រូបភាពជុំវិញពិភពលោក ២៦ តុលា ២០១៦
ជនចំណាកស្រុកឈរលើជំរាលភ្នំមួយ ហើយមើលទៅជំរុំជនចំណាកស្រុកនៅក្រុង Calais ភាគខាងជើងប្រទេសបារាំង ខណៈពេលមានផ្សែងផុលឡើងអំឡុងពេលប្រតិបត្តិការរុះរើសំណង់ប្រជាធិបតេយ្យធំមួយ ដែលមានមនុស្សប្រមាណ ៦.០០០ ទៅ៨.០០០នាក់រស់នៅ។
កុមារជនជាតិស៊ីរីរងរបួសម្នាក់ទទួលការព្យាបាលនៅមន្ទីរពេទ្យមួយ ក្រោយពីមានរបាយការណ៍ពីការបាញ់ប្រហារពីសំណាក់រដ្ឋាភិបាលនៅក្រុង Douma កាន់កាប់ដោយក្រុមប្រឆាំង ភាគខាងកើតក្រុងដាម៉ាស ប្រទេសស៊ីរី។
ប្រជាជនរាប់រយនាក់ធ្វើបាតុកម្មប្រឆាំងលោក Donald Trump នៅពិធីសម្ពោធសណ្ឋាគារ International Trump Hotel នៅរដ្ឋធានីវ៉ាស៊ីនតោន។ លោក Trump បានមកកាត់ខ្សែបូនៅក្នុងពិធីសម្ពោធ ក្នុងរយៈពេលពីរសប្តាហ៍មុនថ្ងៃបោះឆ្នោតនៅថ្ងៃទី០៨ ខែវិច្ឆិកា។
តារាម៉ូដែល Inna Magomedova បង្ហាញស្នាដៃសិល្បៈ «The Alive Painting» របស់សិល្បៈករជនជាតិរុស្ស៊ីនាង Maria Gasanova អំឡុងពេលពិធីបុណ្យសិល្បៈប្រចាំឆ្នាំ Art Krasnoyarsk ក្នុងក្រុង Krasnoyarsk ប្រទេសរុស្ស៊ី។
ប្រជាជនអ៊ីរ៉ាក់ ដែលបាត់បង់ទីលំនៅ និងដែលបានរស់ភៀសខ្លួនចេញពីក្រុង Mosul កាន់កាប់ដោយពួករដ្ឋឥស្លាម បានជួបជុំសាច់ញ្ញាតិរបស់ខ្លួន ដែលបានមកដល់ជំរុំជនភៀសខ្លួនកាលពីពីរឆ្នាំមុននៅតំបន់ Khazer ជិតកន្លែងតម្រួតពិនិត្យ Aksi Kalak ចម្ងាយប្រមាណ ៤០ គីឡូម៉ែត្រពីក្រុង Irbil។
ក្រុមអ្នកគាំទ្របក្សប្រឆាំងធ្វើក្បួនដង្ហែនៅក្រុងការ៉ាកាស ប្រឆាំងនឹងប្រធានាធិបតីវេណេស៊ុយអេឡាលោក Nicolas Maduro ដោយកាន់បដា ដែលប្រែថា «យើងចង់បានលិទ្ធិប្រជាធិបតេយ្យ និងសេរីភាព – ចូរឲ្យអំណាចផ្តាច់ការរលាយបាត់បង់»។
ប្រធានាធិបតីហ្វីលីពីនលោក Rodrigo Duterte ដាក់កាសក្នុងត្រចៀក ខណៈលោកចូលរួមក្នុងពិធីទទួលទានអាហារថ្ងៃត្រង់ជាមួយនឹងពាណិជ្ជករជប៉ុននៅក្រុងតូក្យូ ប្រទេសជប៉ុន។
ទេសភាពផ្ទាំងថ្មនៅព្រៃ Teutoburger ក្នុងក្រុង Horn-Bad Meinberg ជិតក្រុង Detmold ប្រទេសអាល្លឺម៉ង់។
បេក្ខជនប្រធានាធិបតីគណបក្សប្រជាធិបតេយ្យលោកស្រី Hillary Clinton លើកទារកមួយអំឡុងពេលយុទ្ធនាការឃោសនានៅក្រុង Lake Worth រដ្ឋ Florida។
ប៉ូលិសបង្រ្កាបបាតុករបាញ់បំបែកចលនាបាតុកម្ម «Fee Must Fall Movement» នៅខាងក្រៅសភាអាហ្វ្រិកខាងត្បូង ទីដែលរដ្ឋមន្រ្តីក្រសួងហិរញ្ញវត្ថុអាហ្រ្វិកខាងត្បូងធ្វើសេចក្តីថ្លែងការណ៍ពីកញ្ចប់ថវិកាពាក់កណ្តាលឆ្នាំនៅក្រុង Cape Town។
ចង្កៀងរាងផ្លែល្ពៅដែលត្រូវបានតុបតែងលម្អពីខាងមុខផ្សារទំនើបមួយដើម្បីកំណត់ប្រារព្ធពិធីបុណ្យ Halloween នៅខេត្ត Liaoning ប្រទេសចិន។
កីឡាករ Francis Lindor និង Rajai Davis នៃក្រុមកីឡាវាយកូនបាល់ Cleveland Indians ធ្វើការអបអរសាទរជ័យជម្នះនៅក្នុងការប្រកួតហ្គេមទីមួយ ជាមួយនឹងក្រុម Chicago Cubs ក្នុងក្រុង Cleveland រដ្ឋ Ohio កាលពីថ្ងៃទី២៥ ខែតុលា ឆ្នាំ២០១៦។
តារាចម្រៀងរ៉េប Kanye West ធ្វើការសម្តែងនៅមណ្ឌលប្រគំតន្ត្រី Forum ក្នុងក្រុង Inglewood រដ្ឋ California កាលពីថ្ងៃទី២៥ ខែតុលា ឆ្នាំ២០១៦។