ភ្ជាប់​ទៅ​គេហទំព័រ​ទាក់ទង

ជំងឺគាំងបេះដូង

  • Deborah Block
  • VOA

រៀងរាល់ឆ្នាំ ពលរដ្ឋអាមេរិកាំងប្រមាណ៤០ម៉ឺននាក់រងការឈឺចាប់នឹងជំងឺគាំង បេះដូងយ៉ាងខ្លាំងដោយសារសរសៃឈាមក្រហមទៅបេះដូងត្រូវបានគាំងស្ទះ
ទាំងស្រុង ។ ការសិក្សាថ្មីមួយនិយាយថា បុរសតែងទទួលបានការព្យាបាល
ប្រសើរជាងស្ត្រីចំពោះជម្ងឺគាំង បេះដូងទាំងនេះ ។

អ្នកស្រី នុច សារីតា សូមជូនសេចក្តីប្រែសម្រួលដូចតទៅ:
ស្ត្រីដែលបានចូលទៅមន្ទីរពេទ្យដើម្បីព្យាបាលជំងឺគាំងបេះដូង មិនបានទទួល
ការថែទាំដែលពួកគេត្រូវទេ នេះយោងតាមសេចក្តីរាយការណ៍មួយដោយសមា-
គមបេះដូង អាមេរិកាំង ឬ “American Heart Association”។

សេចក្តីរាយការណ៍និយាយថាស្ត្រីទំនង ដូចជាស្លាប់ដោយជំងឺគាំងបេះដូងនេះ
ពីរដងលើសពីបុរស ។ លោកស្រីវេជ្ជបណ្ឌិត Marianne Legato នៅសាកល
វិទ្យាល័យ Columbia University College of Medecine នៅក្នុងរដ្ឋ New
York មានប្រសាសន៍ថា Act Dr. Marianne “ ខ្ញុំមានការឈឺចាប់ខ្លាំងណាស់
ដែលឃើញថា យើងនៅតែមិនទាន់ផ្តល់ដល់ស្ត្រី នូវការ ព្យាបាលជំងឺគាំងបេះ
ដូងខ្លាំងៗឲ្យបានដិតដល់ស្មើៗគ្នាដូចជាបុរស” ។

ជំនួសពីការឈឺចាប់នៅដើមទ្រូង ស្ត្រីជាញឹកញាប់មានរោគសញ្ញានៃជំងឺគាំង
បេះដូងខុសៗគ្នា ដូចជាឈឺខ្នងឬឈឺកញ្ចឹងក។អ្នកស្រី Debbie Dunnនិយាយ
ថាគាត់បានទៅ មន្ទីរពេទ្យ ហើយក្រុមវេជ្ជបណ្ឌិតមិនព្រមជឿថាគាត់មានជំងឺ
គាំងបេះដូង ។

“ដោយសារជំងឺនេះមិនមានន័យដល់ពួកវេជ្ជបណ្ឌិតដែលបានឃើញអ្នកជំងឺ
ពេលមកដល់ បន្ទប់អាសន្ន ហើយខ្ញុំមិនត្រូវបានគេគិតថា ជាអ្នកជំងឺគាំងបេះ
ដូងម្នាក់ឡើយ”។

ក្រុមអ្នកស្រាវជ្រាវបានរកឃើញថាស្ត្រីហាក់បីដូចជាទទួលការព្យាបាលជំងឺ
គាំងបេះដូងតាមបទដ្ឋាននោះបានតិចតួចណាស់ ។ នេះនិយាយរួមទាំងថ្នាំ
សំរាប់សម្រួលចង្វាក់បេះដូងឲ្យ ដើរត្រឹមត្រូវ ធ្វើឲ្យឈាមរត់ស្រួលនិងបន្ថយ
ការស្ទះសរសៃឈាម ។

ការសិក្សាក៏បាននិយាយដែរថាស្ត្រីដែលមានជំងឺគាំងបេះដូងជាធម្មតាមាន
អាយុ ចាស់បុរសហើយជាញឹកញាប់មានបញ្ហាជំងឺផ្សេងៗច្រើនទៀត ដល់
ដូច្នេះការព្យាបាលខ្លះ មិនអាចឲ្យសមគួរបានទេ ។

លោកវេជ្ជបណ្ឌិត Legato មានប្រសាសន៍ថា ម ន្ទីរពេទ្យគួរតែសើរើការ
ព្យាបាលឲ្យ បានហ្មត់ចត់ឡើងវិញចំពោះស្ត្រីម្នាក់ៗ ដែលមានជំងឺគាំងបេះ
ដូង មុននឹងអនុញ្ញាតិឲ្យគេ ចេញពីមន្ទីរពេទ្យ ។

លទ្ធផលអាចនឹងទៅជាស្លាប់បានប្រសិនបើស្ត្រីមិនបានទទួលការព្យាបាល
ត្រឹមត្រូវ ចំពោះ ជំងឺគាំងបេះដូងនេះ ។ការព្យាបាលសង្គ្រោះជីវិតជាបន្ទាន់
អាចជួយជីវិតមនុស្សបាន៕

XS
SM
MD
LG