រូបភាពជុំវិញពិភពលោក ២៣ ឧសភា ២០១៧
បុរសម្នាក់បានលីក្មេងស្រីម្នាក់ដាក់លើស្មានៅស្ថានីយ Victoria ក្នុងទីក្រុង Manchester ប្រទេសអង់គ្លេស។ មនុស្ស២២នាក់ត្រូវបានស្លាប់និងរបួសជាង១០នាក់បន្ទាប់ពីមានជនសង្ស័យម្នាក់បានបំផ្ទុះគ្រាប់បែកអត្តឃាតទៅកាន់ក្រុមអ្នកគាំទ្រដែលកំពុងចាកចេញពីការប្រគុំតន្រ្តីរបស់តារាចម្រៀងអាមេរិក Ariana Grande ក្នុងទីក្រុង Manchester។
របាំងមុខតំណាងអ្នកនយោបាយពុករលួយនៅខាងក្រៅអគារសភាជាតិក្នុងទីក្រុង Brasilia។ តុលាការកំពូលប្រទេសប្រេស៊ីលបានបើកការស៊ើបអង្កេតលើលោកប្រធានាធិបតី Michel Temer ដែលត្រូវបានចោទប្រកាន់ពីអំពើពុករលួយនិងជាសមាជិកនៃក្រុមឧក្រិដ្ឋជន។
អ្នកគោរពសាសនា Orthodox រុស្ស៊ីឈរតម្រង់ជួរគ្នាដើម្បីវត្ថុបុរាណរបស់ Saint Nicholas នៅក្នុងព្រះវិហារ Christ the Savior នៅក្នុងទីក្រុងមូស្គូ ប្រទេសរុស្ស៊ី ដែលត្រូវបានបញ្ជូនមកពីព្រះវិហារមួយក្នុងប្រទេសអ៊ីតាលីទីដែល Saint Nicholas ត្រូវបានតម្កល់អស់រយៈពេល៩៣០ឆ្នាំ។
ប៉ូលិសម្នាក់មកពីអង្គភាពប្រើគ្រាប់បែកកំពុងពិនិត្យតំបន់បន្ទាប់ពីមានការជូនដំណឹងនៅក្បែរបុរីវ៉ាទីកង់ ក្នុងទីក្រុងរ៉ូម ប្រទេសអ៊ីតាលី។
បុរសម្នាក់ដើរកាត់សារមន្ទីរ The Broad ក្នុងទីក្រុង Los Angeles រដ្ឋកាលីហ្វ័រញ៉ា កាលពីថ្ងៃទី២២ ឧសភា ២០១៧។
បុរសម្នាក់ក្នុងចំណោមពីរនាក់ត្រូវបានគេវាយដោយរំពាត់ដោយសារការរួមភេទ ក្នុងប្រទេសកាន់សាសនាឥស្លាម ដែលមានការព្រួយបារម្ភពីការប្រទូសរ៉ាយទៅកាន់សហគមន៍ជនស្រលាញ់ភេទដូចគ្នាតូចមួយនៅក្នុងទីក្រុង Banda Aceh ប្រទេសឥណ្ឌូនេស៊ី។ បុរសមួយគូរនេះដែលមានអាយុ២០ឆ្នាំនិង២៣ ឆ្នាំ ត្រូវបានរកឃើញថាមានទោសដោយបានល្មើសច្បាប់សាសនាឥស្លាមនៅក្នុងខេត្តអភិរក្ស Aceh។ នេះជាខេត្តតែមួយគត់ក្នុងប្រទេសឥណ្ឌូនេស៊ីដែលអនុវត្តច្បាស់ឥស្លាមហើយពួកគេទាំងពីរនាក់ទទួលទោសម្នាក់៨៥ រំពាត់។
កីឡាករប្រណាំងម៉ូតូម្នាក់បង្ហោះម៉ូតូក្នុងការប្រកួតមួយនៅ Guilin តំបន់ស្វ័យត Guangxi Zhuang ប្រទេសចិន។
បុរសម្នាក់ដុសធ្មេញដោយទឹកបំពុលកខ្វក់នៅទន្លេ River Ganga ក្នុងទីក្រុង Kolkata ប្រទេសឥណ្ឌា។