ព័ត៌មានពេលព្រឹក៖ ៩ មិថុនា ២០២១
ព័ត៌មានអំពីកម្ពុជាមានដូចជា សហជីពដាក់ពាក្យបណ្តឹងទៅក្រសួងការងារទាមទារឲ្យក្រុមហ៊ុន NagaWord បញ្ឈប់ការបណ្តេញបុគ្គលិក។ ចិនបញ្ជូនវ៉ាក់សាំង១លានដូសទៀតមកកម្ពុជា ខណៈរដ្ឋាភិបាលសម្រុកចាក់បង្ការដល់ពលរដ្ឋឲ្យបាន១០លាននាក់។ រីឯព័ត៌មានអន្តរជាតិវិញមានដូចជា ប្រទេសចិនព្រមានអាមេរិកចំពោះកិច្ចព្រមព្រៀងពាណិជ្ជកម្មជាមួយកោះតៃវ៉ាន់។ វៀតណាមស្នើសុំថវិកាពីពលរដ្ឋ ខណៈការឆ្លងវីរុសកូរ៉ូណាកំពុងកើនឡើង។ តុលាការអង្គការសហប្រជាជាតិសម្រេចលើការប្តឹងឧទ្ធរណ៍ឧក្រិដ្ឋកម្មសង្គ្រាមបូស្នី។ គណៈកម្មាធិការព្រឹទ្ធសភាអាមេរិកបញ្ជាក់ពីការបរាជ័យផ្នែកសន្តិសុខនិងចារកម្មជុំវិញការវាយប្រហារលើវិមានសភាអាមេរិកដោយក្រុមអ្នកប្រឆាំងតវ៉ា។ ក្រុមប្រឆាំងរុស្ស៊ីស្នើឲ្យមានសកម្មភាពជាក់ស្តែងប្រឆាំងលោក Putin។ ដំណើរការដកយោធាសហរដ្ឋអាមេរិកចេញពីអាហ្វហ្គានីស្ថានសម្រេចបានជិតពាក់កណ្តាលហើយ៕
