រូបភាពជុំវិញពិភពលោក ២៣ កញ្ញា ២០១៨
ក្រុមជិះកង់ឈ្មោះ CCC Sprandi Polkowice ប្រកួតនៅក្នុងការប្រណាំងកង់ Team Time Trial សម្រាប់ពានរង្វាន់ UCI Cycling Road World Championships នៅក្នុងក្រុង Innsbruck ប្រទេសអូទ្រីស។
បុរសម្នាក់តុបតែងក្នុងឈុតប្រពៃណីមួយចូលរួមនៅក្នុងការដើរក្បួនកាំភ្លើង និងសម្លៀកបំពាក់ប្រពៃណីនៅថ្ងៃទី២នៃកម្មវិធី Oktoberfest លើកទី១៨៥ នៅក្នុងក្រុង Munich ប្រទេសអាល្លឺម៉ង់។
ដើមរុក្ខជាតិ Virginia Creeper ដែលវាលគ្របពីលើបន្ទប់ញ៉ាំតែ Tu Hwnt I'r Bont បានប្រែទៅពណ៌ក្រហម នៅថ្ងៃទី១នៃរដូវស្លឹកឈើជ្រុះនៅក្នុងក្រុង Llanrwst ចក្រភពអង់គ្លេស។
មនុស្សម្នាដង្ហែព្រះគណេស នៅថ្ងៃចុងក្រោយនៃពិធីបុណ្យ Ganesh Chaturthi មុននឹងជ្រមុជរូបសំណាកនេះចូលទៅក្នុងសមុទ្រអារ៉ាប់ ក្នុងក្រុង Mumbai ប្រទេសឥណ្ឌា។
ក្តាន់ឈ្មោលរត់នៅលើវាលមួយនៅក្នុងតំបន់អភិរក្ស Naliboksky នៅក្បែរភូមិ Kozliki ប្រទេសបេឡារុស។
ស្ត្រីម្នាក់យំនៅក្បែរសាកសពរបស់បង ឬប្អូនស្រីរបស់នាង ដែលជាជនរងគ្រោះនៃការក្រឡាប់សាឡាង MV Nyerere នៅពេលដែលនាងរងចាំគេមកយកសាកសពនេះទៅបូជានៅកោះ Ukara ប្រទេសតង់សានី កាលពីថ្ងៃទី២២ ខែកញ្ញា ឆ្នាំ២០១៨។ ពីរថ្ងៃក្រោយពីគ្រោះថ្នាក់ក្រឡាប់សាឡាងនៅបឹង Lake Victoria ចំនួនមនុស្សស្លាប់បានកើនឡើងជាង២០០នាក់ ខណៈដែលក្រុមមន្ត្រីនិយាយថា អ្នកនៅរស់រានមានជីវិតម្នាក់ត្រូវបានគេរកឃើញនៅក្នុងសាឡាងនេះ ហើយកិច្ចខិតខំប្រឹងប្រែងត្រូវបានបញ្ចប់ ហើយឥឡូវក្រុមមន្ត្រីកំពុងកំណត់អត្តសញ្ញាណសាកសព។
តារាបង្ហាញម៉ូដ Carla Bruni Sarkozy (រូបកណ្តាល) និងតារាដទៃទៀតបង្ហាញម៉ូដសម្លៀកបំពាក់នៅក្នុងកម្មវិធីបង្ហាញម៉ូដ Dolce & Gabbana នៅក្នុងក្រុង Milan ប្រទេសអ៊ីតាលី។
លោកប្រធានាធិបតីឥណ្ឌូណេស៊ី Joko Widodo (រូបឆ្វេងទី២) និងដៃគូឈរឈ្មោះបោះឆ្នោតជាមួយលោកគឺ លោក Ma'ruf Amin (រូបឆ្វេង) និងលោក Prabowo Subianto (រូបស្តាំទី២) ដែលជាគូប្រជែងនឹងលោក Joko Widodo និងលោក Sandiaga Uno (រូបស្តាំ) ដែលដៃគូឈរឈ្មោះបោះឆ្នោតជាមួយនឹងលោក Prabowo Subianto ប្រលែងបក្សីនៅក្នុងពិធីមួយសម្រាប់ការចាប់ផ្តើមយុទ្ធនាការសម្រាប់ការបោះឆ្នោតនៅឆ្នាំក្រោយ ក្នុងក្រុងហ្សាការតា។
កីឡាករ Anthony Joshua មកពីអង់គ្លេសធ្វើដំណើរចូលក្នុងស្តាត នៅមុនពេលប្រដាល់ជាមួយនឹងកីឡាករ Alexander Povetkin មកពីរុស្ស៊ី នៅក្នុងស្តាត Wembley ក្នុងក្រុងឡុងដ៍ កាលពីថ្ងៃទី២២ ខែកញ្ញា ឆ្នាំ២០១៨។
ក្រុមសន្តិសុខនាំក្មេងប្រុសម្នាក់ដែលកំពុងតែយំ និងកាន់អាវរបស់កីឡាករ Neymar ដែលបានឲ្យរូបគេ បន្ទាប់ពីគេបានរត់ចូលទៅក្នុងទីលានប្រកួតនៅពេលបញ្ចប់ការប្រកួតបាល់ទាត់ French League One រវាងក្រុម Rennes និងក្រុម Paris-Saint-Germain នៅស្តាត Roazhon Park ក្នុងក្រុង Rennes ប្រទេសបារាំង។
ព្រះសង្ឃកំពុងសូត្រធម៌ជូនលោកប្រធានាធិបតីវៀតណាម Tran Dai Quang នៅវត្ត Viet Nam Quoc Tu នៅ ក្នុងក្រុងហូជីមិញ។ លោក Quang ដែលជាអតីតស្នងការនគរបាល ត្រូវបានគេស្គាល់ថា ជាអ្នកនយោបាយតឹងរ៉ឹង និងកុម្មុយនិស្តមួយរូប ដែលមានការលើកលែងតិចតួចចំពោះអ្នកមានគំនិតប្រឆាំង។ សារព័ត៌មានរដ្ឋបានរាយការណ៍ថា លោកបានទទួលមរណភាពនៅថ្ងៃទី២១ ខែកញ្ញា ក្នុងវ័យ៦១ឆ្នាំ បន្ទាប់ពីមានជំងឺធ្ងន់ធ្ងរមួយ។
ពពុះទឹកកខ្វក់ដែលប្រមូលផ្តុំនៅទន្លេ Yamuna ហោះហើរនៅលើអាកាស នៅក្នុងក្រុង New Delhi ប្រទេសឥណ្ឌា។