រូបភាពជុំវិញពិភពលោក ២៥ កញ្ញា ២០១៨
សត្វបក្សីនៅក្នុងទ្រុងអំឡុងការប្រកួតសត្វបក្សីចេះច្រៀងនៅភាគាខាងត្បូងប្រទេសថៃក្នុងខេត្ត Narathiwat។
ប្រធានាធិបតីសហរដ្ឋអាមេរិក Donald Trump ជួបជាមួយនឹងប្រធានាធិបតីបារាំងលោក Emmanuel Macron នៅសណ្ឋាគារ Lotte New York Palace អំឡុងកិច្ចប្រជុំមហាសន្និបាតអង្គការសហប្រជាជាតិក្នុងបុរីញូវយ៉ក។
នាយករដ្ឋមន្រ្តី New Zealand លោកស្រី Jacinda Ardern ថើបកូនរបស់ខ្លួនមុននឹងឡើងថ្លែងនៅក្នុងកិច្ចប្រជុំសន្តិភាពកំពូល Nelson Mandela អំឡុងមហាសន្និបាតអង្គការសហប្រជាជាតិលើកទី ៧៣ ក្នុងបុរីញូវយ៉កកាលពីថ្ងៃទី២៤ ខែ កញ្ញា ឆ្នាំ ២០១៨។
វិចិត្រករស៊ីរីដែលកំពុងរស់នៅនិរទេសខ្លួន Najah al-Bukai គូររូបមួយនៅក្នុងទីក្រុង Yerres ប្រទេសបារាំង ដែលចេញពីការចងចាំរបស់លោកពីការធ្វើទារុណកម្មនៅពេលដែលលោកត្រូវបានរដ្ឋាភិបាលស៊ីរីចាប់ដាក់គុកពីរដង។
ភ្នំភ្លើង Villarrica ត្រូវបានគេមើលឃើញនៅពេលយប់ពីទីក្រុង Pucon ប្រទេសឈីលីកាលពីថ្ងៃទី២៤ ខែ កញ្ញា ឆ្នាំ ២០១៨។
ខ្យល់មួយបានបក់រ៉ូបរបស់សម្តេចប៉ាបFrancis ខណដែលលោកបានមកដល់កិច្ចប្រជុំមួយនៅព្រះវិហារ Saints Peter និង Paul ក្នុងទីក្រុង Tallinn ប្រទេសអេស្តូនី។
ស្រ្តីបីនាក់ដើរលើច្រាំងទន្លេដែលពោរពេញដោយភក់នៅទន្លេ Ganges បន្ទាប់ពីបានធ្វើការជ្រមុជទឹកបរិសុទ្ធនៅក្នុងទីក្រុង Allahabad ប្រទេសឥណ្ឌា។