រូបភាពជុំវិញពិភពលោក ២៦ កញ្ញា ២០១៦
ស្នាដៃសិល្បៈឈ្មោះថា «កិត្តិយស» ពីបណ្តុំស្នាដៃ «កត្តាទាំងប្រាំនៃសង្រ្គាម» បង្កើតឡើងដោយសិល្បករជនជាតិអ៊ុយក្រែនលោក Daniel Green និងនាង Daria Marcheno ដែលត្រូវបានដាក់បង្ហាញនៅស្ទូឌីយ៉ូមួយក្នុងក្រុងកៀវ។ ស្នាដៃសិល្បៈនេះត្រូវបានបង្កើតឡើងដោយគ្រាប់កាំភ្លើង និងសំបកគ្រាប់នៅសេសសល់ពីជម្លោះយោធានៅភាគខាងប្រទេសអ៊ុយក្រែន ក៏ដូចជាគ្រឿងឧបករណ៍យោធាមួយចំនួនទៀត។
ព្រះនាង Catherine នៃចក្រភពអង់គ្លេស ធ្វើដំណើរទស្សនកិច្ចនៅស្ថានីយឆ្មាំឆ្នេរ Kitsilano ក្នុងក្រុង Vancouver ប្រទេសកាណាដា។
មនុស្សម្នាជិះទោងនៅខាងមុខវិហារ St. Paul នៅអំឡុងពេលពិធីបុណ្យផឹកស្រាបៀរ Oktoberfest លើកទី ១៨៣ នៅក្រុងម៉ូនិច ប្រទេសអាល្លីម៉ង់។
បុរសម្នាក់ធ្វើការនៅវាលស្រែ ដែលត្រូវបានកាត់តម្រឹមជារូបរាងផែនទីប្រទេសចិន ក្នុងក្រុងសៀងហៃ។
បុរសវ័យក្មេងមួយរូបបង្ហោះម៉ូតូតាមដងផ្លូវកណ្តាលក្រុងមួយ នៅស្របពេលដែលបាតុកម្មតវ៉ានឹងការបាញ់សម្លាប់ដោយប៉ូលិសទៅលើលោក Keith Scott បន្តធ្វើឡើង បន្ទាប់ពីថ្ងៃលិច ក្នុងក្រុង Charlotte រដ្ឋ North Carolina កាលពីថ្ងៃទី២៥ ខែកញ្ញា ឆ្នាំ២០១៦។
ក្រុមបុរសលើកទង់ជាតិប្រទេសយេម៉ែន នៅស្របពេលពួកគេចូលរួមនៅក្នុងពិធីគម្រប់ខួបទី ៥៤ នៃបដិវត្តន៍យេម៉ែនខាងជើងនៅក្រុងសាណា។
សិល្បករជនជាតិបារាំងលោក Abraham Poincheval អង្គុយទៅលើបង្គោលកម្ពស់ ១៨ ម៉ែត្រ ជាផ្នែកមួយនៃការសម្តែងសិល្បៈ នៅខាងក្រៅស្ថានីយរថភ្លើង Gare de Lyon ក្នុងក្រុងប៉ារីស។
យន្តហោះមួយហោះពីលើក្រុង Frankfurt ដោយបន្សល់ទុកផ្សែងនៅលើមេឃ។
បុរសម្នាក់ដើរនៅលើស្ពានមួយនៅសួន Gardens ក្នុងប្រទេសសិង្ហបុរី។
មនុស្សម្នាជិះទោងនៅអំឡុងពេលពិធីបុណ្យស្រាបៀរ Oktoberfest លើកទី១៨៣ ក្នុងក្រុងម៉ូនិច ប្រទេសអាល្លឺម៉ង់។
សុនខមួយត្រូវរលកបោកចំនៅអំឡុងពេលការប្រកួតសុនខជិះក្តារលើទឹកនៅឆ្នេរ Huntington រដ្ឋ California កាលពីថ្ងៃទី២៥ ខែកញ្ញា ឆ្នាំ២០១៦។