រូបភាពជុំវិញពិភពលោក ១៨ កញ្ញា ២០២០
ម្ដាយបីកូនដែលទើបសម្រាលថ្មីៗដើរទៅកាន់បង្អួចបុគ្គលិកសុខាភិបាលដើម្បីឲ្យពិនិត្យសុខភាព នៅឯតំបន់សម្រាប់ដាក់មនុស្សឲ្យនៅដាច់ដោយឡែកក្នុងវិធានការទប់ស្កាត់ជំងឺកូវីដ១៩ នៃមន្ទីរពេទ្យ Dr. Jose Fabella Memorial ដែលដំណើរការដោយរដ្ឋាភិបាល នៅខណៈដែលការរាតត្បាតជំងឺកូវីដ១៩ នៅបន្ត នៅទីក្រុងម៉ានីល ប្រទេសហ្វីលីពីន។
ស្ត្រីឈរនៅជិតរូបព្រះចន្ទពេញវង់ដែលគេតុបតែងនៅក្នុងឧទ្យានមួយ ក្នុងទីក្រុងសេអ៊ូល ប្រទេសកូរ៉េខាងត្បូង។ រូបព្រះចន្ទពេញវង់នេះត្រូវបានបង្កើតឡើងដើម្បីបង្កើនសីលធម៌ ក្នុងពេលមានវិបត្តិកូវីដ១៩ និងដើម្បីប្រារព្ធថ្ងៃឈប់សម្រាក Chuseok ដែលជាបុណ្យថ្លែងអំណរគុណរបស់ប្រពៃណីកូរ៉េ។
ពួកអ្នកដំណើរជនជាតិឥណ្ឌាកំពុងតម្រង់ជួរដើម្បីធ្វើតេស្តរកមើលជំងឺកូវីដ១៩ នៅឯអាគារមួយដែលគេបង្កើតឡើងនៅស្ថានីយ៍រថភ្លើងមួយ ដើម្បីត្រួតពិនិត្យអ្នកដែលមកពីក្រៅទីក្រុងនេះ ក្នុងទីក្រុង Ahmedabad ប្រទេសឥណ្ឌា។
រដ្ឋមន្ត្រីហិរញ្ញវត្ថុស្វ៊ីស Ueli Maurer ពាក់ម៉ាស់ការពារ នៅមុនពិធីស្វាគមន៍អធិការបតីអូទ្រីស Sebastian Kurz នៅអាគារ Lohn Estate ក្នុងទីក្រុង Kehrsatz ក្បែររដ្ឋធានីប៊ែន ប្រទេសស្វ៊ីស។
បាតុករប៉ាឡេស្ទីនម្នាក់គប់កំប៉ុងគាស់បង្ហូរទឹកភ្នែកដែលប៉ូលិសអ៊ីស្រាអែលបាញ់ ត្រឡប់ទៅទាហានអ៊ីស្រាអែលវិញ ក្នុងពេលពួកគេធ្វើបាតុកម្មប្រឆាំងនឹងការតាំងទីលំនៅរបស់ជនជាតិជ្វីស នៅចំណុច Asira al-Qibliya នៃតំបន់ West Bank ដែលអ៊ីស្រាអែលកាន់កាប់។
មនុស្សម្នាក់ដើរនៅក្បែរការតាំងវត្ថុសិល្បៈដែលគេដាក់ឈ្មោះថា Eggcident ក្នុងន័យដើម្បីព្រមានអំពីការវិវត្តទៅរកស្ថានភាពកាន់តែអាក្រក់នៃការឡើងកម្ដៅពិភពលោក។ វត្ថុសិល្បៈនេះរចនាឡើងដោយលោក Henk Hofstra សិល្បករជនជាតិហូឡង់ ក្នុងព្រឹត្តិការណ៍ Virada Sustentavel SP នៅទីក្រុង Sao Paulo ប្រទេសប្រេស៊ីល។
អ្នកបួងសួងជនជាតិជ្វីសម្នាក់បួងសួងនៅខាងក្រៅអាគារស្នាក់នៅ មុនពេលប្រទេសអ៊ីស្រាអែលត្រូវបានដាក់ក្នុងស្ថានភាពបិទប្រទេសម្ដងទៀត ខណៈពេលដែលករណីវីរូសកូរ៉ូណាបានកើនឡើងជាថ្មី។ វិធានការនេះនឹងបង្ខំឲ្យពលរដ្ឋស្នាក់នៅក្នុងផ្ទះ ក្នុងអំឡុងនៃរដូវឈប់សម្រាករបស់ជនជាតិជ្វីស នៅទីក្រុង Ashdod ប្រទេសអ៊ីស្រាអែល។
ភ្លើងឆេះនៅ Bobcat បន្តដុតបំផ្លាញព្រៃនៅឧទ្យានជាតិ Angeles ក្នុងតំបន់ឡូសអែនជឺឡែស នៅភាគខាងកើតនៃក្រុង Azusa រដ្ឋកាលីហ្វ័រញ៉ា សហរដ្ឋអាមេរិក កាលពីថ្ងៃទី១៧ កញ្ញា ២០២០។
បុគ្គលិកម្នាក់ (ស្ដាំ) ដែលមានពាក់ម៉ាស់ បិទបាំងមុខ និងពាក់អាវផាយ កំពុងម៉ាស្សាដល់អតិថិជននៅកន្លែងងូតទឹក ក្នុងទីក្រុងហុងកុង។ ទីក្រុងហុងកុង បានចាប់ផ្ដើមបើកបារ កន្លែងហែលទឹក ឧទ្យានកម្សាន្ត ក្លឹប ខារ៉ាអូខេ ឡើងវិញចាប់ពីថ្ងៃទី១៨ កញ្ញា បន្ទាប់ពីទីតាំងទាំងនេះត្រូវបានបិទដោយសារកូវីដ១៩។
រូបថតពីលើអាកាសបង្ហាញវាលស្រែទាំងឡាយស្ថិតនៅស្រុក Mu Cang Chai ភាគខាងកើតនៃប្រទេសវៀតណាម។