រូបភាពជុំវិញពិភពលោក ១១ តុលា ២០១៩
ក្មេងៗកំពុងលេងនៅក្រោមដើម Jacaranda ដែលដុះនៅតាមបណ្ដោយផ្លូវក្នុងរដ្ឋធានីហារ៉ារ៉េ ប្រទេសស៊ីមបាវ៉េ។
បាតុករប៉ាឡេស្ទីនកំពុងមើលផ្សែងចេញពីការប្រយុទ្ធគ្នាក្នុងពេលប៉ះទង្គិចជាមួយកងកម្លាំងអ៊ីស្រាអែល បន្ទាប់ពីមានបាតុកម្មមួយសប្ដាហ៍ប្រឆាំងនឹងការបណ្ដេញចេញពួកប៉ាឡេស្ទីនពីដីរបស់ពួកគេ ដោយអ៊ីស្រាអែល នៅភូមិ Kfar Qaddum ក្នុងតំបន់ West Bank។
សកម្មជនប្រឆាំងបម្រែបម្រួលអាកាសធាតុ កំពុងអង្គុយនៅចន្លោះគ្រោងឆ្អឹងនិងក្បាលដំរី ក្នុងពេលធ្វើបាតុកម្មមួយដែលបាតុករធ្វើដូចជាស្លាប់ ក្នុង«ការប្រឆាំងនឹងការផុតពូជ» នៅសារមន្ទីរប្រវត្តិសាស្ត្រធម្មជាតិ នៅទីក្រុងវីយ៉ែន ប្រទេសអូទ្រីស។
ចិត្រករគូរូបទេពធីតានៃសាសនាហិណ្ឌូដែលតំណាងឲ្យសុខភាព គឺព្រះនាងលក្ស្មី នៅក្នុងរោងជាងរបស់លោក មុនពេលពិធីបុណ្យរំលឹកដល់ព្រះនាង នៅទីក្រុង Kolkata ប្រទេសឥណ្ឌា។
ដើមឈើ Sophora Japonica ដែលមានចេញទឹក ដែលជាផ្នែកមួយនៃដើមឈើ៣០ដើម ត្រូវបានគេកោតសរសើរដោយសារតែសម្រស់ ប្រវត្តិ ឬដោយសារតែភាពកម្រក្នុងជីវសាស្ត្រក្នុងចំណោមដើមឈើ៣៥ម៉ឺនដើម នៅក្នុងសួននៃរាជវាំង Versailles ក្នុងទីក្រុងប៉ារីស។
សិស្សសាលាកំពុងញ៉ាំទឹកបន្ទាប់ពីចូលរួមក្នុងព្រឹត្តិការណ៍លោត jumping jack ដើម្បីប្រារព្ធទិវាក្មេងស្រីអន្តរជាតិ នៅឯ Sarkhej Kelavni Mandal ក្នុងទីក្រុង Ahmedabad ប្រទេសឥណ្ឌា។
បុរសរស់នៅតំបន់កាស្មៀរម្នាក់ពាក់ម៉ាស់បិទមុខចូលរួមក្នុងការធ្វើបាតុកម្មនៅទីក្រុង Srinagar បន្ទាប់ពីបានបួងសួងនៅថ្ងៃសុក្រ នៅខណៈពេលមានការរឹតបន្តឹង បន្ទាប់ពីរដ្ឋាភិបាលឥណ្ឌាបានដកឋានៈពិសេសក្នុងរដ្ឋធម្មនុញ្ញ សម្រាប់តំបន់កាស្មៀរ។
រូបថតដែលថតដោយប្រើកំណត់ពេលយូរ បង្ហាញនូវរងើកភ្លើងនៃភ្លើង Saddleridge Fire ក្នុងពេលខ្យល់បក់ នៅចំណុច Porter Ranch នៃទីក្រុងឡូសអេនជឺឡែស រដ្ឋកាលីហ្វ័រញ៉ា។
បុរសជនជាតិអ៊ីរ៉ាក់កាន់សត្វសេកប្រភេទ cockatiels នៅឯផ្សារលក់សត្វ al-Ghazal ក្នុងរដ្ឋធានីបាកដាដ ប្រទេសអ៊ីរ៉ាក់។
នាយករដ្ឋមន្ត្រីអង់គ្លេស លោក Boris Johnson ចូលរួមក្នុងថ្នាក់រៀនផ្នែកសិល្បៈមួយជាមួយ Scarlet Fickling អាយុ ៤ ឆ្នាំ នៅឯសាលាបឋមសិក្សា St Mary's and All Saints ក្នុងទីក្រុង Beaconsfield ប្រទេសអង់គ្លេស។
ក្រុមបាតុករប្រឈមមុខជាមួយពួកសន្តិសុខក្នុងពេលបាតុកម្មប្រឆាំងនឹងវិធានការកាត់បន្ថយការចំណាយក្នុងរដ្ឋាភិបាល របស់ប្រធានាធិបតីអេក្វាទ័រ លោក Lenin Moreno នៅទីក្រុងគីតូ ប្រទេសអេក្វាទ័រ។
យន្តហោះកំពុងសម្ដែងក្នុងពេលបង្ហាញសមត្ថភាពអាកាសចរណ៍អន្តរជាតិនៅព្រលានយន្តហោះ Yaocheng នៅក្រុង Taiyuan ខេត្ត Shanxi ប្រទេសចិន។