រូបភាពជុំវិញពិភពលោក ១៩ កញ្ញា ២០១៦
អាវពោងប្រមាណ ២.៥០០ ពាក់ដោយជនអន្តោប្រវេសន៍ ដែលបានឆ្លងសមុទ្រពីតួកគីទៅកាន់កោះ Chios ប្រទេសក្រិក ត្រូវបានដាក់បង្ហាញនៅក្នុងអ្វីដែលក្រុមអ្នករៀបចំហៅថា «ផ្នូរសពអាវពោង» នៅក្នុងទីលានសភា ក្រុងឡុងដ៍ ដោយមានអគារសភានៅពីក្រោយ។
នៅក្នុងរូបភាពដែលទទួលបានពីសួនសត្វនៅប្រទេសអូស្រ្តាលី កូនសត្វកូអាឡាអាយុប្រាំបួនខែកំពុងអោបរូបតុក្កតាកូអាឡា ខណៈពេលកូនសត្វកូអាឡានេះកំពុងតែព្យាយាមងើបរើពីការប៉ះពាល់ផ្លូវអារម្មណ៍ក្រោយពីម៉ែរបស់វាបានងាប់។ វាត្រូវបានយកទៅមន្ទីរពេទ្យសត្វព្រៃសួនសត្វអូស្រា្តលី ដែលត្រូវបានគ្រប់គ្រងដោយគ្រួសារ «អ្នកប្រមាញ់ក្រពើ» លោក Steve Irwin។
បាតុករប្រមូលផ្តុំនៅពីមុខរថយន្តកំពុងឆាបឆេះមួយអំឡុងពេលបាតុកម្មតវ៉ាធ្វើឡើងដោយគណបក្សប្រឆាំងនៅក្រុង Kinshasa សាធារណរដ្ឋប្រជាធិបតេយ្យកុងហ្គោ។ ប៉ូលិសបានបាញ់ឧស្ម័នបង្ហូរទឹកភ្នែកទៅកាន់ក្រុមអ្នកគាំទ្រ ដែលបានប្រមូលផ្តុំនៅក្រុង Kinshasa ដើម្បីទាមទារឲ្យប្រធានាធិបតីកាន់តំណែងយូរឆ្នាំលោក Joseph Kabila ចុះចេញពីតំណែងនាឆ្នាំនេះ។
ក្រុមអ្នកចូលរួមកាន់ទៀន អំឡុងពេលមានការបួងសួងជាក្រុមមួយដើម្បីកោះហៅឲ្យមានយុត្តិធម៌ក្នុងការកាត់ក្តីអ្នកសរសេរប្លុករិះគន់រដ្ឋាភិបាលម្នាក់ឈ្មោះ Nguyen Huu Vinh និងសកម្មជនដីធ្លី Can Thi Theu នៅវិហារ Thai Ha ក្នុងក្រុងហាណូយ ប្រទេសវៀតណាម កាលពីថ្ងៃទី១៨ ខែកញ្ញា ឆ្នាំ២០១៦។
នៅខណៈពេលស្វាគមន៍ក្រុមអ្នកគាំទ្របន្ទាប់ពីមកដល់ព្រលានយន្តហោះ John F. Kennedy ក្នុងក្រុងញូវយ៉ក ប្រធានាធិបតីលោកបារ៉ាក់ អូបាម៉ាឈោងទៅដល់ចាប់ពោះទារក Desmond Hatfield-Rudin អាយុ ប្រាំបីខែ នៅសង្កាត់ Brooklyn ក្រុងញូវយ៉ក កាលពីថ្ងៃទី០៨ ខែកញ្ញា ឆ្នាំ២០១៦។
តារាម៉ូដែលបង្ហាញស្នាដៃនៅឯពិធីបង្ហាញម៉ូដ Charlotte Olympia អំឡុងពេលពិធីបង្ហាញម៉ូត London Fashion Week Spring/Summer ឆ្នាំ ២០១៧ នៅក្រុងឡុងដ៍ ប្រទេសអង់គ្លេស កាលពីថ្ងៃទី១៨ ខែកញ្ញា ឆ្នាំ២០១៦។
មនុស្សម្នាចូលរួមនៅក្នុងការចាក់បញ្ចាំងភាពយន្ត Jaws ដែលត្រូវបានដឹកនាំសម្តែងដោយលោក Steven Spielberg នៅឯអាងទឹកសាធារណៈមួយ អំឡុងពេលពិធីបុណ្យភាពយន្តអស្ចារ្យនៅអឺរ៉ុប ក្នុងក្រុង Strasbourg ប្រទេសបារាំង កាលពីថ្ងៃទី១៨ ខែកញ្ញា ឆ្នាំ២០១៦។
តារាម៉ូដែលម្នាក់បង្ហាញស្នាដៃរបស់អ្នករចនាម៉ូដលោក Alvarno នៅឯពិធីបង្ហាញម៉ូដ ក្នុងក្រុង ម៉ាឌ្រីដ ប្រទេសអេស្ប៉ាញ។
កូនសត្វខ្លារខិនអាយុប្រាំពីរខួបមួយឈ្មោះ Kirin ដើរនៅក្នុងទ្រុងរបស់វាក្នុងសួនសត្វ Royev Ruchev នៅជាយក្រុង Krasnoyarsk ប្រទេសរុស្ស៊ី។