មនុស្សរាប់ពាន់នាក់កំពុងប្រមូលផ្ដុំគ្នានៅខាងក្រៅវិមានរដ្ឋសភាសហរដ្ឋអាមេរិក

មនុស្សរាប់ពាន់នាក់កំពុងប្រមូលផ្ដុំគ្នានៅខាងក្រៅវិមានរដ្ឋសភាសហរដ្ឋអាមេរិក ដើម្បីតវ៉ានឹងសំឡេងបោះឆ្នោត​របស់អង្គបោះឆ្នោត និងគាំទ្រលោកប្រធានាធិបតី Donald Trump ជាមួយនឹងការអះអាងគ្មានមូលដ្ឋានរបស់លោកអំពីការលួចបន្លំសន្លឹកឆ្នោត មុនពេលសភាបោះឆ្នោតទទួលស្គាល់សំឡេងបោះឆ្នោត​របស់អង្គបោះឆ្នោត និងទទួលស្គាល់ជ័យជំនះរបស់លោកប្រធានាធិបតីជាប់ឆ្នោត Joe Biden។ អ្នកតវ៉ាខ្លះត្រូវបានគេឃើញឡើងលើរូបចម្លាក់និងវិមាននានា។ ខ្សែវីដេអូដែលត្រូវបានផ្សព្វផ្សាយតាមអ៊ិនធឺណិតបានបង្ហាញពីក្រុមអ្នកតវ៉ាកំពុងប្រយុទ្ធជាមួយមន្រ្តីប៉ូលិសប្រចាំវិមានរដ្ឋសភា។