រូបភាពជុំវិញពិភពលោក ០២ តុលា ២០១៩
អ្នកស្រី Hatice Cengiz(កណ្តាល) គូដណ្តឹងរបស់អ្នកកាសែតដែលត្រូវគេសម្លាប់លោកJamal Kashoggi បើកផ្ទាំងមួយនៅក្បែរស្ថានកុងស៊ុលអារ៉ាប៊ីសាអូឌីតក្នុងទីក្រុងអ៊ីស្តង់ប៊ុល ក្នុងខួបស្លាប់មួយឆ្នាំ កាលពីថ្ងៃ០២ ខែតុលា ឆ្នាំ២០១៩។
បាតុករប្រឆាំងនឹងរដ្ឋាភិបាលបានដុតនិងរាំងផ្លូវក្នុងទីក្រុងបាកដាដប្រទេសអ៊ីរ៉ាក់ កាលពីថ្ងៃពុធ ខែតុលា ទី០២ ឆ្នាំ២០១៩។
ស្ត្រីចំណាកស្រុកម្នាក់អោបកូននៅពេលដែលនាងបានមកដល់កំពង់ផែទីក្រុង Skala Sikamias បន្ទាប់ពីប្រតិបត្តិការសង្គ្រោះ ដោយនាវាល្បាត Frontex កោះ Lesbos កាលពីថ្ងៃទី០២ ខែតុលា ឆ្នាំ២០១៩។
ព្រះរាជបុត្រនៃចក្រភពអង់គ្លេស Harry និងភរិយា Meghan ជួបជាមួយនឹងអ្នកស្រី Graca Machel ភរិយារបស់លោក Nelson Mandela ក្នុងទីក្រុង Johannesburg អាហ្រ្វិកខាងត្បូងកាលពីថ្ងៃទី០២ ខែតុលា ឆ្នាំ២០១៩។
បុគ្គលិកជំរំម្នាក់ឲ្យចំណីទៅកាន់ដំរីឈ្មោះ Ayeyar Sein កូនដំរីអាយុ០៤ខែ ដែលបាត់បង់ឪពុកម្តាយដោយសារអ្នកប្រមាញ់ បន្ទាប់ពីលាងរបួសរួចក្នុងជំរំ Wingabaw Elephant Camp ទីក្រុង Bago ប្រទេសមីយ៉ាន់ម៉ា កាលពីថ្ងៃ៣០ ខែកញ្ញា ឆ្នាំ២០១៩។
ខណៈដែលលោកកំពុងរៀបចំបញ្ចប់ការស្នាក់នៅលើមន្ទីរពិសោធន៍លើអាកាសក្នុងសប្តាហ៍នេះ អវកាសយានិក Nick Hague ចែករំលែករូបថតនេះដោយនិយាយថា៖ «ថ្ងៃនេះជាថ្ងៃច័ន្ទចុងក្រោយដែលខ្ញុំស្នាក់នៅលើមន្ទីរពិសោធន៍អាកាសនេះ។ ហើយខ្ញុំកំពុងលង់នឹងទេសភាពចុងក្រោយនេះ។ ស្ថានីយ៍អាកាស Space Station គឺពិជាវិស្វកម្មដ៏អស្ចារ្យ។ #MondayMotivation.»
អតិថិជនជក់បារីនៅកសិដ្ឋាន Lowell Farms ហាងកាហ្វេ Cannabis Cafe អាមេរិកាំងដំបូងដែលមានផ្តល់សេវាកម្មអាហារពេលល្ងាចនិងការជក់កញ្ឆាក្នុងទីក្រុង West Hollywood រដ្ឋកាលីហ័្វរញ៉ាកាលពីថ្ងៃទី០១ ខែតុលា ថ្ងៃទី០១ ឆ្នាំ២០១៩។