រូបភាពជុំវិញពិភពលោក ២៧ វិច្ឆិកា ២០១៦
អ្នកគោរពសាសនាហិណ្ឌូម្នាក់អុជទៀនដើម្បីគោរពវិញ្ញាណក្ខន្ធដល់សមាជិកគ្រួសារដែលបានស្លាប់ក្នុងពិធីបុណ្យ Balachaturdashi ក្នុងព្រះវិហារ Pashupatinath ក្នុងកដ្ឋមណ្ឌូ (Kathmandu) ប្រទេសនេប៉ាល់។
មនុស្សម្នាកាន់ផ្កានៅពីមុខរូបលោក Fidel Castro ដែលជាមេដឹកនាំចលនាបដិវត្តជាប្រវត្តិសាស្រ្តរបស់គុយបានៅស្ថានទូតគុយបាក្នុងក្រុងបូហ្គោតា (Bogota) ប្រទេសកូឡុំប៊ី កាលពីថ្ងៃទី២៦ ខែវិច្ឆិកា ឆ្នាំ២០១៦។ លោក Fidel Castro បានស្លាប់កាលពីថ្ងៃសុក្រ សប្តាហ៍មុន នៅក្នុងក្រុងឡាហាវ៉ាន (Havana)។ លោកប្រធានាធិបតី Raul Castro ដែលត្រូវជាបងប្អូនប្រុសនឹងលោកបានប្រកាសយ៉ាងដូច្នេះនៅតាមទូរទស្សន៍។ ធាតុរបស់លោក Castro នឹងត្រូវបញ្ចុះនៅក្នុងក្រុង Santiago នៅថ្ងៃទី៤ ខែធ្នូ បន្ទាប់ពីមានការដង្ហែរយៈពេល៤ថ្ងៃទូទាំងប្រទេស។
អ្នកទេសចរណ៍មើលសមាជិកនៃក្លឹបអ្នកហែលទឹកក្នុងរដូវរងាក្នុងស្រុកមួយចាក់ទឹកត្រជាក់លើកូនៗរបស់ពួកគេដែលមាន Liza Broverman អាយុ៧ឆ្នាំ និង Alisa Smagina អាយុ២ឆ្នាំ ក្នុងទិវា Polar Bear នៅសួនសត្វ Royev Ruchey ជាមួយនឹងសីតុណ្ហភាព-៥អង្សាសេក្នុងក្រុង Krasnoyarsk ប្រទេសរុស្ស៊ី។
ភ្ញៀវរីករាយជាមួយនឹងអាហារពេលល្ងាចនៅតុលាអាហារមួយដែលមានឈ្មោះថា «Santa in the sky» ដោយលើកឡើងលើដោយឧបករណ៍ស្ទួចមួយប្រភេទ និងតុបតែងឲ្យដូចនឹងរទេះ «Santa Sleigh»។ នេះជាផ្នែកមួយនៃពិធីបុណ្យណូអែល នៅក្នុងក្រុងប្រ៊ុចសែល ប្រទេសប៊ែលហ្ស៊ិក។
កសិករម្នាក់ភ្ជួររាស់វាលស្រែមួយក្នុងក្រុង Horana ប្រទេសស្រីលង្កា។
អ្នកចូលរួមតុបតែងជាតួអង្គមនុស្សភពផ្កាយក្នុងរឿង «Mars Attacks!» បង្ហោះម៉ាស៊ីនរបស់ពួកគេក្នុងព្រឹត្តិការណ៍ Red Bull Flugtag ក្នុងក្រុងហុងកុង។
អ្នកចូលរួមកំពុងមើលអ្នករបាំ Aboriginal និងអ្នកលេងសៀកសម្តែងជាមួយនឹងពីងពាង Arcadia ដែលមានទម្ងន់៥០តោន ធ្វើឡើងពីសម្ភារៈយោធាចាស់ៗ ក្នុងពិធីបង្ហាញពីភ្លើងឡាស៊ែ និងសិល្បៈខាងកាំជ្រួចមួយក្នុងក្រុង Perth ប្រទេសអូស្រ្តាលី។
ស្វាតោងឡើងលើអ្នកទេសចរណ៍ម្នាក់ក្នុងពិធី Monkey Buffet ប្រចាំឆ្នាំនៅប្រាសាទ Phra Prang Sam Yot ក្នុងខេត្ត Lopburi ប្រទេសថៃ។
អ្នកចូលរួមបង្ហាញប្រតិកម្មរបស់ខ្លួននៅពេលយន្តហោះហោះពីលើពួកគេក្នុងពិធី Vintage Air Rally មួយក្នុងឧទ្យានជាតិ Nairobi ក្នុងក្រុងNairobi ប្រទេសកេនយ៉ា។
មនុស្សម្នាដើរនៅក្រោមដើមឈើដែលតុបតែងជាមួយនឹងភ្លើងណូអែល ខណៈដែលផ្សារណូអែលបែបប្រពៃណីបើកទ្វរនៅទីលាន Old Town ក្នុងក្រុងប្រាក សាធារណដ្ឋឆែក កាលពីថ្ងៃទី២៦ ខែវិច្ឆិកា ឆ្នាំ២០១៦។
អ្នកចូលរួមម្នាក់លេងហ្គេមនៅលើទូរស័ព្ទរបស់នាង ខណៈដែលអ្នកដទៃមើលនាងក្នុងពេលសម្រាកមួយនៅក្នុងការប្រកួតល្ខោន Opera ប្រពៃណីរបស់ចិននៅមជ្ឈមណ្ឌល National Academy of Chinese Theatre Arts ក្នុងក្រុងប៉េកាំង ប្រទេសចិន កាលពីថ្ងៃទី២៦ ខែវិច្ឆិកា ឆ្នាំ២០១៦។
លោក Nico Rosberg កីឡាករប្រណាំងឡានមកពីប្រទេសអាល្លឺម៉ង់សប្បាយរីករាយជាមួយនឹងភរិយារបស់លោក Vivian Sibold ដែលកំពុងតែកាន់ទង់ជាតិអាល្លឺម៉ង់ បន្ទាប់ពីទទួលបានជ័យជម្នះជើងឯក F1 2016 នៅក្នុងការប្រកួត Emirates Formula One Grand Prix នៅទីលានប្រកួត Yas Marina ក្នុងក្រុងអាប៊ុយដាប៊ី ប្រទេសអេមីរ៉ាតអារ៉ាប់រួម។
មនុស្សម្នាសប្បាយរីករាយនឹងពណ៌នៃរដូវស្លឹកឈើជ្រុះនៅសួន Koishikawa Korakuen ក្នុងក្រុងតូក្យូ ប្រទេសជប៉ុន កាលពីថ្ងៃទី២៦ ខែវិច្ឆិកា ឆ្នាំ២០១៦។