បេក្ខភាពបីរូបប្រជែងគ្នាដើម្បីក្លាយជាមេដឹកនាំថ្មីនៅឥណ្ឌូណេស៊ី

នៅក្នុងចំណោមប្រទេសប្រមាណ ៥០ ដែលបានធ្វើ ឬត្រៀមធ្វើការបោះឆ្នោតនៅឆ្នាំ ២០២៤ នេះ ឥណ្ឌូណេស៊ីមានប្រជាជនទៅបោះឆ្នោតច្រើនជាងគេបំផុតក្នុងពេលតែមួយថ្ងៃ។ ប្រធានាធិបតីឥណ្ឌូណេស៊ីនាពេលបច្ចុប្បន្នកំពុងស្ថិតនៅក្នុងអាណត្តិទី ២ និងមិនមានសិទ្ធិឈរឈ្មោះសាជាថ្មីនោះទេ ដោយការណ៍នេះបានបន្សល់ទុកឱ្យពលរដ្ឋឥណ្ឌូណេស៊ីនូវជម្រើសចំនួនបីនៅក្នុងការជំនួសរូបលោក នៅពេលពួកគេចូលរួមការបោះឆ្នោតនៅថ្ងៃពុធ ទី ១៤ ខែកុម្ភៈ ខាងមុខនេះ។ លោក Ahadian Utama នៃវីអូអេ ជូនសេចក្តីរាយការណ៍ពីរដ្ឋធានីហ្សាការតា ប្រទេសឥណ្ឌូណេស៊ី។ អ្នកនាងស្រេង លក្ខិណា សូមជូនសេចក្តីប្រែសម្រួល៕