រូបភាពជុំវិញពិភពលោក ២៦ កញ្ញា ២០១៧
បុរសជនជាតិបាលីម្នាក់ឈរមើលភ្នំភ្លើង Mount Agung ពីព្រះវិហារមួយនៅ Karangasem ទីក្រុងបាលីប្រទេសឥណ្ឌូណេស៊ី។
បុរសជនជាតិអាហ្វហ្គានីស្ថានម្នាក់កំពុងរៀបចំដុតថ្នាំញៀនខុសច្បាប់នៅក្រៅក្រុង Jalalabad។
លោក Kadri Gursel អ្នកសរសេរព័ត៌មានសម្រាប់កាសែតជំទាស់ប្រទេសតួកគី Cumhuriyet ថើបប្រពន្ធរបស់គាត់អ្នកស្រី Nazire Kalkan Gursel បន្ទាប់ពីលោកចេញពីគុក Silivri ខាងក្រៅទីក្រុងអ៊ីស្តង់ប៊ុល។
កម្មករកំពុងកៀរក្រដាសនិងកំទេចថ្មរចេញពីអគារដែលបាក់បែកមួយក្នុងការរញ្ជួយដីកាលពីសប្តាហ៍មុនកាច់ជ្រុងផ្លូវ Gabriel Mancera និងផ្លូវ Escocia ក្នុងទីក្រុង Del Valle ប្រទេសម៉ិកស៊ិកកាលពីថ្ងៃទី២៥ កញ្ញា ២០១៧។
កាំភ្លើងធំត្រូវបានបាញ់ឡើងលើក្នុងការសមយុទ្ធយោធាមួយនៅក្នុងតំបន់ Ningxia Autonomous ប្រទេសចិន កាលពីថ្ងៃទី២៥ កញ្ញា ២០១៧។
ព្រះអង្គម្ចាស់នៃចក្រភពអង់គ្លេស Prince Harry (ស្តាំ) បានមកដល់ការប្រកួតកីឡាវាយតេនីសជនពិការជាមួយនឹងមិត្តស្រី Meghan Markle ទីក្រុង Toronto ប្រទេសកាណាដាកាលពីថ្ងៃទី២៥ កញ្ញា ២០១៧។
លោក Marshall Plumlee កីឡាករបាល់បោះរបស់ក្រុម Los Angeles Clippers ចុះហត្ថាលេខាជាច្រើនអំឡុងថ្ងៃផ្សព្វផ្សាយ NBA កាលពីថ្ងៃទី២៥ កញ្ញា ២០១៧ ក្នុងទីក្រុង Los Angeles រដ្ឋCalifornia។
ក្រុមកងកម្លាំងអាកាសរបស់អង់គ្លេស (RAF) «Red Arrows» កំពុងធ្វើសមយុទ្ធដើម្បីអបអរទិវាសាអូឌី អារ៉ាប៊ីជាតិលើកទី៨៧ ក្នុងទីក្រុង Jeddah កាលពីថ្ងៃទិ២៥ កញ្ញា ២០១៧។
និស្សិតម្នាក់នៃសាកលវិទ្យាល័យជាតិរបស់ប្រទេស El Salvador ស្លៀកពាក់ជាទាហានអំឡុងបាតុកម្មប្រឆាំងនឹងរដ្ឋាភិបាលក្នុងទីក្រុង San Salvador ប្រទេស El Salvador កាលពីថ្ងៃទី២៥ កញ្ញា ២០១៧។
តារាបង្ហាញម៉ូតម្នាក់ស្លៀកឈុតច្នៃសម្រាប់រដូវក្តៅនិងរដូវផ្ការីកឆ្នាំ២០១៨ ក្នុងការបង្ហាញម៉ូតក្នុងទីក្រុងប៉ារីសប្រទេសបារាំង។
ប្រជាជននាំគ្នាចូលរួមលេងក្នុងការប្រកួតកីឡាបាល់ទាត់ក្នុងភក់អំឡុងការប្រារព្ធពិធីបន្ទាប់ពីច្រូតកាត់រួចក្នុងភូមិ Jinhua ខេត្តZhejiang ប្រទេសចិន។
មនុស្សម្នាកំពុងមើលទេសភាពពីស្ពានសម្រាប់អ្នកដំណើរមួយដែលទើបតែបើកនៅក្នុងសួនឧទ្យាន Zaryadye Park ដែលមានវិមានក្រឹមឡាំងនិងក្រសួងការបរទេសនៅពីក្រោយខណដែលព្រះអាទិត្យកំពុងលិចក្នុងទីក្រុង Moscow ប្រទេសរុស្ស៊ី Russia កាលពីថ្ងៃទី២៥ កញ្ញា ២០១៧។
លោក Addison Russell នៃក្រុម Chicago Cubs ឈ្មុលចូលទៅក្នុងហ្វូងទស្សនិកជនប៉ុន្តែមិនអាចចាប់បាល់ដែលត្រូវបានវាយដោយកីឡាករក្នុងក្រុម St. Louis Cardinals លោក Jedd Gyorko ក្នុងជុំទី២នៃការប្រកួតកីឡារបែសប៊លក្នុងទីក្រុង St. Louis រដ្ឋ Missouri កាលពីថ្ងៃទី២៥ កញ្ញា ២០១៧។