រូបភាពជុំវិញពិភពលោក ០៨ វិច្ឆិកា ២០១៧
បាតុករលើបដាដែលសរសេរថា«សេរីភាពរបស់អ្នកទោសនយោបាយ យើងជាសាធារណរដ្ឋ» នៅពេលដែលពួកគេកំពុងប្រមូលផ្តុំគ្នានៅខាងមុខ Sant Jaume ក្នុងបាតុកម្មមួយអំឡុងការធ្វើកូដកម្មតាមតំបន់ក្នុងទីក្រុង Barcelona ប្រទេសអេស្ប៉ាញ។
មុខតុក្កតាត្រូវបានគេគូរលើរថយនដែលត្រូវបានគ្របដណ្តប់ដោយព្រិលនៅជិតអគារមួយក្នុងទីក្រុង Krasnoyarsk ប្រទេសរុស្ស៊ី។
ប្រធានាធិបតីសហរដ្ឋអាមេរិក Donald Trump និងស្រ្តីទីមួយ Melania Trump បានមកដល់អាកាសយានដ្ឋាន Beijing ប្រទេសចិន។
ប្រធានាធិបតីសហរដ្ឋអាមេរិក Donald Trump និងស្រ្តីទីមួយ Melania Trump ចាកចេញពីអាកាសយានដ្ឋានបន្ទាប់ពីបានមកដល់ទីក្រុងប៉េកាំង។
សត្វគោឈរនៅតាមដងផ្លូវខណដែលរថយន្តដឹកទំនិញមួយគ្រឿងបើកឆ្លងកាត់អ័ព្ទនិងផ្សែងក្នុងទីក្រុង Greater Noida ក្បែរទីក្រុងញូវដែលីប្រទេសឥណ្ឌា។ អ័ព្ទដ៏ក្រាស់មួយបានចាប់ផ្តើព័ទ្ធជុំវិញរដ្ឋធានីនេះខណដែលខ្យល់កខ្វក់បានឡើងដល់កម្រិតគ្រោះថ្នាក់។
អ្នកកាសែតវ៉េណេស៊ុយអេឡា Jesus Medina និយាយជាមួយអ្នកសារព័ត៌មាននៅក្នុងទីក្រុងការ៉ាកាសកាលពីថ្ងៃទី០៧ វិច្ឆិកា ២០១៧។ Medina បាននិយាយថាលោកត្រូវបានគេដោះលែងពីរថ្ងៃបន្ទាប់ពីត្រូវបានបុរសមិនស្គាល់មុខចាប់ខ្លួននិងធ្វើទារុណកម្មបន្ទាប់ពីលោកបានថតរូបសកម្មភាពរបស់ក្រុមជនពាលនៅក្នុងគុក។
នាង Katy Perry សម្តែងនៅលើឆាកតន្រ្តី «Witness: The Tour» នៅមជ្ឈមណ្ឌល Staples Center ក្នុងទីក្រុង Los Angeles កាលពីថ្ងៃទី០៧ វិច្ឆិកា ២០១៧។
ទាហានវៀតណាមសម្អាតកំទេចកំទីដោយសារទឹកជំនន់ពីខ្យលព្យុះដំរីនៅក្នុងទីក្រុង Hoi An ដែលជាទីក្រុងបេតិកភណ្ឌអង្គការ UNESCO ប្រទេសវៀតណាមកាលពីថ្ងៃទី០៨ វិច្ឆិកា ២០១៧។