រូបភាពជុំវិញពិភពលោក ១១ តុលា ២០១៧
កម្មវិធីប្រណាំងឡានពិភពលោកដើរដោយពន្លឺព្រះអាទិត្យបង្ហាញឡាន «RED Shift» របស់ក្រុម Solar Team Twente នៃប្រទេសហូឡង់ក្បែរ ក្រុង Coober Pedy ក្នុងថ្ងៃប្រកួតទីបួន។ កម្មវិធីប្រណាំងឡានពិភពលោកដើរដោយពន្លឺព្រះអាទិត្យ ចម្ងាយ ៣.០០០គីឡូម៉ែត្រនៅប្រទេសអូស្រ្តាលី បានក្លាយជាការប្រណាំងថ្មីបំផុតក្នុងពិភពលោកដោយមានក្រុមប្រណាំងជាច្រើនចង់បង្ហាញពីស្នាដៃកែច្នៃរបស់ខ្លួនដែលសង្ឃឹមថាថ្ងៃណាមួយអាចក្លាយជាឡានដឹកអ្នកដំណើរដោយពន្លឺព្រះអាទិត្យ។
អ្នកគាំទ្រម្នាក់របស់គណបក្សប្រឆាំងកេនយ៉ា National Super Alliance (NASA) ដួលលើដីបន្ទាប់ពីត្រូវបានបុកដោយឡានប៉ូលិសអំឡុងបាតុកម្មមួយតាមដងផ្លូវទីក្រុងណៃរ៉ូប៊ី។
ប៉ូលិសកូបកម្មបាញ់ផ្សែងបង្ហូរទឹកភ្នែកប្រឆាំងនឹងអ្នកគាំទ្រគណបក្សប្រឆាំងអំឡុងបាតុកម្មមួយប្រឆាំងនឹងគណកម្មាធិការរៀបចំការបោះឆ្នោតឯករាជ្យក្នុងទីក្រុងណៃរ៉ូប៊ី ប្រទេសកេនយ៉ា។
នាយករដ្ឋមន្រ្តីកាណាដា Justin Trudeau និងភរិយា Sophie និងទីប្រឹក្សាសេតវិមានអ្នកស្រី Ivanka Trump អង្គុយជាមួយគ្នានៅក្នុងកិច្ចប្រជុំ ២០១៧ «ស្រ្តីខ្លាំងបំផុត» របស់ទស្សនាវដ្ដី Fortune ក្នុងទីក្រុងវ៉ាស៊ីនតោនកាលពីថ្ងៃទី១០ តុលា ២០១៧។
ភ្នំភ្លើង Shinmoe បន្ទាប់ពីផ្ទុះរួចនៅក្នុងទីក្រុង Kirishima តំបន់ Kagoshima ប្រទេសជប៉ុនកាលពីថ្ងៃទី១១ ខែតុលា ២០១៧។
Satchie Noro សម្តែងរបាំមួយដែលគេហៅថា «Origami» ដែលនឹងបើកពិធីបុណ្យរបាំឆត្រក្នុងទីក្រុងឡុងដ៏នៅក្បែរអគារ Battersea Power Station។