ការកាត់ទោសខ្មែរក្រហម អាចសម្រាលជម្ងឺផ្លូវចិត្ត

ជម្ងឺផ្លូវចិត្តរបស់ជនរងគ្រោះនៅក្នុងរបបខែ្មរក្រហមអាចជាសះស្បើយបាន លុះ
ត្រាតែជនរងគ្រោះទទួលបានយុត្តិធម៌ពិតប្រាកដនិងការពិតជាក់ស្តែង។

លោកវេជ្ជបណ្ឌិត ឈឹម សុធារា អ្នកជំនាញខាងជម្ងឺផ្លូវចិត្ត បានថ្លែងប្រាប់ចៅ
ក្រមនៅសាលាក្តីពិសេសខែ្មរក្រហម នៅថ្ងៃអង្គារនេះថា យុត្តិធម៌ និងការពិត
នៅក្នុងការកាត់ទោសអតីតមេដឹកនាំខែ្មរក្រហមជាន់ខ្ពស់នេះ អាចជួយព្យាបាល
ជម្ងឺផ្លូវចិត្តរបស់ជនរងគ្រោះនៅក្នុងរបបខែ្មរក្រហមឱ្យជាសះស្បើយបាន។

លោកវេជ្ជបណ្ឌិត ឈឹម សុធារាបានធ្វើសក្ខីកម្មប្រឆាំងជនត្រូវចោទកាំងហ្គេច
អ៊ាវហៅឌុច អតីតប្រធានគុកទួលស្លែងដ៏ប្រល័យអំពីការបង្កឱ្យមានជម្ងឺផ្លូវចិត្ត
ដល់ប្រជារាស្ត្រតាមរយៈការកាប់សម្លាប់និងការធ្វើទារុណកម្ម។

លោកវេជ្ជបណ្ឌិត ឈឹម សុធារា បានបញ្ជាក់ប្រាប់ចៅក្រមថា ជនរងគ្រោះនៅ
មន្ទីរស-២១នៅតែមានការឈឺចាប់ ការនឹងឃើញរឿងរ៉ាវដែលកើតមាន សុបិន
អាក្រក់ការធ្លាក់ទឹកចិត្ត ការលំបាកដែលមិនងាយជាស្បះ និងប៉ះពាល់ដល់ជីវ
ភាពរស់នៅ។

លោកវេជ្ជបណ្ឌិត ឈឹម សុធារា បានបន្តថា ប្រជារាស្ត្រក្នុងចំណោម៥នាក់ មាន
២នាក់ដែលមានជម្ងឺផ្លូវចិត្ត ហើយប្រជារាស្ត្រ ៤០% ដោយសារអំពើឃោរឃៅ
ព្រៃផ្សៃរបស់ពួកខែ្មរក្រហម។

លោកវេជ្ជបណ្ឌិត ឈឹម សុធារាបានថ្លែងថាជនរងគ្រោះរបស់យើងទាំងនោះសុទ្ធ
តែរងនូវជម្ងឺផ្លូវចិត្តផ្សេងៗ ដូចជាជម្ងឺ PTSD ជម្ងឺធ្លាក់ទឹកចិត្ត ជម្ងឺថប់អារម្មណ៍
ជម្ងឺឈឺចាប់ខាងរៀងកាយ ជម្ងឺចិត្តកាយវិប្បល្ល ឬក៏អាចមានជម្ងឺទូទៅផ្សេងៗ
ទៀតដូចជាជម្ងឺលើសឈាម ជម្ងឺឈឺចាប់រ៉ាំរ៉ៃ ជម្ងឺទឹកនោមផ្អែមដែលទាក់ទៅ
នឹងការធ្វើទារុណកម្មរបស់ពួកខែ្មរក្រហម។

លោកវេជ្ជបណ្ឌិតឈឹម សុធារា បានបញ្ជាក់ថា ដំណើរការកាត់ក្តីនេះអាចជួយ
បន្ធូរភាពតានតឹងនៅក្នុងផ្លូវចិត្តរបស់ជនរងគ្រោះ។ការជាសះស្បើយបញ្ហាផ្លូវចិត្ត
នៃជនរងគ្រោះពីសម័យខែ្មរក្រហមនោះ គឺអាស្រ័យទៅលើភាពស្មោះត្រង់របស់
ជនជាប់ចោទអតីតមេដឹកនាំ ខែ្មរក្រហម ដើម្បីបញ្ចេញប្រាប់ជនរងគ្រោះ។ ការ
ដឹងការពិតការទទួលបានយុត្តិធម៌ដ៏ត្រឹមត្រូវ និងការសុំអភ័យទោសទាំងអស់
នេះគឺជាកត្តាដ៏សំខាន់មួយដើម្បីជួយឱ្យជនរងគ្រោះបានជាសះស្បើយ។

ឌុច អាយុ៦៧ ត្រូវបានចោទប្រកាន់អំពីបទឧក្រិដ្ឋកម្មប្រឆាំងមនុស្សជាតិឧក្រិដ្ឋ
កម្មសង្គ្រាម អំពើទារុណកម្មនិងមនុស្សឃាតចំពោះតួនាទីទទួលខុសត្រូវចំពោះ
ការសម្លាប់មនុស្សជាង ១២.០០០ នាក់ នៅគុកទួលស្លែងរវាងពីឆ្នាំ ១៩៧៥
ដល់ឆ្នាំ១៩៧៩។

ឌុច បានថ្លែងប្រាប់ចៅក្រមថា គាត់នៅតែទទួលខុសត្រូវខាងផ្លូវចិត្តលើឧក្រិដ្ឋ
កម្មទាំងអស់លើប្រជាជនកម្ពុជាគ្រប់ រូបនៅក្នុងរបបកម្ពុជាប្រជាធិបតេយ្យ។

"ខ្ញុំនៅតែតាំងចិត្តដាច់ខាតទទួលខុសត្រូវគ្រប់ឧក្រិដ្ឋកម្មទាំងអស់ដែលកើត
មាននៅមន្ទីរស-២១ ទាំងខាងផ្លូវច្បាប់ និងទាំងខាងផ្លូវចិត្ត។ ជនរងគ្រោះ១០
នាក់អត់បានដាក់ពាក្យបណ្តឹងមកទេ។ ដាក់ពាក្យបណ្តឹង ឬ មិនដាក់ពាក្យ
បណ្តឹង ខ្ញុំនៅតែទទួលខុសត្រូវ"។

ឌុច កំពុងជាប់ឃុំឃាំងនៅក្នុងគុករបស់សាលាក្តីខែ្មរក្រហមជាមួយនឹងនួន ជា
អតីតប្រធានរដ្ឋសភា ខៀវ សំផន អតីតប្រធានរដ្ឋ អៀង សារី អតីតរដ្ឋមន្ត្រីការ
បរទេសនិងអៀង ធារិទ្ធិ អតីតរដ្ឋមន្ត្រីសង្គមកិច្ច ត្រូវបានចោទប្រកាន់អំពីឧក្រិដ្ឋ
កម្មសង្គ្រាម និង ឧក្រិដ្ឋកម្មប្រឆាំងនឹងមនុស្សជាតិ ដែលទទួលខុសត្រូវចំពោះ
ការស្លាប់ប្រជារាស្ត្រខែ្មរអស់ជិត ២លាននាក់នៅចុងទសវត្សរ៍១៩៧០៕ ចប់