រូបភាពជុំវិញពិភពលោក ០៥ កញ្ញា ២០១៩
ទិដ្ឋភាពពីលើអាកាសទៅលើការខូចខាតបណ្ដាលមកពីព្យុះសង្ឃរា Dorian នៅកំពង់ផែ Marsh កោះ Great Abaco នៅប្រទេស Bahamas។ ព្យុះសង្ឃរា Dorian បានបោកបក់លើរដ្ឋកាលីហ្វ័រញ៉ា ដោយបង្កឲ្យមានការធ្លាក់ភ្លៀង និងខ្យល់បក់ខ្លាំង នៅពេលព្យុះនេះខិតជិតឆ្នេរខាងកើតនៃសហរដ្ឋអាមេរិក បន្ទាប់ពីបានបំផ្លិចបំផ្លាញប្រទេស Bahamas ដោយសម្លាប់មនុស្ស២០នាក់។
ស្ត្រីអ្នកកាន់សាសនាឥស្លាមនិកាយ Shi'ite ចូលរួមក្នុងពិធីកាន់ទុក្ខរយៈពេល៥ថ្ងៃ មុនពិធី Ashoura នៅព្រះវិហាឥស្លាម Sadat Akhavi ក្នុងទីក្រុងតេហេរ៉ង ប្រទេសអ៊ីរ៉ង់។
រថភ្លើងល្បឿនលឿនឈ្មោះ Keikyu បានធ្លាក់ចេញពីផ្លូវ បន្ទាប់ពីបានប៉ះទង្គិចជាមួយឡានធំ នៅទីក្រុង Yokohama ស្ថិតនៅភាគខាងត្បូងនៃទីក្រុងតូក្យូ ប្រទេសជប៉ុន។ រថភ្លើងសម្រាប់ដឹកអ្នកដំណើរនេះនិងឡានធុនធំដឹកពេញទៅដោយប្រអប់ដាក់ក្រូចឆ្មា បានប៉ះទង្គិចគ្នានៅកន្លែងរថភ្លើងឆ្លងកាត់ជិតទីក្រុងតូក្យូ បណ្ដាលឲ្យមនុស្សរាប់សិបនាក់រងរបួស។
ប្រធានាធិបតីសហរដ្ឋអាមេរិក លោក ដូណាល់ ត្រាំ កាន់តារាងបង្ហាញពីទីតាំងដែលអាចនឹងរងគ្រោះដោយព្យុះសង្ឃរា Dorian ដែលព្យុះនេះហាក់ដូចជាបានពង្រីកឥទ្ធិពលរបស់ខ្លួន ដោយខ្សែខ្មៅនៅលើផែនទីគ្របដណ្ដប់លើផ្នែកជាច្រើននៃរដ្ឋហ្លរីដា និងរដ្ឋ Alabama។ របាយការណ៍អំពីព្យុះនេះត្រូវបានបង្ហាញក្នុងកិច្ចប្រជុំស្ដីពីព្យុះសង្ឃរា នៅសេតវិមាន កាលពីថ្ងៃទី៤ កញ្ញា ២០១៩។
ម្ចាស់ក្សត្រីនៃចក្រភពអង់គ្លេស Charlotte (ឆ្វេង) ដើរជាមួយបងប្រុសគឺព្រះអង្គម្ចាស់ George និងមាតាបិតា គឺព្រះអង្គម្ចាស់ Prince William និងម្ចាស់ក្សត្រី Kate ពេលមកដល់សាលារៀននៅថ្ងៃដំបូង នៅសាលា Thomas's Battersea ក្នុងទីក្រុងឡុងដ៍។
សម្ដេចប៉ាប ហ្វ្រង់ស៊ិស (Francis) ចូលរួមកិច្ចប្រជុំជាមួយក្រុមអាចារ្យនៅប្រាសាទ Our Lady of the Immaculate Conception នៅទីក្រុង ម៉ាពុយតូ ប្រទេសម៉ូសំប៊ិក។
ជនជាតិហៃទីដែលបាត់បង់ទីជម្រកកំពុងជ្រកកោននៅលើទីធ្លានៃអាគាររដ្ឋាភិបាល បន្ទាប់ពីមានព្យុះសង្ឃរា Dorian នៅកោះ Great Abaco ក្រុងកំពង់ផែ Marsh នៅប្រទេស Bahamas កាលពីថ្ងៃទី៤ កញ្ញា ២០១៩។
អ្នកលក់បន្លែប្រមូលផ្ដុំនៅផ្សារបណ្ដែតទឹកមួយនៅបឹង Dal ក្នុងពេលមានការរឹតបន្តឹងនានានៅទីក្រុង Srinagar តំបន់កាស្មៀរដែលកាន់កាប់ដោយឥណ្ឌា។
សេះពូជពីប្រទេសអ៊ីស្លង់ហ៊ុំព័ទ្ធដោយសត្វទៀវ នៅពេលវាស៊ីស្មៅនៅក្នុងវាលស្មៅនៃក្រុង Wehrheim ជិតទីក្រុង Frankfurt ប្រទេសអាល្លឺម៉ង់។
ក្រុមការងារបាញ់ផ្សែងនៅតំបន់ដែលមានមនុស្សរស់នៅ ដើម្បីការពារការរាលដាលជំងឺគ្រុនឈាម និងជំងឺដែលចម្លងដោយសត្វមូស នៅទីក្រុងកដ្ឋមណ្ឌូ ប្រទេសនេប៉ាល់។
ក្រុមអ្នកឡើងភ្នំ ឡើងទៅកាន់កំពូលភ្នំ Fuji ក្នុងប្រទេសជប៉ុន មុនពេលថ្ងៃរះ នៅពេលដែលពពកកំពុងអណ្ដែតនៅខាងក្រោមកំពូលភ្នំនេះ។