ភ្ជាប់​ទៅ​គេហទំព័រ​ទាក់ទង

Hello VOA សុខភាព៖ វិធីព្យាបាល​ជំងឺ​ញ័រទ្រូង​ឬ​ជំងឺ​ខ្យល់ចាប់​ (Heart Palpitations) ត្រូវ​ផ្អែក​លើ​ស្ថានភាព​ជាក់​ស្តែង​នៃ​រោគសញ្ញា​របស់​ចង្វាក់​បេះដូង


អ្នក​ជំនាញ​វេជ្ជសាស្ត្រ​គឺ​ លោក តាំង តេកហុង ​វេជ្ជបណ្ឌិត​ខ្មែរ​នៅ​ទីក្រុង Jacksonville រដ្ឋ Florida សហរដ្ឋ​អាមេរិក​ថ្លែង​ថា ​អាការៈញ័រទ្រូង​ធម្មតា​ដែល​តែងតែ​កើតឡើង​ដោយ​សារតែ​ការ​ទទួល​ទាន​កាហ្វេ​ ជាតិអាកុល​ ឬ​ក៏​ប្រើប្រាស់​ថ្នាំ​ផ្តាសាយ​នោះ​ គួរ​ត្រូវ​កាត់​បន្ថយឬ​ត្រូវ​ឈប់​ប្រើ​តែ​ម្តង​ នោះ​អាការៈ​ញ័រ​នេះ​នឹង​បាត់​ទៅ​វិញ​ដោយ​ឯកឯង។ សម្រាប់​អាការៈ​ញ័រទ្រូង​ដែល​មាន​លក្ខណៈ​ធ្ងន់ធ្ងរ​ ដោយ​សារតែ​ចង្វាក់​បេះដូង​ដើរ​ញាប់​ខុស​ប្រក្រតី​ ហើយ​បង្ក​ឲ្យ​មាន​អាការៈ​វិល​មុខ​ ឬ​ហត់​ជាដើម​នោះ​ ការ​ព្យាបាល​ត្រូវ​ធ្វើ​ឡើង​តាម​កម្រិត​នៃ​ជំងឺ​នេះ។ អ្នក​ជំងឺ​អាច​ប្រើប្រាស់​ថ្នាំ​ដើម្បី​បន្ថយ​ចង្វាក់​បេះដូង​ដើម្បី​កុំ​ឲ្យ​បេះដូង​ដើរ​ញាប់ពេក​ ដូចជា​ថ្នាំ​ digitalis beta blockers ឬ​ក៏​ថ្នាំ calcium channel។ ប្រសិន​បើ​ថ្នាំ​ទាំង​នេះ​មិន​ជួយ​ទេ គ្រូពេទ្យ​អាច​ប្រើប្រាស់​ប្រដាប់​ឆក់​បេះដូង​ (Electrical Cardioversion)។ ហើយ​ជម្រើស​ចុងក្រោយ ​គឺ​គ្រូពេទ្យ​ត្រូវ​ដុត​កន្លែង​បំបែក​ចរន្ត​អគ្គសនី​ឬAV node។ វិធី​នេះ​អាច​ធ្វើ​ឲ្យ​អ្នកជំងឺ​ជា​សះស្បើយ​បាន។ អ្វី​ដែល​សំខាន់​ អ្នក​ជំងឺ​មាន​អាការៈ​ញ័រទ្រូង​ធ្ងន់ធ្ងរ​ត្រូវ​ប្រើប្រាស់​ថ្នាំ​ជា​ប្រចាំ​ ដើម្បី​កុំ​ឲ្យ​មាន​ឈាម​កក​ក្នុង​បេះដូង​ ដែល​បង្ក​ឲ្យ​កើត​ជំងឺ​ស្ទះ​សសៃរ​ឈាម​ក្នុង​ខួរក្បាល​ឬ Stroke។ (អ្នកស្រី ស៊ូ ពេជ្រចិន្តា, Hello VOA សុខភាព, វ៉ាស៊ីនតោន, ១៩ តុលា ២០១៧)

កម្មវិធី​នីមួយៗ

មើល​វីដេអូ​ទាំង​អស់
XS
SM
MD
LG