ទស្សនារូបភាពជុំវិញពិភពលោក ពីប្រទេសបារាំង អ៊ីស្រាអែល រុស្ស៊ី កាតា បារាំង ថៃ សហរដ្ឋអាមេរិក វេណេស៊ុយអេឡា និងចិន៕
រូបភាពជុំវិញពិភពលោក៖ ១២ តុលា ២០២២
ជនចំណាកស្រុកលើកទូកខ្យល់មួយ ខណៈពួកគេត្រៀមឡើងលើឆ្នេរ Gravelines ជិតក្រុង Dunkirk ភាគខាងជើងប្រទេសបារាំង ដើម្បីព្យាយាមឆ្លងកាត់ច្រក English Channel។
កងកម្លាំងអ៊ីស្រាអែលចាប់ឃុំខ្លួនបុរសប៉ាឡេស្ទីនម្នាក់ អំឡុងពេលប៉ះទង្គិចគ្នា ក្នុងក្រុង Hebron នៅតំបន់ West Bank ដែលគ្រប់គ្រងដោយអ៊ីស្រាអែល។
ក្បាលកប៉ាល់មុជទឹកប្រភេទ K-3 “Leninsky Komsomol” ជំនាន់សហភាពសូវៀត ត្រូវបានបញ្ជូនពីកំពង់ផែទៅកាន់សារមន្ទីរនៅក្រុង Kronstadt ជាយក្រុង St. Petersburg ប្រទេសរុស្ស៊ី។
បុគ្គលិករង់ចាំទទួលភ្ញៀវចូលទស្សនាពិព័រណ៍ «ការជំរុញឆ្ពោះទៅកាន់សម័យកាលថ្មី» នៅមជ្ឈមណ្ឌលពិព័រណ៍ប៉េកាំងក្នុងក្រុងប៉េកាំង ប្រទេសចិន នៅមុនសមាជបក្សកុម្មុយនីស្តចិនលើកទី ២០។
កងសង្គ្រោះលើកសុនខជំនាញរុករក បន្ទាប់ពីការស្វែងរកសាកសពនៅកន្លែងរងគ្រោះបាក់ដីមួយ នៅក្រុង Las Tejerias ប្រទេសវេណេស៊ុយអេឡា កាលពីថ្ងៃទី ១១ ខែតុលា ឆ្នាំ ២០២២។
រូបថតពីឌ្រូនបង្ហាញដើមឈើជុំវិញវិហារ Holy Hill Basilica កំពុងចាប់ផ្តើមប្រែផ្លាស់ពណ៌ ក្នុងក្រុង Hubertus រដ្ឋ Wisconsin សហរដ្ឋអាមេរិក កាលពីថ្ងៃទី ១១ ខែតុលា ឆ្នាំ ២០២២។
ព្រះសង្ឃនិមន្តបិណ្ឌបាត្រដោយឆ្លងកាត់ផ្លូវលិចទឹកមួយក្នុងក្រុង Koh Kret ខេត្ត Nonthaburi ជាយក្រុងបាងកក ប្រទេសថៃ។
«បុរសពីងពាង» ឬ "Spiderman" ជនជាតិបារាំងលោក Alain Robert ឡើងអគារ Montparnasse ដើម្បីឆ្លុះបញ្ចាំងពីវិបត្តិប្រេងនិងថាមពល ក្នុងអំឡុងបាតុកម្មបិទកន្លែងស្តុកប្រេងដោយក្រុមសហជីពអស់ពេលប៉ុន្មានសប្តាហ៍មកនេះ នៅទីក្រុងប៉ារីស ប្រទេសបារាំង។
រូបថតបង្ហាញទិដ្ឋភាពក្នុងផ្សារទំនើប Villagio Mall នៅរាជធានីដូហា ប្រទេសកាតា នៅមុនការប្រកួតបាល់ទាត់ពិភពលោកឆ្នាំ ២០២២។