រូបភាពជុំវិញពិភពលោក ០៦ កញ្ញា ២០២០
បាតុកម្មកាត់ទង់ជាតិបេឡារុសដើរក្បួននៅក្នុងការប្រមូលផ្តុំអ្នកគាំទ្រក្រុមប្រឆាំងមួយនៅក្នុងក្រុង Minsk។
សមាជិកនៃកងទ័ពអាកាសប៉ាគីស្ថានឈរយាមនៅព្រះវិហារ Muhammad Ali Jinnah នៅក្នុងកម្មវិធីដែលប្រារព្ធឡើងនៅទិវាការពាររដ្ឋ ឬទិវារំឭកដល់វិញ្ញាណក្ខន្ធរបស់យុទ្ធជនប៉ាគីស្ថាន នៅក្នុងក្រុង Karachi។
សមាជិកនៃក្រុម Ocean Rebellion ចូលរួមក្នុងការតវ៉ាមួយដែលមានឈ្មោះថា Extinction Rebellion នៅក្នុងក្រុងឡុងដ៍។
ប៉ូលិសប្រើប្រាស់សារធាតុគីមី និងគ្រាប់រំសេវដើម្បីបំបែកក្រុមអ្នកតវ៉ានៅក្នុងបាតុកម្មមួយនៅក្នុងក្រុង Portlan រដ្ឋ Oregon សហរដ្ឋអាមេរិក កាលពីថ្ងៃទី៥ ខែកញ្ញា ឆ្នាំ២០២០។
កីឡាករ Tadej Pogacar មកពីស្លូវ៉ាគីជិះឆ្លងកាត់ខ្សែបន្ទាត់ចុងក្រោយ ហើយទទួលបានជ័យជម្នះនៅក្នុងវគ្គទី៩ នៃការប្រណាំងកង់ Tour de France ដែលមានចម្ងាយ១៥៣គ.ម. ដែលចាប់ផ្តើមនៅក្នុងសង្កាត់ Pau និងបញ្ចប់នៅក្នុងសង្កាត់ Laruns ប្រទេសបារាំង។
កប៉ាល់នានាបានបោះយុថ្កានៅផែមួយក្នុងក្រុង Busan ប្រទេសកូរ៉េខាងត្បូង។ ទីភ្នាក់ងារអាកាសធាតុរបស់កូរ៉េខាងត្បូងបាននិយាយថា ព្យុះ Haishen នឹងបោកបក់ទៅលើឆ្នេរភាគខាងលិចនៃឧបទ្វីបកូរ៉េ ដោយមានភ្លៀង និងខ្យល់ខ្លាំង។
ស្ត្រីម្នាក់ដាក់តុកកែពីរក្បាលនៅលើស្មារបស់គាត់នៅការតាំងពិព័រណ៍ Pet Expo Thailand ក្នុងក្រុងបាងកក ប្រទេសថៃ។
អ្នកពន្លត់អគ្គិភ័យដើរជាជួរក្នុងពេលមានភ្លើងឆេះព្រៃមួយនៅក្នុងក្រុង Yucaipa រដ្ឋ California។
សមាជិកក្រុមអ្នកលេងស្ថិតនៅក្នុងបន្ទប់ចំរឹងដែកមួយនៅពន្ធនាគារ Quezaltepeque ក្នុងពេលធ្វើទស្សនកិច្ចរបស់សារព័ត៌មានមួយ នៅក្នុងក្រុង Quezaltepeque ប្រទេសអែលសាល់វ៉ាឌ័រ។
ទូកមួយស្ថិតនៅក្នុងទឹករលកមួយដែលកើតចេញពីរលកនៃទូករបស់អ្នកគាំទ្រលោកប្រធានាធិបតី Donald Trump ក្នុងក្បួនជិះទូកមួយនៅលើបឹង Travis ក្បែរក្រុង Lakeway រដ្ឋ Texas កាលពីថ្ងៃទី៥ ខែកញ្ញា ឆ្នាំ២០២០។
កីឡាករប្រណាំងរថយន្ត Pierre Gasly មកពីប្រទេសបារាំងបង្ហាញអារម្មណ៍របស់ខ្លួននៅលើឆាក បន្ទាប់ពីឈ្នះការប្រកួត Formula One Grand Prix នៅទីលានប្រកួត Monza នៅក្នុងក្រុង Monza ប្រទេសអ៊ីតាលី។
លោក Josef Koeberl កំពុងឈរនៅក្នុងទឹកកកដើម្បីបំបែកកំណត់ត្រាពិភពលោកសម្រាប់ការស្ថិតនៅក្នុងទឹកកកនៅក្នុងក្រុង Melk ប្រទេសអូទ្រីស កាលពីថ្ងៃទី៥ ខែកញ្ញា ឆ្នាំ២០២០។
មនុស្សម្នាចូលរួមនៅក្នុងការចែវទូកប្រពៃណីប្រចាំឆ្នាំដែលមានឈ្មោះថា Historical Regatta នៅតាមប្រឡាយ Grand Canal ក្នុងក្រុង Venice ប្រទេសអ៊ីតាលី។
លោក Bob Baffert ដែលជាអ្នកបង្វឹកម្នាក់បានធ្លាក់មកដី នៅពេលដែលលោក Jockey John Velazquez ព្យាយាមគ្រប់គ្រងសេះឈ្មោះ Authenti នៅក្នុងឆាកសម្រាប់អ្នកឈ្នះ បន្ទាប់ពីបានឈ្នះការប្រកួត Kentucky Derby លើកទី១៤៦នៅទីលាន Churchill Downs កាលពីថ្ងៃទី៥ ខែកញ្ញា ឆ្នាំ២០២០ ក្នុងក្រុង Louisville រដ្ឋ Kentucky។