រូបភាពជុំវិញពិភពលោក ៥ តុលា ២០១៨
ឆ្មាំសមុទ្រដើរកាត់រូបទីមោងខ្នាតធំរបស់ Royal Deluxe ដែលដេកសន្ធឹងនៅលើឆ្នេរនៅឧទ្យាន New Brighton ចក្រភពអង់គ្លេស។
សំណល់វិហារឥស្លាមដែលរង់ការខូចខាតដោយសាររញ្ជួយដី និងរលកយក្សសូនាមិ នៅ Palu ខេត្ត Central Sulawesi ប្រទេសឥណ្ឌូនេស៊ី។
ស្ត្រីនាំគ្នាថតរូបក្នុងពេលសមរបាំ Garba ដែលជារបាំប្រជាប្រិយ៍ មុនពេលមកដល់នៃពិធីបុណ្យ Navratri ដែលអ្នកមានជំនឿនាំគ្នាគោរពដល់ព្រះនាង Durga ដែលជាព្រះក្នុងសាសនាហិណ្ឌូ នៅទីក្រុង Ahmedabad ប្រទេសឥណ្ឌា។
ស្ត្រីនៃតំបន់កាស្មៀឱបសាកសពដែលជាសាច់ញាតិរបស់ខ្លួន នៅពេលគេយកមកដាក់នៅខាងក្រៅមន្ទីរពេទ្យក្នុងស្រុកមួយនៅទីក្រុង Srinagar តំបន់កាស្មៀដែលគ្រប់គ្រងដោយឥណ្ឌា។ ប៉ូលិសនិយាយថា ជនសង្ស័យជាពួកឧទ្ទាមបានបាញ់ និងសម្លាប់សកម្មជន២នាក់ ដែលមានជាប់ពាក់ព័ន្ធនឹងក្រុមជនកាស្មៀគាំទ្រឥណ្ឌា។
ស្ត្រីទី១ Melania Trump និងស្ត្រីទី១របស់ប្រទេសកេនយ៉ា Margaret Kenyatta (ស្ដាំ) អង្អេលកូនដំរីនៅតំបន់សត្វដំរី The David Sheldrick Elephant ក្នុងទីក្រុងណៃរូប៊ី ប្រទេសកេនយ៉ា។
ទាហានឥណ្ឌូនេស៊ីដើរក្បួនព្យុហយាត្រាដើម្បីរំលឹកខួបទី៧៣នៃការបង្កើតកងយោធាឥណ្ឌូនេស៊ី នៅកោះ Sabang ខេត្ត Aceh។
បាតុករម្នាក់ដួលទៅលើរបងលួសបន្លា នៅពេលគាត់ព្យាយាមរត់គេចចេញពីគ្រាប់បែកបង្ហូរទឹកភ្នែក ដែលបាញ់ដោយកងកម្លាំងអ៊ីស្រាអែល នៅពេលបាតុករផ្សេងទៀតបានដុតកង់ឡាននៅជិតរបងនៃតំបន់ Gaza Strip ជាប់ព្រំប្រទល់ជាមួយប្រទេសអ៊ីស្រាអែល នៅក្នុងការធ្វើបាតុកម្មនៅ Khan Younis ស្ថិតនៅភាគខាងត្បូងនៃតំបន់ Gaza Strip។
កូនក្រមុំម្នាក់កំពុងចូលរួមក្នុងការប្រារព្ធពិធីអាពាហ៍ពិពាហ៍២០០គូ ដើម្បីរំលឹកដល់ខួបលើកទី២០០នៃទីក្រុង Grozny ប្រទេសរុស្ស៊ី។
លោក Richard Browning ប្រធានក្រុមអ្នកបើកយន្តហោះសាកល្បង និងជាប្រធានប្រតិបត្តិនៃឧស្សាហម្ម Gravity ស្លៀកពាក់សម្លៀកបំពាក់បើកយន្តហោះ ហើយបានហោះហើរនៅ Bentwaters Park ក្រុង Woodbridge ចក្រភពអង់គ្លេស។