រូបភាពជុំវិញពិភពលោក ២៦ វិច្ឆិកា ២០១៥
បាឡុងតុក្កតា Angry Bird ត្រូវបានឃើញបង្ហោះនៅក្នុងអំឡុងពេលដើរក្បួនព្យុហយាត្រា នៅរង្វង់មូល Columbus Circle ក្នុងបូរីញូយ៉ក។ ការដើរក្បួននេះ ត្រូវបានរៀបចំជារៀងរាល់ឆ្នាំដោយក្រុមហ៊ុនលក់ទំនិញ Macy's ក្នុងថ្ងៃបុណ្យ Thanksgiving Day ។
ក្រុមអ្នកកំប្លែងគូរមុខប្រមូលផ្តុំគ្នាមុនពេលដង្ហែក្បួនព្យុហយាត្រាប្រចាំឆ្នាំ Macy's Thanksgiving Day លើកទី ៨៩ នៅក្រុង Manhattan បូរីញូយ៉ក។
មន្រ្តីប៉ូលិសបូរីញូយ៉កឈរល្បាតពីអាគារមួយ ខណៈដែលបាឡុងធំៗហោះពីលើហ្វូងអ្នកទស្សនាតាមបណ្តាយវិថី 6th Ave នៅអំឡុងពេលដង្ហែក្បួនព្យុហយាត្រាប្រចាំឆ្នាំ Macy's Thanksgiving Day លើកទី ៨៩ នៅក្រុង Manhattan បូរីញូយ៉ក។
ទាហានប្រទេសប៊ែកហ្ស៊ិកដើរឆ្លងកាត់ Galleries Royal Saint-Hubert នៅកណ្តាលរដ្ឋធានីប្រ៊ុយសែល។
មន្រ្តីយោធាកេនយ៉ាឈរល្បាត ខណៈដែលសម្តេចប៉ាបហ្រ្វង់ស៊ីសថ្លែងទៅកាន់ហ្វូងមនុស្សនៅក្រុង ណៃរ៉ូប៊ី ប្រទេសកេនយ៉ា។
ប៉ូលិសម៉ាសេដ្ឋាន (Macedonia) បង្អាក់ជនចំណាកស្រុកមួយរូបជិតក្រុង Gevgelija នៅបណ្តោយព្រំដែនក្រិក និងម៉ាសេដ្ឋាន។ ជនចំណាកស្រុកជាង ២០០នាក់បានព្យាយមចូលតាមរបងបំពាក់ដោយបន្លាលួសដើម្បីឆ្លងពីប្រទេសក្រិកទៅម៉ាសេដ្ឋាន ដែលបានដាក់កំហិតថ្មីនៅតាមបណ្តោយព្រំដែនកាលពីសប្តាហ៍មុន ដោយបានគប់ដុំថ្មទៅកាន់ក្រុមប៉ូលិស។
ក្រុមអ្នកទស្សនាមើលពីធីបុណ្យបញ្ចាំងពន្លឺ «Canyon d'Azur» នៅសង្កាត់ Shiodome ក្រុងតូក្យួ ប្រទេសជប៉ុន។
ក្បួនរថយន្តដឹកមឈូសនៃអតីតប្រធានាធិបតីលោក Kim Young-Sam បានឆ្លងកាត់វិមាន Gyeongbokgung និងទីលាន Gwanghwanmun នៅកណ្តាលក្រុងសេអ៊ូល ប្រទេសកូរ៉េខាងត្បូង។ ប្រទេសកូរ៉េខាងត្បូងបានធ្វើពិធីបុណ្យសពថ្នាក់ជាតិសម្រាប់អតីតប្រធានាធិបតី ដែលការឈ្នះឆ្នោតឆ្នាំ ១៩៩២របស់លោកបានបញ្ចប់ជាផ្លូវការនូវការដឹកនាំដោយយោធា។
ប្រធានាធិបតីអាមេរិកលោកបារ៉ាក់ អូបាម៉ាលើកដៃលើមាន់តួកគីតំណាងបុណ្យជាតិ Thanksgiving នៅអំឡុងពេលដាក់បង្ហាញនូវមាន់តួកគីនៅសួន Rose Garden នៃសេតវិមាននៅរដ្ឋធានីវ៉ាស៊ីនតោន ឌីស៊ី នៅថ្ងៃទី២៥ ខែវិច្ឆិកា ឆ្នាំ២០១៥។
ក្រុមអ្នកចូលរួមការប្រកួតរៀបចំចង្កៀងគោមក្រដាសនៅលើបាឡុងភ្លើងនៅអំឡុងពេលបង្ហោះបាឡុងខ្យល់ក្តៅប្រចាំឆ្នាំនៅក្រុង Pyin Oo Lwin តំបន់ Mandalay ប្រទេសមីយ៉ាន់ម៉ា។
ឡានដឹកទំនិញមួយធ្វើការឆ្លងកាត់ទីវាលប្រកបដោយទឹកកកមួយនៅភ្នំ Schauinsland នៅតំបន់ Black Forest ភាគខាងត្បូងប្រទេសអាល្លឺម៉ង់។
កីឡាករ Omar Perez នៃក្រុមបាល់ទាត់ Santa Fe នៅប្រទេសកូឡុំប៊ី បង្ហាញភាពសោកស្តាយ បន្ទាប់ពីបាត់បង់ឱកាសស៊ុតបញ្ចូលទីតទល់នឹងក្រុម Sportivo Luqueno នៅអំឡុងពេលការប្រកួតពានរង្វាន់ Copa Sudamericana នៅក្រុងបូកូតា ប្រទេសកូឡុំប៊ី។
ក្រុមអ្នកចូលរួមបានឈរថតរូបនៅអំឡុងពេលពិធី Enchanted Christman នៅឯ National Arboretum នៃគណៈកម្មាការរុក្ខប្រមាញ់ជាតិអង់គ្លេសនៅក្រុង Westonbirt តំបន់ Tetbury ភាគខាងលិចប្រទេសអង់គ្លេស នាថ្ងៃទី២៥ ខែវិច្ឆិកា ឆ្នាំ២០១៥។
ក្រុមអ្នករបាំធ្វើការសម្តែងនៅអំឡុងពេលហាត់សមមួយសម្រាប់ការសម្តែង The Sleeping Beauty នៃសមាគមរបាំ Ballet អូស្រ្តាលីនៅឯ Sydney Opera House។
ព្រះចន្ទរះពីក្រោយអាគារ CN Tower និងជើងមេឃក្រុង Toronto នៅប្រទេសកាណាដា នាថ្ងៃទី២៥ ខែវិច្ឆិកា ឆ្នាំ២០១៥។