រូបភាព​ជុំវិញ​ពិភពលោក ២៨ មីនា ២០១៩

អ្នក​រស់​រាន​មាន​ជីវិត​ជន​ជាតិ​បង់ក្លាដែស​បង្ហាញ​អារម្មណ៍​ក្រោយ​ពេល​ពួក​គេ​ត្រូវ​បាន​ជួយ​សង្គ្រោះ​​ពី​អាគារ​ការិយាល័យនៅ​ទីក្រុង​ដាក្កា។

លោក ​John Malkovich លើក​ក្មេង​ម្នាក់​ក្នុង​ពេល​ចាក់​បញ្ចាំង​រឿង «សម្ដេចប៉ាប​ថ្មី» ដែល​ជា​រឿង​ថ្មី​ថត​តាម​រឿង​ចាស់​មាន​ចំណង​ជើង​ថា «សម្ដេច​ប៉ាប​វ័យ​ក្មេង» ដែល​ផលិត​ដោយ​លោក Paolo Sorrentino នៅ​ទីក្រុង​រ៉ូម ប្រទេស​អ៊ីតាលី។

ម្ចាស់​ក្សត្រី​អង់គ្លេស Elizabeth ធ្វើ​ដំណើរ​ទស្សនកិច្ច​នៅ​កន្លែង​តាំង​ពិព័រណ៍  Hauser & Wirth Somerset ក្នុង​ក្រុងតូច​មួយ​ឈ្មោះ​ថា​ Bruton ក្នុង​ស្រុក Somerset ប្រទេស​អង់គ្លេស។

កង​សន្តិសុខ​របស់​ប្រទេស​កៀហ្ស៊ីស៊ីស្ថាន​ដើរ​ចេញ​ក្រោយ​ពេល​បញ្ចប់​ពិធី​ស្វាគមន៍​ដែល​មាន​ការ​ចូល​រួម​ដោយ​ប្រធានាធិបតី​រុស្ស៊ី Vladimir Putin ​និង​ប្រធានាធិបតី​កៀហ្ស៊ីស៊ីស្ថានលោក Sooronbay Jeenbekov នៅរដ្ឋធានី​ប៊ីស្កេក (Bishkek)។

ខ្លា​ឃ្មុំ​ញី​ឈ្មោះ​ថា Aurora ដើរ​មក​ជិត​​រូបថត​បេក្ខជន​​រួម​មាន​ Yulia Tymoshenko, Petro Poroshenko និង​ Volodymyr Zelenskiy ដែល​គេ​ដាក់​ភ្ជាប់​ទៅ​នឹង​ខ្លាញ់​ជ្រូក​។ នេះ​ជា​វិធី​មួយ​ក្នុង​ការ​ព្យាករណ៍​រក​មើល​អ្នក​ឈ្នះ​ការ​បោះ​ឆ្នោត​ជ្រើ​ស​រើស​ប្រធានាធិបតី​អ៊ុយក្រែន ដែលគេ​រៀប​ចំឡើង​នៅ​សួន​សត្វ Royev Ruchey ក្នុង​ទីក្រុង Krasnoyarsk ប្រទេស​រុស្ស៊ី។

មនុស្ស​នាំ​គ្នា​កាន់​បដា​ពណ៌​ខ្មៅ​ដែល​មានចារ​ឈ្មោះ​ជន​ជាតិ​កូឡុំ​ប៊ី​ដែល​លបាត់​ខ្លួន​ នៅ​ទីក្រុង​ប៉ារីស ប្រទេស​បារាំង​ មុន​ពេល​មាន​ការ​ដង្ហែ​ក្បួន​​របស់​ជន​ជាតិ​កូឡុំប៊ី​ដែល​រស់​នៅ​អឺរ៉ុប​ ឆ្ពោះ​ទៅ​កាន់​តុលាការ​ព្រហ្មទណ្ឌ​អន្តរជាតិ​ ICC នៅ​ទីក្រុង​ឡាអេ ដើម្បី​លើក​ឡើង​ពី​ការ​រំលោភសិទ្ធិ​មនុស្ស​ និង​ការ​សម្លាប់ជា​ប្រព័ន្ធ​លើ​មេដឹកនាំ​បញ្ហា​សង្គម​ នៅ​ប្រទេស​កូឡុំប៊ី។

លោក Peter Mokaya Tabichi (នៅ​លើ​គេ) ដែល​ជា​អ្នក​ទទួល​បាន​ជ័យ​ជម្នះ​ពាន​រង្វាន់​«គ្រូ​បង្រៀន​សាកល»​ ត្រូវ​បាន​ស្វាគមន៍​ដោយ​កូន​សិស្ស​របស់​លោក​ពេល​លោក​មក​ដល់​ព្រលាន​យន្ត​ហោះ Jomo Kenyatta ក្នុង​ទីក្រុង​ណៃរ៉ូប៊ី ប្រទេស​កេនយ៉ា ក្រោយ​ពេល​ចាក​ចេញ​ពី​ទីក្រុង​ឌូបៃ (Dubai) ប្រទេស​អេមីរ៉ាត​អារ៉ាប់រួម។ លោក​បាន​ឈ្នះ​ពាន​រង្វាន់​ដែល​មាន​ទឹក​ប្រាក់​១​លាន​ដុល្លារ។

ផ្កា​ត្រូវ​បាន​គេ​ដាក់​នៅ​និវេសដ្ឋាន​របស់​ឯក​អគ្គ​រដ្ឋទូត​ហូឡង់ ក្នុង​ពេល​ប្រារព្ធ​ទិវា​ផ្កា Tulip ដែល​ជា​ព្រឹត្តិការណ៍​មួយ​រៀប​ចំ​ដើម្បី​អបអរ​ដល់​វិស័យ​ថែរក្សា​ផ្កា​របស់​ប្រទេស​ហូឡង់ និង​ទំនាក់​ទំនង​នេះជាមួយ​សហរដ្ឋ​អាមេរិក នៅ​រដ្ឋធានី​វ៉ាស៊ីនតោន។

អ្នក​ទស្សនា​កំពុង​ថត​រូប​នៅ​បន្ទប់​ Genesis ក្នុង​ពិធី​តាំង​ពិព័រណ៍​រថ​យន្ត​ឆ្នាំ​២០១៩ នៅ​ទីក្រុង​ Goyang ប្រទេស​កូរ៉េ​ខាង​ត្បូង។

រូបថត​ពី​លើ​អាកាស​បង្ហាញ​ពី​​បាឡុង​ក្ដៅ​មួយ​កំពុង​ត្រូវ​បាន​បង្ហោះ​នៅលើ​ក្រុង Putrajaya ក្នុង​ពិធី​«បាឡុង​ក្ដៅ​អន្តរជាតិ» នៅ​ប្រទេស​ម៉ាឡេស៊ី។

បុរស​ម្នាក់​ដេក​នៅក្នុង​មឈូស​នៅ​ចន្លោះ​ផ្កា​ ក្នុង​ពេល​ចូលរួម​ក្នុង​ពិធី​ធ្វើ​ត្រាប់​ការ​បុណ្យ​សព​ ដែល​ជា​ព្រឹត្តិការណ៍​រៀប​ចំ​ដោយ​រដ្ឋាភិបាល​ថ្នាក់​ក្រោម​ជាតិ​ដើម្បី​លើក​កម្ពស់​ពិធី Qingming ឬ​ទិវាបោស​សម្អាត​ផ្នូរ​សព​ នៅ​ឯ​កន្លែង​សម្រាប់​ធ្វើ​បុណ្យ​សព​ក្នុង​ទីក្រុង Jinhua ខេត្ត Zhejiang ប្រទេស​ចិន។

មនុស្ស​នាំ​គ្នា​ពាក់​ឧបករណ៍​ដែល​ធ្វើ​ឲ្យ​ពួក​គេ​មានអារម្មណ៍​ថា​កំពុង​ស្ថិត​នៅ​ក្នុង​ហេតុការណ៍​ជាក់​ស្ដែង នៅ​ពេល​ពួក​គេ​មើល​កុន​នៅ Er Dong Pictures ក្នុង​ទីក្រុង​ប៉េកាំង ប្រទេស​ចិន។

អ្នក​សម្អាត​ម្នាក់​កំពុង​ដុស​លាង​សត្វ​ឆ្កែ​មួយ​ក្បាល​នៅ​កន្លែង​លាង​សម្អាត​ឆ្កែ​ក្នុង​ទីក្រុង​ទុយនីស ប្រទេស​ទុយនីស៊ី។