រូបភាព​ជុំវិញ​ពិភព​លោក ៣០ ឧសភា ២០១៩

ឧទ្ធម្ភាគចក្រ​​​តៃវ៉ាន់ AH-64E Apache ដែល​ប្រើ​ប្រាស់​សម្រាប់​ការ​វាយ​ប្រហារ​បញ្ចេញ​អណ្ដាត​ភ្លើង​ក្នុង​ពេល​ប្រារព្ធ​ពិធី​ហាត់​សម​ប្រចាំ​ឆ្នាំ​ឈ្មោះ​ថា Han Kuang នៅ​ស្រុក Pingtung កោះ​តៃវ៉ាន់។

ទាហាន​កូរ៉េ​ខាង​ត្បូង​បង្ហាញ​ក្បាច់​គុន​ក្នុង​ពេល​ហ្វឹកហាត់​ ដែល​ជា​ផ្នែក​មួយ​នៃ​សម​យុទ្ធ Ulchi Taeguk ក្នុង​ទីក្រុង Goyang។

បុរស​ម្នាក់​កំពុង​សម្រាក​ពេល​បំពុង​អាន​គម្ពី​កូអាន នៅ​វិហារ​ឥស្លាមធំ​មួយ​នៅ​ក្នុង​ខែ​រ៉ាម៉ាដន នៅរដ្ឋ​ធានី​សាណា ប្រទេស​យេម៉ែន។

ស្ត្រី​កំពុង​ទូល​ធុង​ទឹក​ដើរ​ទៅ​កាន់​ផ្ទះ​របស់​ពួក​គេ​ នៅ​ក្នុង​ស្រុក Thane រដ្ឋ Maharashtra ប្រទេស​ឥណ្ឌា។

អធិកាបតី​អាល្លឺម៉ង់ អង់ជេឡា ម៊ែហ្គែល (កណ្ដាល) ទទួល​ការ​សាទរ​នៅ​ពេល​លោក​ស្រី​ទទួល​សញ្ញ​បត្រ​កិត្តិយស​ថ្នាក់​បណ្ឌិត​ផ្នែក​ច្បាប់ នៅ​ខណៈ​ដែល​អតីតសាកល​វិទ្យាធិការ​នៃ​សាកល​វិទ្យាល័យ Harvard លោក Drew Faust និង​លោក Alan Garber ប្រធាន​រដ្ឋបាល​នៃ​សាកល​វិទ្យាល័យ​ Harvard កំពុង​សម្លឹង​មើល ក្នុង​ពិធី​ប្រគល់​សញ្ញាបត្រ​សាកល​វិទ្យា​ល័យ Harvard នៅ​ទីក្រុង Cambridge រដ្ឋ Massachusetts សហរដ្ឋ​អាមេរិក។

ជន​ជាតិ​ប៉ាឡេស្ទីន​ម្នាក់​លេង​ភ្លើង​ក្នុង​ពិធី​មួយ​ដែលបញ្ជាក់​ពី​ការ​ឈាន​ជិត​ដល់​ថ្ងៃ​បញ្ចប់​ពិធី​រ៉ម៉ាដននៃ​អ្នក​កាន់​សាសនា​ឥស្លាម នៅ​លើ​កោះ​នៃ​ទីក្រុង Gaza។

កូន​ប្រភេទ​សត្វ​ម្យ៉ាង​ដែលភាសា​អង់គ្លេស​ហៅ​ថា lemur ដែល​ទើប​នឹងកើតកំពុង​ស្ថិត​នៅ​ក្នុង​សួន​សត្វ​ Bioparco ក្នុង​ទីក្រុង​រ៉ូម ប្រទេស​អ៊ីតាលី។

អ្នក​ទស្សនា​កំពុង​មើល​ការ​តាំង​ពិព័រណ៍​ «សង្គ្រាម​ផ្កាយ Galaxy's Edge» នៅ​ជិត​រូប​ Millennium Falcon នៅ​សួន​កម្សាន្ត​ Disneyland ក្នុង​ក្រុង Anaheim រដ្ឋ​កាលីហ្វ័រញ៉ា សហរដ្ឋ​អាមេរិក។