រូបភាពជុំវិញពិភពលោក ៣១ ឧសភា ២០១៨
កុមារ Catholic Sorbs ស្លៀកសម្លៀកបំពាក់ព្រពៃណី កំពុងចូលរួមក្នុងការជួបជុំមួយប្រចាំឆ្នាំឈ្មោះថា Corpus Christi នៅក្រុង Crostwitz ប្រទេសអាល្លឺម៉ង់។
មនុស្សម្នានាំគ្នាបញ្ចាំងភ្លើងទូរស័ព្ទ នៅពេលពួកគេចូលរួមបាតុកម្មមួយនៅមុខអាគាររដ្ឋសភាក្នុងទីក្រុងប៊ីលីស៊ី ប្រទេសហ្សកដានី។
ភ្ញៀវម្នាក់កំពុងញញឹមក្រោយពេលបានថតរូបពួកទាហានដែលកំពុងដើរកាត់ពិធីជប់លៀងនៅសួនច្បារមួយរៀបចំដោយម្ចាស់ក្សត្រីអង់គ្លេស Elizabeth II នៅរាជវាំង Buckingham Palace ក្នុងទីក្រុងឡុងដ៍។
ក្រុមអ្នករាំចូលរួមក្នុងពិធីមួយឈ្មោះថា «រាងកាយស្ថិតនៅក្នុងលំហ» រៀបចំដោយសិល្បករជនជាតិអូទ្រីស Willi Dorner ដែលពិធីនេះជាផ្នែកមួយនៃពិធីបុណ្យអ៊ីស្រាអែល (Israel Festival) នៅទីក្រុងហ្ស៊េរុយសាឡិម។
សិស្សមកពីសាលាអនុវិទ្យាល័យ St Dominic Bukna កំពុងប្រលងវិញ្ញាសារភាសាអង់គ្លេស នៅខាងក្រៅថ្នាក់ដោយសារតែថ្នាក់រៀនរបស់ពួកគេចង្អៀតណែនខ្លាំង នៅទីក្រុង Kisumu ប្រទេសកេនយ៉ា។
អ្នកប្រមាញ់ជនជាតិអាហ្វហ្គានីស្ថានម្នាក់កំពុងបាញ់ទា នៅខេត្ត Laghman ប្រទេសអាហ្វហ្គានីស្ថាន។
រូបថតដែលថតដោយប្រើល្បឿនម៉ាស៊ីនថតយឺត (low shutter speed) បង្ហាញក្រុមអ្នកកាន់សាសនាឥស្លាមដើរជុំវិញអាគារមួយរាងបួនជ្រុដែលគេហៅថា Kaaba នៅព្រះវិហារឥស្លាម Grand Mosque ក្នុងពេលពួកគេប្រមូលផ្តុំបួងសួងនៅពេលព្រឹក។ ពិធីនេះគេហៅថា Umrah ដែលស្ថិតនៅក្នុងខែពិសិដ្ឋរ៉ាម៉ាដន របស់សាសនាឥស្លាម នៅទីក្រុង Mecca ប្រទេសអារ៉ាប៊ីសាអូឌីត។
រូបថតដែលថតពីលើយន្តហោះ បង្ហាញពីការផ្ទុះភ្នំភ្លើង Pahoehoe ដែលកម្អែររបស់វាធ្វើចលនាយ៉ាងលឿនទៅទិសខាងជើង នៅតាមបណ្ដោយផ្លូវ Luana នៅក្នុងតំបន់ Leilani Estates។ ក្រុមអ្នកស្វែងរកកំពុងតែជម្លៀសពលរដ្ឋដែលរស់នៅជិត Pahoa នៅក្នុងរដ្ឋហាវ៉ៃ។
ក្រុមបាតុករបាញ់កាំភ្លើងធ្វើដោយខ្លួនឯងនៅពេលពួកគេធ្វើបាតុកម្មប្រឆាំងនឹងរដ្ឋាភិបាលរបស់ប្រទេសនីការាហ្គា ដឹកនាំដោយប្រធានាធិបតី Daniel Ortega នៅទីក្រុងម៉ាណាហ្គា ប្រទេសនីការាហ្គា។
លោក Minh Quang មកពីក្រុង Des Moines រដ្ឋ Iowa កំពុងស្ទួចត្រីនៅផែនៃ Gray's Lake Park។
នាង Anita Beroza មកពីក្រុង Belmont រដ្ឋកាលីហ្វ័រញ៉ា កំពុងតែត្រូវគេលួងលោម ក្រោយពេលនាងត្រូវបានគេទម្លាក់ចេញពីការប្រកួតអំនានមួយឈ្មោះថា Scripps National Spelling Bee នៅរដ្ឋ Maryland សហរដ្ឋអាមេរិក។
ពលករចំណាកស្រុកកំពុងទាត់បាល់ក្នុងពេលប្រកួតបាល់ Chinlone នៅក្នុងវាលភក់មួយក្រោយពេលភ្លៀងធ្លាក់នៅទីក្រុងបាងកក ប្រទេសថៃ។