ជនភៀសខ្លួនពិភពលោក៖ ប្រទេសនាំមុខ
Your browser doesn’t support HTML5
ទិវាជនភៀសខ្លួនពិភពលោក ដែលធ្វើឡើងរៀងរាល់ថ្ងៃទី ២០ ខែមិថុនា ត្រូវបានប្រារព្ធដំបូងនៅឆ្នាំ ២០០១ ដើម្បីរំឭកដល់ទិវាទី ៥០ ឆ្នាំនៃអនុសញ្ញាជនភៀសខ្លួនឆ្នាំ ១៩៥១។
អង្គការ UNHCR ប៉ាន់ប្រមាណថា មនុស្ស ១០៣ លាននាក់ត្រូវបានបង្ខំឱ្យចាកចេញពីផ្ទះសម្បែងនៅទូទាំងពិភពលោក។ ប្រហែលពាក់កណ្ដាលនៃចំនួននេះគឺជាជនត្រូវបង្ខំឱ្យផ្លាស់ទីក្នុងប្រទេស ៣២,៥លាននាក់គឺជាជនភៀសខ្លួនទៅក្រៅប្រទេស ៤,៩ លាននាក់គឺជាជនស្វែងរកសិទ្ធិជ្រកកោន និង ៥,៣ លាននាក់គឺជាជនដែលត្រូវការការការពារអន្តរជាតិ។
ជនភៀសខ្លួនប្រហែល ៧៤% ត្រូវបានទទួលយកដោយប្រទេសមានប្រាក់ចំណូលទាបនិងមធ្យម។
ប្រទេសនាំមុខទាំង ៥ ដែលមានជនភៀសខ្លួនគឺស៊ីរី វ៉េណេស៊ុយអេឡា អ៊ុយក្រែន អាហ្វហ្គានីស្ថាន និងស៊ូដង់ខាងត្បូង។ ប្រទេសនាំមុខទាំង ៥ ដែលទទួលយកជនភៀសខ្លួនគឺតួកគី កូឡុំប៊ី អាល្លឺម៉ង់ ប៉ាគីស្ថាន និងអ៊ូហ្កង់ដា។
តួលេខរបស់អង្គការសហប្រជាជាតិទាំងនេះគឺសម្រាប់ឆ្នាំ ២០២១ និង ២០២២។ សម្រាប់ឆ្នាំ ២០២៣ នេះ ជម្លោះថ្មីបានចាប់ផ្ដើមនៅស៊ូដង់ ដែលធ្វើឱ្យមនុស្សជាងមួយលាននាក់ភៀសខ្លួន។ ដោយសារប៉ាឡេស្ទីនមិនមានឋានៈជាសមាជិកអង្គការសហប្រជាជាតិ ជនភៀសខ្លួនប៉ាឡេស្ទីន ៣,៤ លាននាក់មិនត្រូវបានបញ្ចូលនៅក្នុងបញ្ជីប្រទេសនាំមុខខាងលើទេ។ ទោះបីជាវ៉េណេស៊ុយអេឡាត្រូវបានបញ្ចូលនៅក្នុងបញ្ជីនេះក៏ដោយ ក៏តួលេខខ្លួនភាគច្រើនគឺជា «ជនដែលត្រូវការការការពារអន្តរជាតិ» ដែលនេះគឺជាចំណាត់ថ្នាក់ថ្មីរបស់ជនចំណាកស្រុកដែលអង្គការ UNHCR បានបង្កើតឡើងកាលពីឆ្នាំមុន៕