៏ដោយ ដោយសារតែ
តម្លៃដីឡើងថ្លៃនាពេលកន្លងមកថ្មីៗនេះ ដែលមានប្រមាណជាមធ្យម៣០ភាគ
រយ បាននាំទៅរកបញ្ហានានា ដូចជាជម្លោះដីធ្លី បញ្ហាសំណងជម្ងឺចិត្តដំណើរ
ការបណ្តេញចេញ និងបញ្ហាការផ្លាស់ប្តូរទីលំនៅថ្មី។

លោក ប៊ូ សារឿន អ្នកនាំពាក្យធនាគារពិភពលោកមានប្រសាសន៍ឱ្យដឹងថា គម្រោងនេះមានទឹកប្រាក់ចំនួន២៤,៣ លានដុល្លារសហរដ្ឋអាមេរិក ដែលត្រូវ
អនុវត្តពីឆ្នាំ២០០២រហូតដល់ចុងឆ្នាំ២០០៩ នេះ នៅក្នុងខេត្ត-ក្រុងចំនួន១៤។

លោកយ៉េង វីរៈ នាយកប្រតិបត្តិមជ្ឈមណ្ឌលអប់រំច្បាប់សម្រាប់សហគមន៍បាន
សម្តែងការសោកស្តាយចំពោះការបញ្ចប់គម្រោងគ្រប់គ្រងដីធ្លី និងរដ្ឋបាល។

"យើងគិតថា វាជាគម្រោងមួយគួរបន្តទៀត។យើងអាចគ្រាន់តែធ្វើឱ្យប្រសើរនូវ
អ្វីដែល ជាចំណុចខ្វះខាត ចំណុចដែលត្រូវធ្វើឱ្យប្រសើរប៉ុណ្ណឹង"។

លោក យ៉េង វីរៈ បានលើកឡើងថា គម្រោងនេះ បានផ្តល់ផលប្រយោជន៍ជា
ច្រើនដល់ប្រជាជន ដោយលោកលើកឡើងនូវហេតុផលមួយចំនួន ដូចជាថា
កាលណាយើងមានកម្មសិទ្ធិលើដីធ្លី មានន័យថា យើង មានការធានាខាងផ្លូវ
ច្បាប់កាន់តែរឹងមាំជាដើម៕

XS
SM
MD
LG