រូបភាពជុំវិញពិភពលោក ១២ វិច្ឆិកា ២០១៥
អ្នកកាន់សាសនាហិណ្ឌូលើកកន្សែងបង់កដើម្បីទទួលអង្ករ ជាអំណោយចែកចាយដោយអាជ្ញាធរនៅវិហារនៅអំឡុងពេលពិធីបុណ្យ Annakut នៅក្រុង Kolkata ប្រទេសឥណ្ឌា។
ខ្លែងមួយត្រូវបានបង្ហោះឡើងទៅលើអាកាសនៅអំឡុងពេលពិធីបុណ្យបង្ហោះខ្លែងប្រចាំឆ្នាំនៅកណ្តាលក្រុងភ្នំពេញ ប្រទេសកម្ពុជា។
លោក Juan Reyes (ខាងស្តាំ) កំពុងទស្សនា ខណៈដែលក្មួយប្រុសរបស់លោកឈ្មោះ Jason អាយុ ៩ឆ្នាំ (ខាងឆ្វេង) និងក្មូយស្រី Yaxiara អាយុ ៧ឆ្នាំ (ក្រោមខាងស្តាំ) ដាក់ផ្កាយនៅជញ្ជាំងរំឮកវិញ្ញាណក្ខន្ធនៅក្នុងពិធីមួយដែលកំណត់ខួបលើកទី១៤ នៃការធ្លាក់យន្តហោះជើងហោះហើរ 587 របស់ក្រុមហ៊ុន American Airlines នៅតំបន់ Queens borough បូរីញូយ៉ក។ យន្តហោះនោះបានធ្វើដំណើរពីព្រលានយន្តហោះអន្តរជាតិ John F.Kennedy ទៅកាន់សាធារណរដ្ឋដូមីនីកង់ (Dominican Republic) នៅពេលបានធ្លាក់ដោយសារតែការខូចខាតប្រព័ន្ធមេកានិចភ្លាមៗបន្ទាប់ពីហោះឡើង ដោយបានសម្លាប់មនុស្សនៅលើនោះ ២៦០នាក់ និងអ្នកនៅលើដីចំនួនប្រាំនាក់។
ស្វាពូជអូរ៉ង់ហ្គូតង់ (Orangutans) រង់ចាំនៅក្នុងទ្រុងមួយ ដែលនឹងបញ្ជូនត្រលប់ទៅប្រទេសឥណ្ឌូនេស៊ីវិញនៅឯព្រលានយន្តហោះយោធាមួយនៅក្រុងបាងកក ប្រទេសថៃ។ ស្វាអូរ៉ង់ហ្គូតង់ចំនួន ១៤ ត្រូវបានចោទប្រកាន់ថា ត្រូវបានលួចនាំចេញពីឥណ្ឌូនេស៊ីទៅកាន់សួនសត្វឯកជនមួយនៅថៃ។ ថៃ និងឥណ្ឌូនេស៊ីបានសហការនៅក្នុងកម្មវិធីមាតុភូមិនិវត្តន៍មួយដើម្បីនាំយកពពូជសត្វស្វា មកកាន់ប្រភពកំណើតពួកវាវិញ។
ថ្លុកអំបិលបានលាតសន្ធឹងពាសពេញដីស្រែដែលរងការប៉ះពាល់ដោយសារគ្រោះរាំងស្ងួតនៅភាគខាងត្បួងអូស្រ្តាលី។
ក្រុមអ្នកវិទ្យាសាស្រ្ត New Horizon បានបង្កើតពណ៌មិនពិតមួយនៃភព Pluto ដោយប្រើនូវបច្ចេកទេសមួយហៅថា ការវិភាគសមាសភាពចម្បង ដើម្បីសង្កត់ធ្ងន់ពីភាពខុសគ្នានៃពណ៌ស្តើងមួយចំនួននៅតាមតំបន់ផ្សេងៗនៃភព Pluto។ ទិន្នន័យរូបភាពត្រូវបានប្រមូលដោយកាមេរ៉ាពណ៌យានអវកាស Ralph/MVIC នៅថ្ងៃទី១៤ ខែសីហា នៅវេលាម៉ោង ១១:១១ ព្រឹក ពីរយៈចម្ងាយ ២២.០០០ ម៉ាយ (៣៥.០០០ គីឡូម៉ែត្រ) ។
ក្រុមបាតុកររត់រកទីជ្រកនៅឯទីលាន Syntagna ខណៈដែលប៉ូលិសបង្រ្កាបបាតុកម្មគប់ឧស្ម័នបង្ហូរទឹកភ្នែកទៅលើក្បួនបាតុកម្មមួយនៅក្រុងអាថែន ប្រទេសក្រិក។ ការប៉ះទង្គិចគ្នាបានកើតឡើងរវាងប៉ូលិសបង្រ្កាបបាតុកម្ម និងក្រុមយុវជននៅឯបាតុកម្មមួយនៅភាគកណ្តាលក្រុងអាថែន នៅអំឡុងការធ្វើបាតុកម្មជាទូទៅដំបូង ចាប់តាំងពីរដ្ឋាភិបាលរបស់ប្រទេសដឹកនាំដោយពួកឆ្វេងនិយម ឡើងកាន់អំណាចដំបូងនៅក្នុងខែមករា។
ក្រុមអ្នកចម្រៀងនៃក្រុមភ្លេងអូប៉េរ៉ា Hamburg State Opera ធ្វើការសម្តែងនៅអំឡុងពេលហាត់សមបទភ្លេង «Le Nozze di Figaro» (ការរៀបការរបស់ Figaro) និពន្ធដោយលោក Wolfgang Amadeus Mozart នៅឯអគារ State Opera នៅក្រុង Hamburg ភាគខាងជើងប្រទេសអាល្លឺម៉ង់ នាថ្ងៃទី១១ ខែវិច្ឆិកា ឆ្នាំ ២០១៥។ ការប្រគុំភ្លេង Opera Buffa ដែលនិពន្ធឡើងនៅក្នុងឆ្នាំ ១៧៨៦ នឹងធ្វើការបង្ហាញជាលើកដំបូងនៅថ្ងៃទី ១៥ ខែវិច្ឆិកា ឆ្នាំ២០១៥។
សត្វក្រៀលចំណាកស្រុកកំពុងហើរពីលើដើមឈើមួយនៅអំឡុងពេលថ្ងៃលិចនៅជិតក្រុង Straussfurt ភាគកណ្តាលប្រទេសអាល្លឺម៉ង់។
មនុស្សម្នាត្រូវបានស្វាគមន៍ដោយ «X-wing pilots» ខណៈដែលពួកគេប្រមូលផ្តុំជុំវិញគំរូអ្នកចម្បាំង X-wing Fighter នៅក្នុងភាពយន្ត Star Wars ដែលត្រូវបានដាក់បង្ហាញនៅព្រលានយន្តហោះ Changi នៅសិង្ហបុរី។
អ្នកមុជទឹកម្នាក់ស្លៀកពាក់ជាតាណូអែលកំពុងហែលទឹកជាមួយត្រីនៅឯអាងទឹក Sunshine Aquarium នៅក្រុងតូក្យូ។
នេះជា បណ្តុំស្ករកៅស៊ូដែលបានបង្កឡើងជាបន្តបន្ទាប់អស់រយៈពេល ២០ឆ្នាំ មុនពេលត្រូវបានយកចេញផ្សារ Pike Place Market នៅតំបន់ Post Alley ក្រុង Seattle រដ្ឋធានីវ៉ាស៊ីនតោន នាថ្ងៃទី១១ ខែវិច្ឆិកា ឆ្នាំ២០១៥។ ជញ្ជាំងដែលមានពោរពេញទៅដោយស្ករកៅស៊ូនៅក្រុង Seattle ដែលបានក្លាយជាកន្លែងទាក់ទាញទេសចរមួយ មុនពេលត្រូវបានលាងសម្អាត បន្ទាប់ពីរយៈពេលជាងពីរទស្សវត្សរ៍មកនេះ។