បណ្ដុំរូបភាពនៃព្រឹត្តិការណ៍ព័ត៌មានសំខាន់ៗ និងទិដ្ឋភាពនានាមកពីប្រទេសផ្សេងៗនៅជុំវិញពីភពលោក។
រូបភាពជុំវិញពិភពលោក ០៤ ឧសភា ២០១៨
១
ក្ងោកមួយក្បាលកំពុងបើកកន្ទុយរបស់ខ្លួន ក្នុងពេលវេលាមួយដែលវាទាក់ទាញដៃគូរបស់វា នៅក្នុងសួនមួយនៅទីក្រុងឡុងដ៍ ប្រទេសអង់គ្លេស។
២
សាច់ញាតិកំពុងមានទុក្ខក្រៀមក្រំនៅពេលពួកគេមើលទៅកាន់សាកសពរបស់ Umar Kumhar ដែលជាជនស៊ីវិល ដែលគេរាយការណ៍ថាត្រូវបានសម្លាប់ក្នុងការប៉ះទង្គិចគ្នាមួយជាមួយកម្លាំងសន្តិសុខឥណ្ឌា នៅជិតកន្លែងមានផ្ទះកាំភ្លើង។ ពួកគេកំពុងចូលរួមក្នុងពិធីបុណ្យសពរបស់គាត់នៅភូមិ Pinjora ក្នុងស្រុក Shopian របស់តំបន់កាស្មៀរ។
៣
ក្រុមជនភៀសខ្លួនវេណេស៊ុយអេឡា កំពុងឡើងជិះយន្តហោះរបស់ប្រេស៊ីលនៅព្រលានយន្តហោះ Boa Vista Airport ដើម្បីធ្វើដំណើរឆ្ពោះទៅកាន់ក្រុង Manaus និងទីក្រុង Sao Paulo ប្រទេសប្រេស៊ីល។
៤
ក្រុមបាតុករប៉ាឡេស៊្ទីនគ្រវីទង់ជាតិនៅពេលពួកគេដឹកកង់ឡាននៅលើម៉ូតូ ដើម្បីយកទៅដុតក្នុងការធ្វើបាតុកម្មនៅជិតរបងការពារព្រំដែនរវាងរដ្ឋអ៊ីស្រាអែល និងតំបន់ Gaza Strip នៅជាយក្រុងភាគខាងកើតនៃក្រុង Jabalia។
៥
មន្ត្រីប៉ូលិសម្នាក់ព្យាយាមពន្លត់ភ្លើងដែលពួកបាតុករបានដុតក្នុងពេលធ្វើបាតុកម្មប្រឆាំងនឹងការស្លាប់របស់ជនដែលគេជឿថាជាពួកជួញដូរថ្នាំញៀន។ ប៉ូលិសបានបើកប្រតិបត្តិការណ៍មួយប្រឆាំងនឹងជនពាក់ព័ន្ធនឹងថ្នាំញៀន នៅសំណង់អនាធិបតេយ្យ Cidade de Deus ក្នុងទីក្រុង Rio de Janeiro ប្រទេសប្រេស៊ីល។
៦
Dharamveer Singh អាយុ៣៦ឆ្នាំ កំពុងសម្រាកនៅក្នុងផ្ទះរបស់គាត់ដែលត្រូវបានបោកបក់កម្ទេចដោយព្យុះដ៏ខ្លាំងមួយនៅក្រុង Kheragarh នៅជាយទីក្រុង Agra ប្រទេសឥណ្ឌា។
៧
មនុស្សចូលរួមឈរបង្កើតជាផ្លាកសញ្ញានៃកងកម្លាំងយោធាអ៊ុយក្រែន ក្នុងពិធីមួយដែលឧទ្ទិសដល់ខួបទី៧៣នៃជ័យជម្នះលើកងទ័ពណាស៊ីអាល្លឺម៉ង់ នៅក្នុងសង្គ្រាមលោកលើកទី២ ដែលពិធីនេះធ្វើឡើងនៅបរិវេណសារមន្ទីរសង្គ្រាមលោកលើកទី២ នៅទីក្រុងកៀវ ប្រទេសអ៊ុយក្រែន។
៨
មនុស្សម្នាក់តែងខ្លួនដោយស្លៀកពាក់ជាតួអង្គ Chewbacca ឈរនៅក្បែរមហាវិថីទី៦ ក្នុងពេលគាត់កំពុងផ្សព្វផ្សាយខ្សែភាពយន្តមួយដែលនឹងដាក់បញ្ជាំងនាពេលឆាប់ៗនេះឈ្មោះថា Solo: A Star Wars Story នៅទីក្រុង Manhattan នៃបុរីញូវយ៉ក សហរដ្ឋអាមេរិក។
៩
ក្មេងស្រី២នាក់ ឲ្យចំណីព្រាបនៅវត្ត Wat Rakang ក្នុងទីក្រុងបាងកក។