ព្រះសង្ឃគោះរគាំង និងសូត្រធម៌ជាកម្លាំងចិត្តរំសាយការភ័យខ្លាចជំងឺកូវីដ១៩ដល់ពុទ្ធសាសនិកកម្ពុជា

ពុទ្ធសាសនិកនៅកម្ពុជាមួយចំនួនងាកទៅរកការទូន្មានផ្នែកផ្លូវចិត្តតាមបែបព្រះពុទ្ធសាសនា ស្របពេលពួកគេ មានការព្រួយបារម្ភ និងភាពមិនស្ងប់ក្នុងចិត្ត ខណៈរោគរាតត្បាតកូវីដ១៩ បានបន្តឆ្លងចូលមកដល់ប្រទេសកម្ពុជាជាច្រើនករណី។ វីរុសកូរ៉ូណាថ្មី ដែលអង្គការសុខភាពពិភពលោកថា មិនទាន់ស្គាល់ប្រភពនៅឡើយ បានសម្លាប់មនុស្សជិត ១៩ ០០០នាក់ ក្នុងចំណោមអ្នកផ្ទុកវីរុសនេះជាង ៤២ ម៉ឺន នាក់។ កូវីដ១៩ គឺជារោគរាតត្បាតសកលដំបូងបង្អស់ ដែលបង្កដោយវីរុសកូរ៉ូណា ។ វាបានឆ្លងរីករាលដាលទៅជាង ១៩០ ប្រទេស។