រូបភាពជុំវិញពិភពលោក ០៧ មីនា ២០១៧
សិស្សឥណ្ឌាឈរថតរូប នៅមហាវិទ្យាល័យមួយនៅក្នុងក្រុង Chennai នៅមុនទិវាសិទ្ធិនារីអន្តរជាតិ។
សមាជិកនៃសហគមន៍អ្នកស្រឡាញ់ភេទដូចគ្នា និងអ្នកផ្សេងទៀតដែលប្រឆាំងនឹងច្បាប់ Senate Bill 6 ធ្វើការតវ៉ានៅផ្នែកខាងក្រៅនៃវិមានCapitol ក្នុងរដ្ឋ Texas នៅពេលដែលគណៈកម្មាធិការកិច្ចការរដ្ឋរបស់ព្រឹទ្ធសភារៀបចំកិច្ចប្រជុំទាក់ទងនឹងច្បាប់មួយនៅក្នុងក្រុង Austin រដ្ឋ Texas សហរដ្ឋអាមេរិក។
ក្មេងប្រុសអាហ្វហ្គានីស្ថានម្នាក់ដែលកំពុងលក់ពងទាស្ងោររង់ចាំអ្នកទិញនៅកន្លែងចាក់ធ្បូងចោល នៅជាយក្រុងកាប៊ុល។
អ្នកគោរពសាសនាហិណ្ឌូចូលរួមនៅក្នុងពិធីបុណ្យសាសនា Holi នៅក្នុងភូមិ Nandgaon រដ្ឋ Uttar Pradesh ប្រទេសឥណ្ឌា។
Omsin ដែលជាអណ្តើកសមុទ្រពណ៌បៃតងញី អាយុ២៥ឆ្នាំ សម្រាកបន្ទាប់ពីគេដកយកកាក់ចេញពីពោះរបស់វានៅមហាវិទ្យាល័យ Faculty of Veterinary Science សាកលវិទ្យាល័យ Chulalongkorn នៅក្នុងក្រុងបាងកក ប្រទេសថៃ កាលពីថ្ងៃទី៦ ខែមីនា ឆ្នាំ២០១៧។ ក្នុងពេលវះកាត់៧ម៉ោង ពេទ្យបានយកកាក់ចំនួន៩១៥ចេញពីខ្លួនរបស់អណ្តើកមួយនេះ។ វាបានលេបរបស់របរនានាដែលភ្ញៀវទេសចរគប់ចូលទៅក្នុងទឹកដើម្បីសុំសំណាងល្អ។
ក្មេងស្រីពិការជនជាតិអ៊ីរ៉ាក់ម្នាក់ដែលបានរត់គេចចេញពីផ្ទះរបស់នាងរង់ចាំឡានដឹកនាងទៅកន្លែងមានសុវត្ថិភាព នៅពេលដែលកងកម្លាំងអ៊ីរ៉ាក់ប្រយុទ្ធជាមួយនឹងយុទ្ធជនរដ្ឋឥស្លាម នៅភាគខាងលិចនៃក្រុង Mosul។
កូរ៉េខាងជើងបាញ់បង្ហោះរ៉ុក្កែត៤នៅក្នុងរូបភាពដែលមិនកាលបរិច្ឆេទ ចេញផ្សាយដោយទីភ្នាក់ងារព័ត៌មានកណ្តាលកូរ៉េ ឬ Korean Central News Agency (KCNA) របស់កូរ៉េខាងជើងនៅក្នុងក្រុងព្យុងយ៉ាង។
រថយន្ត Sedric ដែលផលិតឡើងដោយលោកVolkswagen ត្រូវបានគេដាក់នៅក្នុងការតាំងពិព័រណ៍រថយន្តអន្តរជាតិលើកទី៨៧ នៅអគារ Palexpo ក្នុងក្រុងហ្សឺណែវ ប្រទេសស្វ៊ីស កាលពីថ្ងៃទី៦ ខែមីនា ឆ្នាំ២០១៧។
អ្នកបង្ហាញម៉ូដពាក់ម៉ាក Chanel សម្រាប់រដូវស្លឹកឈើជ្រុះ/រដូវរងា ដែលបង្ហាញនៅក្នុងក្រុងប៉ារីស ប្រទេសបារាំង។
ចាប់ពីឆ្វេងមក លោក Mariano Rajoy នាយករដ្ឋមន្រ្តីអេស្ប៉ាញ លោកស្រី Angela Merkel អធិការបតីអាល្លឺម៉ង់ លោក Francois Hollande ប្រធានាធិបតីបារាំង និងលោក Paolo Gentiloni នាយករដ្ឋមន្រ្តីអ៊ីតាលីធ្វើទស្សនកិច្ចនៅវិមាន Palace of Versailles ក្បែរក្រុងប៉ារីស ប្រទេសបារាំង កាលពីថ្ងៃទី៦ ខែមីនា ឆ្នាំ២០១៧។
កីឡាករ Valtteri Bottas ដែលបើករថយន្ត Mercedes ប្រណាំងនៅទីលាន Circuit de Barcelona Catalunya នៅក្នុងក្រុង Montmelo ប្រទេសអេស្ប៉ាញ ក្នុងសប្តាហ៍ទី២នៃការសាកល្បងនៃការប្រកួត Formula One Grand Prix។