រូបភាពជុំវិញពិភពលោក ១១ តុលា ២០១៦
ជនមានជំនឿស៊ប់ម្នាក់អុជចង្រ្កៀងប្រេងលើស្មារបស់ខ្លួនអំឡុងពេលពិធីបុណ្យ «Dashian» ដែលជាពិធីបុណ្យសាសនាហិណ្ឌូ នៅក្រុង Bhaktapur ប្រទេសនេប៉ាល់។
ស្រ្តីម្នាក់ធ្វើពពុះសាប៊ូនៅដងផ្លូវហាងលក់ឥវ៉ាន់ក្នុងក្រុង Frankfurt ប្រទេសអាល្លឺម៉ង់។
ជនមូស្លីមនិកាយស៊ីអ៊ីតវាយខ្លួននឹងកាំបិតមួយបាច់នៅអំឡុងពេលពិធីដង្ហែក្បួន Muharram នៅក្រុង Srinagar តំបន់កាស្មៀគ្រប់គ្រងដោយប្រទេសឥណ្ឌា។
រូបភាពពីអាកាសបង្ហាញពីម្ទេសក្រហមដាក់សម្ងួតនៅតំបន់ស្វយ័ត Bayingolin Mongol ក្នុងតំបន់ស្វយ័ត Xinjiang Uighur ប្រទេសចិន។
ទារក Manut អាយុ ១១ ខែ ដែលរងគ្រោះពីអាការៈខ្វះអាហារូបត្ថម្ភគ្រប់គ្រាន់ និងជំងឺផ្លូវដង្ហើម ត្រូវបានផ្តល់ជំនួយនៅឯគ្លីនិកមួយគ្រប់គ្រងដោយក្រុមគ្រូពេទ្យគ្មានព្រំដែននៅ Bahr al Ghazal ភាគខាងជើង ប្រទេសស៊ូដង់ខាងត្បូង។
ឆ្មាមួយក្បាលអង្គុយនៅក្នុងទឹកជំនន់បង្កឡើងដោយព្យុះសង្ឃរា Matthew នៅក្រុង Nichol រដ្ឋ South Carolina កាលពីថ្ងៃទី១០ ខែតុលា ឆ្នាំ២០១៦។ មន្រ្តីមន្ទីរធនធានធម្មជាតិរដ្ឋ South Carolina លោក Gregg Lowery បានសង្រ្គោះសត្វឆ្មានោះនៅអំឡុងពេលល្បាតនៅក្នុងក្រុងនោះ។
រថយន្តរៀនបើកបរមួយលិចនៅក្នុងទឹកជំនន់ បន្ទាប់ពីមានទឹកជំនន់ក្រោយពីព្យុះសង្ឃរា Matthew នៅក្រុង Lumberton រដ្ឋ North Carolina កាលពីថ្ងៃទី១០ ខែតុលា ឆ្នាំ២០១៦។
ទិដ្ឋភាពពណ៌ស្លឹកឈើនារដូវកាលស្លឹកឈើជ្រុះនៅកន្លែងកប់សពមួយជិតវិហារ Congregational Church ក្នុងរដ្ឋ Maine សហរដ្ឋអាមេរិក កាលពីថ្ងៃទី១០ ខែតុលា ឆ្នាំ២០១៦។
យុទ្ធជនក្រុមប្រឆាំងរដ្ឋាភិបាលបើកបររថយន្តរបស់ពួកគេ ដោយធ្វើការអបអរសាទរទៅលើការដណ្តើមយកក្រុង Baraghedeh និងក្រុង Kafr-Ghan ពីក្រុមរដ្ឋឥស្លាម នៅជាយក្រុង Aleppo ប្រទេសស៊ីរី កាលពីថ្ងៃទី១០ ខែតុលា ឆ្នាំ២០១៦។
បុរសម្នាក់ជិះក្តារលើទឹកអូសដោយខ្លែងមួយនៅបឹង Lake Leman ក្នុងក្រុងហ្សឺណែវ ប្រទេសស្វីស។