រូបភាពជុំវិញពិភពលោក ២៩ កញ្ញា ២០១៥
លោកស្រី Angel Merkel (រូបឆ្វេង) អធិការបតីអាល្លឺម៉ង់ញញឹមដាក់លោក Volker Kauder ប្រធានក្រុមសភារបស់គណបក្សអភិរក្សនិយម គឺគណបក្ស Christian Democratic Union (CDU) មុនកិច្ចប្រជុំដែលពោរពេញទៅដោយគំនិតផ្ទុយគ្នារបស់គណបក្ស Christian Democratic Union (CDU) និងគណបក្ស Christian Social Union (CSU) នៅក្នុងក្រុងបែរឡាំង។
ពលរដ្ឋប៉ាឡេស្ទីនការពារខ្លួនពីឧស្ម័នទឹកភ្នែក និងការពារត្រចៀករបស់ពួកគេពីគ្រាប់បែកសម្លេងដែលកងកម្លាំងរបស់អ៊ីស្រាអែលបោះដាក់ពួកគេក្នុងពេលបាតុកម្មនៅក្នុងទីប្រជុំជន West Bank ក្នុងក្រុង Hebron ជាមួយនឹងបាតុករផ្សេងទៀត ហើយបានប៉ះទង្គិចជាមួយប៉ូលិសអ៊ីស្រាអែល នៅបរិវេណព្រះវិហារ Al-Aqsa ក្នុងក្រុងហ៊្សេរុយសាឡិម (Jerusalem)។
អ្នកទេសចរដើរនៅក្រោមឆ័ត្រដែលដាក់បង្ហាញនៅពពុះទឹក Cheonggye ក្នុងយុទ្ធនាការដើម្បីទទួលប្រាក់បរិច្ចាគដើម្បីជួយក្មេងៗក្រីក្រនៅក្នុងក្រុងសេអ៊ូល ប្រទេសកូរ៉េខាងត្បូង។
ប្រធានាធិបតីអាមេរិក បារ៉ាក់ អូបាម៉ា (រូបស្តាំ) ចាប់ដៃលោក Raul Castro ប្រធានាធិបតីគុយបានៅពេលចាប់ផ្តើមកិច្ចប្រជុំរបស់ពួកគេនៅមហាសន្និបាតរបស់អង្គការសហប្រជាជាតិនៅក្នុងបុរីញូវយ៉ក។
មនុស្សម្នាជិះកាត់ដើមឈើដែលរលំលើម៉ូតូជាច្រើន នៅក្នុងគ្រោះខ្យល់ព្យុះ Dujuan នៅក្នុងក្រុង Taipei កោះតៃវ៉ាន់។
ស្រ្តីម្នាក់ពាក់វ៉ែនតាការពារពន្លឺព្រះអាទិត្យសប្បាយចិត្តយ៉ាងខ្លាំងនៅពេលនាងឡើងជិះរថភ្លើងជាមួយនឹងជនទេសន្តរប្រវេសន៍ និងជនស្វែងរកសិទ្ធិជ្រកកោនផ្សេងទៀត នៅក្បែរជំរុំចុះឈ្មោះ បន្ទាប់ពីឆ្លងកាត់ព្រំដែនក្រិក និងម៉ាសេដ្ឋាន (Macedonia) នៅក្បែរក្រុង Gevgelija។
គេប្រទះឃើញព្រះច័ន្ទនៅក្នុងថ្ងៃបញ្ចប់នៃច័ន្ទគ្រាស នៅខាងក្រោយព្រះវិហារ Orthodox នៅ Turets ប្រទេសបេឡារុស (Belarus) ១១០គ.មភាគខាងលិចក្រុងមីនស្កិ៍ (Minsk) កាលពីថ្ងៃទី២៨ ខែកញ្ញា ឆ្នាំ២០១៥។
និស្សិតៗសប្បាយចិត្ត បន្ទាប់ពីទស្សនកិច្ចដោយមិនបានគ្រោងទុកមួយរបស់លោក Prince Harry ទៅកាន់សាលាយោធា The Duke of York's Royal Military School នៅក្នុងទីប្រជុំជន Dover ភាគខាងត្បូងនៃប្រទេសអង់គ្លេស កាលពីថ្ងៃទី២៨ ខែកញ្ញា ឆ្នាំ២០១៥។
ទិដ្ឋភាពនៃយានយន្តជាច្រើនធ្វើដំណើរស្ពានអាកាសទៅកាន់ប្រទេសម៉ាឡេស៊ី ដោយហ៊ុមព័ទ្ធទៅដោយអ័ព្ទនៅក្នុងប្រទេសសិង្ហបុរី។ ការធ្វើកសិកម្មដោយដុតព្រៃនៅក្នុងប្រទេសឥណ្ឌូនេស៊ី ដែលជាប្រទេសជិតខាង បានធ្វើឲ្យប្រទេសសិង្ហបុរីគ្រប់ដណ្តប់ទៅដោយអ័ព្ទយ៉ាងក្រាស់អស់រយៈពេលជាច្រើនសប្តាហ៍។
បុរសៗបាចសំបកដូងដែលកំពុងឆេះដាក់គ្នា ក្នុងពិធីបុណ្យប្រចាំឆ្នាំដែលមានឈ្មោះថា Mesiat Geni នៅក្នុងប្រាសាទហិនឌូ នៅលើកោះបាលី ប្រទេសឥណ្ឌូនេស៊ី កាលពីថ្ងៃទី២៨ ខែកញ្ញា ឆ្នាំ២០១៥។