រូបភាពជុំវិញពិភពលោក ០៨ វិច្ឆិកា ២០១៦
ស្រ្តីវ័យ១០០ឆ្នាំម្នាក់ឈ្មោះ Grace Bell Hardison ទទួលបានស្លាក «ខ្ញុំបានបោះឆ្នោតនៅថ្ងៃនេះ» ពីមន្ត្រីបោះឆ្នោតម្នាក់បន្ទាប់ពីគាត់បានបោះឆ្នោតពីរថយន្តរបស់គាត់នៅក្នុងក្រុង Belhaven រដ្ឋ North Carolina ។ លោកប្រធានាធិបតី បារ៉ាក់ អូបាម៉ា ថ្មីៗនេះបាននិយាយពីស្ត្រីវ័យ១០០ឆ្នាំរូបនេះ បន្ទាប់ពីមានការព្យាយាមលុបឈ្មោះគាត់ចេញពីបញ្ជីឈ្មោះអ្នកបោះឆ្នោត និងមិនអនុញ្ញាតឲ្យគាត់មានសិទ្ធិបោះឆ្នោត។
អ្នកបោះឆ្នោតធ្វើការបោះឆ្នោតនៅស្ថានីយមួយនៅក្នុងយានដ្ឋានមួយនៅក្បែរសង្កាត់ Fernald រដ្ឋ Iowa។
ក្តារខៀនរៀបសន្លឹកឆ្នោតនៅក្នុងក្រុង Dixville Notch រដ្ឋ New Hamphire ទីដែលមានអ្នកបោះឆ្នោតទៅបោះឆ្នោតមុនគេ។ ក្តារខៀននេះបង្ហាញតួលេខថា លោកស្រី Hillary Clinton ឈ្នះលោក Donald Trump ដោយសំឡេង៤ ទល់នឹង២។
អ្នកបោះឆ្នោតម្នាក់ធ្វើការបោះឆ្នោតនៅកន្លែងបោកអ៊ុត Su Nueva Lavanderia ក្នុងក្រុង Chicago រដ្ឋ Illinois។
អ្នកស្ម័គ្រចិត្តម្នាក់ហុចខិតប័ណ្ណដែលនិយាយពីសិទ្ធិរបស់អ្នកបោះឆ្នោត ទៅអ្នកបោះឆ្នោតម្នាក់ នៅខាងក្រៅស្ថានីយបោះឆ្នោតនៅក្រុង Miami រដ្ឋ Florida។
អ្នកបោះឆ្នោតធ្វើការបោះឆ្នោតនៅសាលរបស់ក្រុង Sutton ក្នុងក្រុង Sutton រដ្ឋ New Hampshire។
Myla Gibson អាយុ៣ឆ្នាំ រង់ចាំឳពុករបស់នាងធ្វើការបោះឆ្នោតនៅសាលា James Weldon Johnson នៅក្នុងសង្កាត់ Manhattan ក្រុងញូវយ៉ក។
លោក Najeeb Kaid ដែលជាពលរដ្ឋអាមេរិកាំងដើមកំណើតយេម៉ែន ធ្វើការបោះឆ្នោតនៅស្ថានីយមួយក្នុងសង្កាត់ Brooklyn ក្រុងញូវយ៉ក។
អ្នកបោះឆ្នោតធ្វើការបោះឆ្នោតនៅខាងក្នុងយានដ្ឋាន Chobert Decorators ក្នុងក្រុង Philadelphia រដ្ឋ Pennsylvania។
មនុស្សម្នាតម្រង់ជួរដើម្បីទៅមើលផ្នូររបស់លោកស្រី Susan B. Anthony ដែលជាមេដឹកនាំទាមទារសិទ្ធិបោះឆ្នោតសម្រាប់ស្រ្តីនៅថ្ងៃបោះឆ្នោត នៅកន្លែងបញ្ចុះសព Mount Hope Cemetery ក្នុងក្រុង Rochester រដ្ឋញូវយ៉ក។
ក្មេងប្រុសម្នាក់រង់ចាំម្តាយដែលកំពុងបោះឆ្នោតនៅ សាលាក្រុងក្នុងក្រុង Bloomington រដ្ឋ Minnesota។
លោក Zhou Nan Zhou (រូបឆ្វេង) និងភរិយារបស់គាត់កំពុងពិចារណាលើការបោះឆ្នោតរបស់ពួកគេនៅ ក្នុងឧទ្យាន Sunset Park ក្នុងសង្កាត់ Brooklyn ក្រុងញូវយ៉ក។
លោក Pablo Ramos ដែលជាអ្នកគាំទ្រលោក Donald Trump ឈរនៅចំកណ្តាលផ្លូវ Orange Avenue ដោយមានកាន់ទង់ជាតិ និងស្រែកហ៊ូដាក់អ្នកបើកបរក្នុងក្រុង Orlando រដ្ឋ Florida។
ក្មេងៗរង់ចាំម្តាយរបស់ពួកគេដែលកំពុងបោះឆ្នោតនៅសាលា Langley Park McCormick Elementary School ក្នុងរដ្ឋ Maryland។
មនុស្សម្នាធ្វើការបោះឆ្នោតនៅក្នុងហាងលក់ទំនិញមួយនៅក្នុងក្រុង National City រដ្ឋ California។
អ្នកបោះឆ្នោតធ្វើការបោះឆ្នោតហាង Delia's Beauty Salon ក្នុងក្រុង Chicago រដ្ឋ Ilinois។
មនុស្សរាប់រយនាក់រង់ចាំដើម្បីធ្វើការបោះឆ្នោតក្នុងក្រុង Ridgeland រដ្ឋ Mississippi។
លោក Clay Smith ជាអ្នកបោះឆ្នោតដំបូងគេតាំងពីកណ្តាលអាធាត្រក្នុងក្រុង Dixville Notch រដ្ឋ New Hampshire។
អគារ Rockefeller Center និង Rockefeller Plaza ត្រូវបានគេបំពាក់ភ្លើងពណ៌ខៀវ និងក្រហមដើម្បី បង្ហាញពីការវិវត្តនៃលទ្ធផលបោះឆ្នោត ដែលនេះជាផ្នែកមួយនៃការផ្សាយរបស់ទូរទស្សន៍ NBC។