រូបភាពជុំវិញពិភពលោក ៣០ ឧសភា ២០១៧
ជនជាតិបង់ក្លាដែសរុញរទេះដាក់ឥវ៉ាន់មួយហើយកំពុងធ្វើដំណើរត្រឡប់ទៅទីលំនៅវិញបន្ទាប់ពីស្នាក់នៅជម្រក Cox's Bazar មួយយប់ក្នុងប្រទេសបង់ក្លាដែស។ មន្រ្តីនិយាយថាព្យុះត្រូពិកមួយបានបក់កាត់ភាគខាងត្បូងប្រទេសបង់ក្លាដែស និងបានបំផ្លិចបំផ្លាញផ្ទះជាច្រើនខ្នងនៅលើកោះដាច់ស្រយាលមួយចំនួននៅឆ្នេរ Bengal។
រថយន្តដែលទើបនឹងផលិតថ្មីជាច្រើននៃក្រុមហ៊ុនផលិតរថយន្ត Subaru កំពុងត្រៀមនាំចេញនៅកំពង់ផែទីក្រុង Yokohama ប្រទេសជប៉ុន។
អ្នកបង្ហាត់របាំក្រិកនិងអ្នករាំរបាំនាង Katerina Soldatou សម្តែងនៅលើប្រឡាយក្រុង Corinth ដែលជាផ្នែកមួយនៃគម្រោង «ក្រិកមានព្រលឹង»។
ភ្នំភ្លើង Sinabung កំពុងបញ្ចេញកម្អែលភ្លើងដ៏ក្រាស នៅក្នុងក្រុង Brastagi នៃទីក្រុង Karo ភាគខាងជើងខេត្តស៊ូម៉ាត្រា ប្រទេសឥណ្ឌូនេស៊ី។
កីឡាករកំពុងប្រកួតក្នុងការប្រណាំងទូកនាគប្រចាំឆ្នាំដើម្បីអបអរពិធី Tuen Ng ក្នុងទីក្រុងហុងកុង។
រូបភាពនេះត្រូវបានបញ្ចេញដោយមន្រ្តីទីភ្នាក់ងារសារព័ត៌មានកូរ៉េនៃប្រទេសកូរ៉េខាងជើង ដែលបង្ហាញពីការធ្វើតេស្តសាកល្បងមីស៊ីលនៅតំបន់សម្ងាត់មួយក្នុងប្រទេសកូរ៉េខាងជើង។
អ្នកភូមិជនជាតិបង់ក្លាដែសម្នាក់ត្រូវបានជម្លៀសទៅជម្រកពីព្យុះមួយនៅឆ្នេរក្នុងភូមិ Cox's Bazar។
កងកម្លាំងសន្តិសុខកុបកម្មប៉ះទង្គិចជាមួយនឹងបាតុករនៅពេលដែលម៉ូតូមួយគ្រឿងត្រូវបានឆេះក្នុងបាតុកម្មប្រឆាំងនឹងរដ្ឋាភិបាលរបស់ប្រធានាធិបតីប្រទេសវ៉េណេស៊ុយអេឡាលោក Nicolas Maduro ក្នុងទីក្រុង San Cristobal កាលពីថ្ងៃទី២៩ ឧសភា ២០១៧។
ប្រជាជនដែលរស់នៅក្នុងទីក្រុង Barreiros ព្យាយាមយកឥវ៉ាន់ពួកគេទុកនៅទីសុវត្ថិភាពនៅពេលដែលទីលំនៅរបស់ពួកគេត្រូវបានលិចទឹក ដោយសារភ្លៀងធំមួយក្នុងរដ្ឋ Pernambuco ភាគឦសាន នៃប្រទេសប្រេស៊ីល។
អ្នកសម្តែងកំពុងគប់លោហៈដែលធ្វើពីលង្ហិនទៅកាន់ជញ្ជាំងដើម្បីបង្កើតផ្កាភ្លើងក្នុងការសម្តែងប្រពៃណីមុនពិធីបុណ្យប្រណាំងទូកនាគក្នុងទីក្រុង Zhangjiakou ខេត្ត Hebei ប្រទេសចិនកាលពីថ្ងៃទី២៩ ឧសភា ២០១៧។
កុមារាមួយក្រុមកំពុងអានគម្ពីរ Koran ខាងក្នុង Markaz Al-Madrasa Al-Islamia ដែលជាថ្នាក់សិក្ខាសាលាឥស្លាមនិងកុមារកំព្រាក្នុងពិធីបុណ្យអត់អាហារម៉ូស៊្លីម Ramadan នៅក្នុងភូមិ Shadipora ជាយក្រុង Srinagar ប្រទេសឥណ្ឌា។
មនុស្សកំពុងមើលឧបករណ៏ពិនិត្យកញ្ចប់សង្ស័យមួយក្នុងពេលមានការឲ្យដំណឹងគ្រាប់បែកនៅស្ថានីយរថភ្លើង Gara de Nord ទីក្រុង Bucharest ប្រទេសរ៉ូម៉ានី។
ស្រមោលរបស់កីឡាការនីជនជាតិកាណាដា Eugenie Bouchard នៅពេលដែលនាងប្រកួតជាមួយកីឡាការនីជប៉ុននាង Risa Ozaki ក្នុងជុំទីមួយរបស់ពួកគេនៃការប្រកួតកីឡាវាយតេនីសបារាំងនៅកីឡដ្ឋាន Roland Garros ក្នុងទីក្រុងប៉ារីសប្រទេសបារាំង។
បុរសម្នាក់ថតរូប រូបសំណាកទាក់ទាញភ្ញៀវទេសចរដែលត្រូវបានបំផ្លាញ «The Little Mermaid» ក្នុងទីក្រុង Copenhagen ប្រទេសដាណឺម៉ាក។
ស្រ្តីម្នាក់កំពុងលក់កាសែតនិងទស្សនាវដ្តីក្នុងតូបមួយនៅស្ថានីយរថភ្លើង Gara de Nord ទីក្រុង Bucharest ប្រទេសរ៉ូម៉ានី។