រូបភាពជុំវិញពិភពលោក ១៤ វិច្ឆិកា ២០១៩
សិស្សនិស្សិតត្រូវបាននាំចេញពីវិទ្យាល័យ Saugus បន្ទាប់ពីមានសេចក្ដីរាយការណ៍ថា មានការបាញ់ប្រហារនៅទីក្រុង Santa Clarita រដ្ឋ កាលីហ្វ័រញ៉ា។
ក្រុមអ្នកគាំទ្រអតីតប្រធានាធិបតីបូលីវី លោក Evo Morales កំពុងដើរទៅកាន់វិមានប្រធានាធិបតី នៅទីក្រុងឡាប៉ាស ប្រទេសបូលីវី។ លោក Evo Morales បានចុះចេញពីតំណែង ហើយបានហោះចេញដោយប្រើយន្តហោះយោធាទៅកាន់ប្រទេសម៉ិកស៊ិក នៅពេលមានសម្ពាធពីពួកយោធា បន្ទាប់ពីមានការតវ៉ានៅទូទាំងប្រទេសពាក់ព័ន្ធនឹងការចោទប្រកាន់ថា លោកបានប្រព្រឹត្តការគៃបន្លំក្នុងការបោះឆ្នោតកាលពីខែមុន ដែលលោកបានអះអាងថា លោកជាអ្នកឈ្នះសម្រាប់អាណត្តិទី៤របស់លោក។
មនុស្សកំពុងដើរនៅលើផ្លូវដើរដែលគេធ្វើបណ្ដោះអាសន្ននៅលើទីលាន St. Mark ដែលជន់លិច នៅទីក្រុង Venice ប្រទេសអ៊ីតាលី។
Omar (ឆ្វេង) និងម្ដាយរបស់ខ្លួនឈ្មោះ Lara ដែលជាកូននិងភរិយារបស់លោក Alaa Abu Fakher កំពុងចូលរួមបុណ្យសព Alaa Abu Fakher នៅ Choueifat។ លោក Alaa Abu Fakher ត្រូវបានសម្លាប់ដោយទាហានលីបង់ កាលពីពេលធ្វើបាតុកម្មនាពេលយប់នៅទីក្រុងបេរូត។
យុវជនប៉ាឡេស្ទីនឈរនៅក្នុងរណ្ដៅនៃអាគារដែលត្រូវបានកម្ទេច បន្ទាប់ពីរងការបាញ់ដោយមីស៊ីលអ៊ីស្រាអែល កាលពីយប់ម្សិលមិញ នៅតំបន់ Al-Qarara នៅខាងកើតក្រុង Khan Younis នៃតំបន់ Gaza Strip។
ប៉ូលិសម្នាក់ចាប់បាតុករម្នាក់ក្នុងពេលមានការតវ៉ាប្រឆាំងនឹងរដ្ឋាភិបាលប្រទេសឈីលី ក្នុងទីក្រុងសាន់ត្យាហ្គោ កាលពីថ្ងៃទី១៣ វិច្ឆិកា ២០១៩។
បាតុករម្នាក់ប្រើជំពាមកៅស៊ូបាញ់ក្នុងពេលធ្វើបាតុកម្មប្រឆាំងរដ្ឋាភិបាល នៅទីក្រុងបាកដាដ ប្រទេសអ៊ីរ៉ាក់។
អ្នកគាំទ្រក្រុមបាល់ទាត់អ៊ីរ៉ាក់ម្នាក់ថតរូបមុនពេលចាប់ផ្ដើមការប្រកួតវគ្គជម្រុះសម្រាប់បាល់ទាត់ពិភពលោក ឆ្នាំ២០២២ ក្នុងជុំទី២ នៃក្រុម C រវាងអ៊ីរ៉ាក់ និងអ៊ីរ៉ង់ នៅកីឡដ្ឋានអន្តរជាតិ Amman ក្នុងទីក្រុង អាម៉ាន់ ប្រទេសហ្សកដានី។
ក្រុមអ្នកដើរទស្សនាកោតសរសើរដល់សិល្បៈដែលមានចំណងជើងថា «ពពក» ដែលធ្វើពីអំពូលចំនួន៦ពាន់ ក្នុងពេលរៀបចំសម្រាប់ពិធីបុណ្យពន្លឺ Lumiere Durham ក្នុងទីក្រុង Durham ស្ថិតនៅភាគឦសាននៃប្រទេសអង់គ្លេស កាលពីថ្ងៃទី១៣ វិច្ឆិកា ២០១៩។
សត្វក្ងានមួយក្បាលកំពុងហែលទឹកក្នុងបឹង Constance ក្រុង Constance ប្រទេសអាល្លឺម៉ង់។